مصدر سعادتي(مكتمله)

البارت الاخير

صباح العسل طبعاً اعتذر كتلكم انشره اول البارحه بس والله جنت احظر لزياره ولبارحه بالزياره وهسه يالله عدلت البارت والله التعب يقرا الالم وفلاونزا يعني تعبانه الى اقصى درجه

____
مرام
______

خالتي:ياا شبيهم هيج الولد دخلو مايدرون النسوان داخل ومالابسه
مريم:شبيهم
مرام:ماادري صاعده اشوفهم يارب سترك

صعدت فوگ لگيتهم لابسين زي العسكري وسلاحهم بيدهم ومصطفى وياهم سلاحه تفاجأه طلعو ماقبلو يحجون ويانا وشكلهم مستعجلين يارب برداًوسلاماً

ام صگر:ياا شبيهم شصاير
خالتي:حالي حالج ياخيه
مريم:اكيد اتصلو عليهم من الدوام
عمتي سعاد:جا ولدنا وين راحو خل اسئل وائل عليهم وين تلفوني زحام يمه جيبيلي تلفوني

شويه ونسمع رمي زخ طفرنا كلنا

خالتي:يمه راحووو ولدي يايمه
عمتي دلال:اخخخ يمه ياسين
سرور:ياربي شصاير اخووواني يمه اخواني😭😭
خالتي:هدني خل اطلع اشوفهم هدني كتلجن
مريم:وين طالعه عمه ماتسمعين الرمي والولد برا
ام صگر:اركدي ام احمد وين تطلعين هنوب تصيبج فشگه طايشه

شويه وخف الرمي بس طلعنا بالطارمه ماكو احد عمامي اجو دخلو

عمي مسلم:شصاير شنو هالدم برا
خالتي:يممممههههه ولدددي رااااحووو يبووووي
عمي مسلم:محمد اخذ حيدر ومشو ماردو عليه
عمي جاسم:شنووو شصاير
خالتي:ياخيييي راحو ولد اخوكك ماردت هالدوام الاكشر

خالتي گاعده بالطارمه وتبجي وعماتي وخالاتي عمامي اجو وابوي وزواج عماتي وخالاتي حركنا التلفونات عليهم محد يجاوب صارت فرحه الكشره علينا صعدنا كلنا غيرنا ملابسنا ونبجي

ابوي:هسه حتى مانعرف يامستشفى راحو نروح وراهم

ساره:الوو صگر هاا شصاير شبيكم احجي فدوه شلونكم اخواني بيهم شي الله عليك

كلنا ركضنا عليها تحجي وتبجي

ساره:صگر شصاير ليش تبجي اخواني مو
خالتي:يبووووووووووووي راحووو ولدي كتلوهم يايمه

اجا ابوي يريد ياخذ التلفون وگعدت بالگاع وضلت تبجي وتلطم وگع منها التلفون

ام صگر:شبيهمم شصايررر شبيه صگر

گامت وشبگت عمتي دلال وتصيح بااسم ياسين

ساره:عمه ياسين ياعمه راح ياسين
عمتي دلال:منو هذا ياسين ابني ياا وخري لاتشاقين
يممهههههه ولكممم ابني ابني ابني ولك امجد راح وحيدنا وحيدنا راح
حوراء:ياا ساره شبيه ياسين لاتجذبين فدوه احجوووولي شبيه عمه رجلي راحح ياعمه

گامت تلطم وتصيح ملخت شعرها ملابسها
من شافوها هيج طلعو كلهم ضلينا بس احنا بالبيت نسوان نتلاطم مانعرف شنسوي خالتي وعمتي دلال وسعاد وخالتي ام صگر لبسن عبيهن يردن يطلعن لگن المنطقه كلها مطوقه وحرس مامفتهمين شنو صار
ياربي معقوله ساعه وحده ينگلب بينا حالنا