اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يوم الجمعه صباحاً || - 10:30 AM -
¦ بيت أهل ليال ¦
مريم بحزن : وين الخير وانا محرومه من بنتي!
فهد يرقع : يمه الله يهديك تعترضين على حكمة ربك!
مها مقهوره : ابي اكلم خالتي لو سمحت خلينا لحالنا..
فهد : اصلا طالع وراي شغل *طلع وتركهم*
مريم بفضول :وش فيك يابنتي؟
مها : خالتي بقولك شي بس ماتعلمين احد..!
انفجعت مريم : وش صاير امك فيها شي؟
مها تمسكها وتدخل معها غرفة النوم وتقفل الباب : خالتي هدي امي مافيها شي..
مريم زفرت براحه : طيب وش بلاك وش الي تبين تعلميني ياه؟
مها بتوتر : اعرف وين مكان ليــآل.
وقفت بصدمه : شلوووون!
- حكت كل شي لـ الخاله مريم ووش صار مع ليال -
تبكي مريم بحرقه : والله قلبي مايكذب احساسه انا كنت حاسه ان بنتي فيها شي..
مها تهديها : خالتي الله يهديك خلاص ماله داعي تبكين الحمدلله انها حيه وبيد ناس تخاف ربي فيها..
مريم توقف : قومي يلا وديني لها بسرعه.!
مها تمسك يد خالتها وتقعدها : مو الحين..
الخاله مريم : ليييه مو الحين..
مها : سافرت.
الخاله مريم : وووووين لييييه!!
مها : خالتي اصبري وخليني افهمك كل شي انتي ماخليتيني اكمل..
الخاله مريم : كملي بسرعه قلبي مو قادر يهدأ..
مها : راحت اليوم بريطانيا رحلتها مشت يمكن قبل ساعه، وعلى ما فهمت انو احتمال عندها موعد مع دكتور عشان عيونها وماراح تطول فقط بيسوون فحوصات واذا طلعت النتايج بياخذون موعد ثاني وبيرجعون هنا السعوديه..
الخاله مريم بدون صبر : متى طيب ابي اشوفها..
مها : يمكن اسبوعين بالكثير!
:مين الي تبين تشوفينها!
الخاله مريم بـ صدمه : عبدالعزيز!
مها تصرف : امي سافرت الشرقيه وبتقعد اسبوعين وجيت اعلم خالتي..
عبدالعزيز بعدم اقتناع : ايييه طيب ترجع بالسلامه ، قومي يامريم جهزي القهاوي في رجال عندي بالمجلس!
قامت الخاله و مها معها : ابشر انت روح وبقولهم يجيبونها عندك!
عبدالعزيز بتساؤول: ماشاء الله كنك تعودتي على الوضع وراح البكي والتحلطم!
مها مقهوره : ماعليه ياخالي عبدالعزيز الدنيا تمشي ولازم نمشي معها مايصير نقعد نحزن الحزن مايرجع الميت ولا شرايك ياخالتي؟
عبدالعزيز : اييه كويس عقلي خالتك تعبت وانا اعقلها
*تركهم وراح مجلس الرجال*
أنت تقرأ
رواية خليجيه :لآتفلت يديّ *مكتملة*
Romanceبعد ماهدأت وقفت من جديد وكأنها أستوعبت : أنا وين؟ "حست بحجم الموقف الي تمر فيه بهاللحظه و المكان مظلم إلا من كم إناره حوالين البيوت!"همست بخوف:وش ذا المكان؟ "سمعت صوت ورا الباب إلى هي واقفه عنده وانفجعت تتلفت وين تتخبى بس مامداها تحط رجلها الا الب...
