مصدر سعادتي(مكتمله)

بارت ١٧

رمضان كريم مبارك عليكم الشهر ان شاء الله تستعيدونه كل عام وانتم في افضل حال واللهم يبعد عنا هذه الوباء وينصرنا في ثورتنا ويبعد عن العراق كل حزن وتنشف جراحنا

احمد:مرام مرام
مرام:هاا شبيك😳

احمد:شبيه يعني اجيت اخذج نروح لسوك
مرام:ليش
احمد:نرگص مرمره شبيج غير تشترين ملابس لدوام ماباقي بس اسبوع له
مرام:ماعبالي نطلع ليوم
احمد:يلله فارق ليوم كلت اخذج انتي وساره وسرور يلله استعجلي السياره شغاله
مرام:اوك يلله صاعده

احمد:وينج يابنت الناس تأخرنا
مرام:هاي اجيت شبيك
احمد:يمه محتاجه شي
خالتي:لايمه سلامتك الله وياكم
احمد:عدلي شالج
مرام:اي عدل والله
احمد:امشي ماادري منين طلعلي بلسوگ
مرام:اي شبيك معصب
احمد:وراي شغل وماباقي شي لدوام وابوي راح وخلى شغل المزرعه عليه ادري اقسم نفسي شغلي بلمحل شغلي بمزرعه ابوي ومزرعتي ودراستي
مرام:گول ياالله وكلشي ينحل

رحنا لسوگ وتسوگنا انا والبنات ومريم ويانا بس اشوف احمد تعبان ومهموم المهم كملنا ورجعنا للبيت مريم راحت لبيتهم محمد وصلها واحنا نزلنا

مرام:شلونج خاله اخخخ تعبانه
خالتي:هلا شنو گملتو چا احمد وين
مرام:مااعرف نزلنا وراح گال عندي شغل قبل العشا اجي صاعده ارتب ملابس وانتي شوفي ملابس البنات وهاا خاله اشتريت سيت گلاصات شوفيهن
خالتي:خوش يلله اصعدي يمه ونزلي نسوي عشا

صعدت رتبت ملابسي انا واحمد ونزلت سوينا عشا تعشينا وكل واحد لغرفته اذا عمي مو موجود قليل نسهر بليل انا ومحمد جاي ندرس لرابع ومصطفى يدرس الااول متوسط

مرام:احمد
احمد:هاا
مرام.شبيك ضاربها على الصفنات
احمد:مابيه هيج تعبان
مرام:هونها وتهون صگر ومحمد وياك ويساعدونك وعمي من ينزل من الدوام
گمت امرغله اشوفه ارتاح
احمد:شسوين تعالي حضنج راحتي
مرام:عوفني براحتي
احمد:تعالي گتلج
مرام:مم مااحس له جارني عليه وصاير فوگاي ياا احمد شسوي
احمد:ومنين اگلك يابط هسه
مرام:لافدوه لا😂
احمد:كافي ولـج نصي صوتج
مرام:احمد شبيك
احمد:شبيه يعني بوسه من هلشفه العسل تخليني ملك
مرام:ياا اصب..
.
.
.
.
.
.
مرام:كمنا سبحنا ونمنا احمد خطيه يطلع من الصبح لشغل يرجع الظهر ينام شويه ويروح للمحل يرجع بلسبعه مرات سته يدرس ساعتين وطبعا مايبطل غزل بيه وين ماروح وراي اگله عيب من اخوانك يگلي اذا تردين نروح يم ابوي نام ابد ولايستحي🙈 بدا الدوام نروح انا ومريم سوه احمد الولد يوصلونا لان مدرستهم قريبه علينا نرجع كلنا بل١٢ ونص نتغدا نام شويه ونگعد ندرس العشا عليه انا اسويه بس خالتي تخبز
 
مرام:خاله تعبانه وعندي نحول
خالتي:خاف حامل ولج
مرام:يا خاله تونا صالنا شهرين ونص من عرسنا شلقصه
خالتي:اي واذا يمكن من ليلتها حبلتي
مرام:مااعرف يمكن
خالتي:باجر عطله والصبح نروح انا وياج لدكتوره
مرام:اي اگول لااحمد