مصدر سعادتي(مكتمله)

الجزء 40

مرحبا شلونكم حبايب قلب قلبي اعتذر عن التأخير
بس كل واحد وعنده ضروفه واعتذر ثاني مره عن انقطاعي
احبكم وتفاعلو حتى عگبه انزللكم البارت الاخير واختم قصتي
ان شاء الله لان انا كملت البارت الاخير بس صار هواي اذا خليته ويه هذا البارت وهذا البارت ٤٠٠٠كلمه

ليش تبچـي .... الناس أجو سألوني
جاوبتهم .... هذا حظ آعيوني
گالــــوا آضحك ...
عوف دمعك ...
حيل آضحك ...
خل نسمعك ...
توني أجيت اضحك .. واجو بچوني؟؟

____
مريم
_______

الساعه خمسه گاعدات انا والبنات تتنظر يرجعون ونسولف ونضحك ومرات نضوج على تهاني محد يفهم شنو مودنا
ردت اخبث على ساره مع انو اكو علاقه هيه وصگر لاكن ابد ماتعترف لاهيه ولاصگر ويكابرون بحبهم

مريم:مرام تدرين صگر راح يزوج وغمزت لمرام
مرام:اي گالي احمد حتى تفاجأة شنو خطب ساره بعدين بطل يريد يخطب المحاميه
مريم:لاخيه هوه من البدايه يريد المحاميه اصلن تفاجئنا من كال اريد احطب ساره جان يحبها من زمان
مرام:ياالله الله يوفقهم يمتى يخطب
سرور:تحجن صدك لو تشاقن
مريم:ليش وقت شقه هسه
سرور:مااعرف بس معقوله
مريم:وليش مو معقوله اخوي الف وحده تتمناه من فدوه اندارله
ساره:الله يوفقه شنسويله قابل
مريم:ياا وشبيج عصبتي
ساره:عليش اعصب جداً طبيعيه انا يالله گايمه اكمل دراسه

مرام:خرب يومج ليش هيج سويتي خطيه
مريم:خليها شالعه گلب اخوي الصبح شفتها مطنگره عليه وهوه ضايج من البارحه تگول امي حتى طلع بدون ريوگ
سرور:شدعوه عليهم العشاق وهسه تگول الله يوفقه خرب يومها😂😂
مرام:واحد يستاهل الثاني يخبلون ولايگين لبعض
مريم:الله يتمم على خير وتفتك من السادس وتعرس ويبقى البيت لي الله شحلاته هالشعور
مرام:هيووو عايشه بلاحلام انتي انا ام البيت لبارحه تدلعنا بوسنا مرغنا لبسنا تمكيجنا مامو كتله خل اروح اشوف البيت يگلي لا حلاته من تطبيله اول مره
مريم:ياا حتى انا اتوسل بمحمد وماكوو

جاي نسولف ودخل مصطفى تلكيناه نريده يحجي ابد ولاكلمه نطق صعد لغرفته گبل گمنا مرام راحت تخبز وانا اسوي عشا وسرور تگلي طيبه نايمه ويوسف يلعب بتلفون امه وجهالي يم عمتهم يلعبون
لساعه سته ونص اجو عمتي واحمد بس تهاني مو وياهم 
بعدين دخل محمد گبل صعد لااخوانه بقينا نفرفح ورا عمتي نريد نعرف شصار محد يحجي

سرور:يمه احجي حبابه شصار
عمتي:شصار بعد طلعت بتهم سلمناهم الامانه واجينا
مرام:وشلون عرفو
عمتي:رجلج عرف
مرام:يمه فديت رجلي رحتله فدوه
مريم:اثگلي شويه
عمتي:بنت اخيتي غسلت ايدي منها 😒
مرام:خاله فدوه بزاهي😂

سمعنا صوت الولد عالي ويسولفون گالت عمتي عوفنهن شويه شويه بدا صوتهم يعلى

عمتي:يوم يموتون اخوهم يالله يرتاحون هذول هذا نهايه دلاله الزايد محد طلع عينهم غيره لو حجيت يگلي مااكسر بخاطرهم
ساره:احمد كلنا مايكسر بخواطرنا الله يخليه لنا ويحفظه
عمتي:هسه على شنو يتعاركون والله اصعدلهم بلعصا مفرفحين اخوهم مايگولون خطيه يتعب لانزيد تعبه
مرام:خاله عليش معصبه هسه يتعاركون بس ينزلون يشاقون ويضحكون😂
سرور:بس صوتهم هلمره ابد مو مال نهايه ضحك يمه اصعديلهم