مصدر سعادتي(مكتمله)

بارت 37

هلوو شلونكم فراولاتي

لاتنسون النجومه قبل لاتقرون 🌟✌🏻😘

بارت ٣٧ خليته اجزاء حتى اختم فقد ب٣٧بارت هذا بارت ٧٥٠٠كلمه ماحبيت اطوله اكثر خوفً على نظركم😂😘 الجزء الثاني اذا كملته انشره الجمعه واذا لا يبقى على موعده السبت احاول اختمها الاسبوع الجاي القصه

قراءة ممتعه😘❤️

حارس راح اصير ابشارعك مجبور
حتى اكدر اشوفك انه يوميه
وذا مر يوم بيه اوماشفيتك بيه
اباب البيت اشغلك احاديه
راح الناس تطلع وانت ويه الناس
ابهاي الحاله شفتك ميه بلميه
واذا الناس سالو عمي شنهي الصار
ابشارعكم شفت عمي حراميه

_____
تهاني
________

عبير:هاا شصار
تهاني:يمه يريد يشوفج
عبير:ليش يشوفني ولج هاا حاجيتله شي عني
تهاني:لايمه والله هوه طلب يتعرف على عليج گال اريد اشوف امج
عبير:خوش باجر ادز وياج مره وهسه اتصلي عليه گدامي وتقابلو باجر برا الجامعه

تهاني:الو السلام عليكم
مصطفى:شويه واحجي وياك

سداه بوجهي مبين مشغوله اخذ ربع ساعه واتصل عليه

مصطفى:هلا تهاني مساع گاعد بلكوفي يم اصدقائي وماگدرت اجاوبج شنو بيج شي شعجب متصله
تهاني:لاسلامتك مابيه بس حاجيت امي
مصطفى:اي شگالت
تهاني:گالت باجر اشوفه برا الكليه
مصطفى:خوش حجي بكوفي.... نلتقي
تهاني:اي ماشي

سديته منه وتباوعلي تروح وياج خديجه وهيه على اساس امج وانا افهمها كلشي وانتي خليج طبيعيه واقنعيه تزوجينه وحتى يخطبونج من خديجه ورجلها لان انتي بأسمهم

تهاني:اي ماشي

رحت للغرفه درست كملت ونمت تعبانه منا عبير منا مصطفى منا هذا الخرفان ودراستي ربي ساعدني وصبرني والله تجيني ساعات افكر انتحر واخلص بس افكر انا خسرانه الدنيا اخسر الاخره ولو انا حتى الاخره خاسرتها اضحك على نفسي گعدت ثاني يوم انا وسميه كل وحده راحت لجامعتها جانت اول محاظره ماجاي الاستاذ اتصلت عليه خديجه گالت منتظرتج انا بلكوفي رحت لمصطفئ كتله ورحنا انا وياه وصلنا دخلنا لگيناها گاعده الله شنو نهايه هذا الكذب والخداع علمود طمع وطغيان وغش

مصطفى:السلام عليكم
خديجه:وعليكم السلام هلا وليدي
مصطفى:شلون خاله
خديجه:هلابيك يمه انته شلونك

الله على تمثيلج وجذبج اباوعلها ماعاجبني لي جاي يصير كلش بس شسوي مجبوره طلب مصطفى عصير بقت هيه وياه تسولف وتسئل وشنو تشتغل ومنين انته واهلك منو واخوانك وين انا اشارك قليل لعبت نفسي منها ومن نفسي اكثر

تهاني:يمه راح تبدا محاظرتنا يمه😒
مصطفى:بعدلها ثلث ارباع سوالف امج ماتنمل😂
هنيالج عمي
تهاني:اي يلله مصطفى لازم اراجع قبل المحادثه
مصطفى:بنتج هاي مستعجله تشرفت بمعرفتج خاله واتمنى نلتقي مره ثانيه
خديجة:اي ان شاء الله يمه سوالفك حلوه وانته احلى
مصطفى:اشكرج من ذوقج
تهاني:باي يمه