Just Another Poem

Bulag, Pipi, Bingi (Her)

( Her perspective )

Tatakpan ko ang aking mga Mata

Upang Hindi ko na Makita

Ang katotohanang nakatago

Sa likod Ng lahat Ng kasinungalingan

Patuloy na paniniwalaan

Pipikit na Lang, magkukunwari

Na ang lahat Ng Ito'y di totoo

Tama.

Panaginip Lang to.

Tama

Ang totoo'y ako ang Mahal mo

Hindi sya. Hindi kayo. Kundi tayo.

Patuloy pa rin sa larong ito

Sa pagbubulag-bulagan pagdating sayo.

Pipi

Mga salitang nagpupumilit kumawala

Mula sa aking bibig

Na tila may nais iparating

Nais isigaw tinatagong damdamin

Ngunit bakit di ko magawa?

Mga salitang tangi'ng hangin ang nakarinig

Mga salitang kahit anong

gawin ay di mo maririnig

Nakontento na Lang sa pananahimik

Pilit itinago Ng ngiti

lahat Ng hinanakit

Na minsan Hindi mo napansin

Siguro nga mas mabuti nang ganito

Mananatili na Lang Pipi

Para sa ikakabuti nyo...

Bingi

Ang musika'y patuloy na

nangingibabaw

Dinaig ang mga salitang nais mong sabihin

Tama.

Wala Naman talaga akong narinig.

Tama.

Sa gitna ng mga nagsasayahan

Sa gitna Ng malakas Ng musika

Magkukunwaring bingi, noong sinabi mong

Dapat na akong dumistansya sa iyo

Wala Naman akong naririnig

Sige... Magsaya pa tayo...

"Itigil mo na ito..."

Patuloy Lang sa pagsasaya

Pinilit na iniinda ang sakit

Ang mga luhang nais kumawala

Mula sa aking mga mata

Na kanina pa pinipigilan

"hanggang magkaibigan Lang talaga tayo."

Sumilay ang ngiti sa mga labi

Sumabay sa ritmo Ng  musika Ng gabi

"'Ang ganda Ng kanta noh?

Teka? Anong sinabe mo?

Pasensya na, Hindi ko narinig

Ano nga ulet yon?"

Gugustuhing maging bingi na lamang

Para manatili ito

Para sa Kung anong meron tayo...