مصدر سعادتي(مكتمله)

بارت 39الجزء الرابع

السلام عليكم شلونكم اخباركم

اسفه على التأخير بس ضروف وادعولي وشكد حاولت اختمها بس ب٣٩بارت بس الاحداث حتى وجاي اختصرها ماتطلع وياي هذا الجزء الرابع من بارت ٣٩ وان شاء الله ان شاء الله اختمه بارت ٤٠ ادعولي بعد وعلى حسب ضروفي بعد البارت الجاي وهذا البارت عوضتكم اكثر من ٦١٠٠كلمه

قبل لاتقرون الفاتحه لروح شهدائنا الاحرار

قرائه ممتعه
.
.
.

تعال ولا تظني عليك زعلان
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل

____
مرام
________

لحمدلله جبت بالسلامه اجت خواتي وقرايبنا باركلي ولي جابن هدايه ولي فلوس وصار عندي يوسف وشهم لحمدلله والشكر حياتنا عاديه وروتين يومي گاي عائله عراقيه بس لازم كل اسبوع اقل اكثر نشوف تهديد على بابنا لولد مامهتمين وعادي عدهم اكثر من مره خالتي گالتلهم خلو حماياه وياكم وتصيح وتبجي يگولون الحافظ الله لحمدلله والشكر اهاي بعد مارحتلهم من عركه ابوي واحمد ساره بلشت تدرس الثالث وسرور الثالث وطيبه السادس ومصطفى مرحله ثالثه ويوسف السنه سجل اول ولحمدلله بسرعه يفهم اكثر من الحفظ شاطر اما سيوفي وغزوله توهم عمرهم اربع سنوات بس غزل ناعمه حيل تبين جنها سنتين ومعذبه امها ماتنام

وكل ليله نسمع صيه محمد من وراهم نضحك عليهم ومريم تسكت بيه تگول فضحتنا رجال معوز حنان😂

خالتي درت حيدر خاطب سرور وصگر خاطب ساره گالت الشور بيد اخوانهن وموغربه همه

اما الشركه لحمدلله فتحوها وبدت تشتغل احمد يروحلها على فرقته بحسب دوامه ومصطفى جاي يطبق بيها يتعلم اما لي لازمه حيدر وضافر وحمزه ويشتغلون بيها ولدنا وائل وياسين ومهند ولد عماتي

اما اخواني فاسحبو نفسهم وفتحولهم مشروع وجاي يشتغلون بيه وامي تجيني وخواتي هم ومرات انا اسير عليهن ونسوان اخواني عادي علاقتي وياهن صديقاتي يعني مابتعدن من انا ابتعدت عن اهلي بقن يتواصلن وياي ويه خواتي وحتى خواتي يمدحن بيهم يگولن من الروح مايثگن بوجوهنا

اما مصطفى يامصطفى واخيراً حجالي قصته صح فرحت له بس مااعرف اجتلي خوفه وراني صورتها ماشالله تخبل لبنيه بس طمنت من عرفت احمد رايح وشايفها ردت اسويها عركه شلون رايح للكليه وكلها بنات بس مصطفى گلي مايعرف انا گتلج وراح يسئلج منين دريتي سكتت

اما ليسه وكشخته فاكل يوم انا وياه متعاركه ياربي شسوي والله رجلي حلو وملابس العسكريه هوه محليهن مو هنه محلياته وعطره لو خلاه سابع جار يشتمه ليش انا عطري مو نفسه ولو رجع من الدوام حظرته يتكشخ ويطلع ويه جماعته بس ابد ماهملنا انا وجهالي كلش عادل ويانا كلنا انا اخوانه شغله شركته حلاله وادعي من ربي بعد يقويه ويحفظه لنا ويسلمه من كل شر وكل مكروه