أمها جات داخلة الغرفة وبتحاول تصحي فيها وهي كالعادة في آخر نومة، لو حصل زلزال ولا إعصار هي مابتصحى😂💙،ولازم أمها تعيد معاها نفس الشريط والاحداث اليومية عشان تقوم من السرير.(هديل: اكبر بنت في العيلة،21سنة،بتدرس علم نفس السنة الاخيرة،.إجتماعيه شديد ومحبوبة من الكل.والدتها:زينب ربة منزل وأم ل3بنات، أم حنونة وطيبه ومتفاهمه شديد والاجمل انها صحبة لبناتها،💙،....هاجر: الوسطانيه،جنها كتب ودراسة،انسانه مثقفة لدرجه وبتحب الفلسفه والنقاشات في حيذ العلم😂💙..17سنه ومتتحنة علمي ونفسها تكون مهندسه معمار.....هناء:دلوعة العيلة،💙والشيطانه طبعا لانها اخر العنقود جنها لعب ومشاكل💙😂ممتحنة للاساس،13سنة،،،نجي لسند البيت وعمودو:حاج عبد الله موظف في شركة،اب متفاهم وبحب بناتو شديد *بالرغم من بساطة عيشتهم كانت حياتهم حلوة وكلها حب وتفاهم.💙#نرجع لقصتنا:زينب:يا بت قومي بعد دة والله كفاك الشمس بقت في نص السما وانتي نايمة،ماوراك جامعه انتي اول يوم حتضيعيه🤦🏽♀،،هديل:ياااامي عليك الله بس نص ساعه بس وبقوم فتراااااانه ياخ،والجامعه زاتها مامشه الليله عندنا محاضرة مع دكتورنا اب كرشة داك 😂😂وما حيدخلني اصلا عشان كده خليني اتم نومي 🚶🏾♀زينب:والله ما تقومي اجيب المويه الباردة وعارفاني ما بهظر(واتحركت على الباب)...هديل: خلاص خلاص بقوم، 😂😂بس اشوف نهاية الحلم واقوم طوالي،🚶🏾♀💔،،زينب: والله انتي ح تجننيني معاك ح اجيب المويه واجيك،(وطلعت)،،هديل عارفه امها جاده😂قامت بسرعه الضوء ورتبت سريرها وشالت فرشتها وصابونتها وجرت عشان تجهز للجامعه😂🤦🏽♀زينب(دخلت الغرفه وماسكه جردل الموية):😂😂ماقلتي فترانه كانت تخليك نايمة،،والله صحي البكر عوير، ،الله يكملك بعقلك بس،،**(في الغرفة التانية)هاجر:(في التلفون)اسمعيني ياحلوة اصلا دي ماهي الطريقه الصح عشان تحلي بيها المسألة😒👋🏾،حلك دة من البدايه غلط🤦🏽♀ ثم ثانيا القال ليك منو تحلي ال10مسائل بنفس طريقة المثال😒💔حتجلطيني يا رؤى(صديقه هاجر في المدرسة بت جنها طلعات وضحك وما جادة خالص ف موضو الدراسة ده😂🤦🏽♀)، ،قلت ليك خلاص انا بستأذن ابوي وبجيك العصر ونحلهم سوا ان شاء الله🤦🏽♀رؤى:😭😭واي ياهجورتي والله تكوني ماقصرتي معاي خالص،،ساعه بحل في مسألة وابت تظبط😭💔،،هاجر:خلاص بطلي بكا وعولاق، ،انا قاعدة لشنو يعني انا بساعدك عندي كم مجنونه في حياتي😂💙،،،،،،**(في المطبخ):هناء طالعه في الكرسي وبتفتش في الادراج ،لخبطت المطبخ كلو😂😂🤦🏽♀💔هناء:يااااااااااأمي☹ ياااااأمي، تعالي وريني لميتي الكاكاو وين😭😭يااااااامي الحليب ح يبرد،اميييييييييي😫،،زينب:ياهنو خلي الجوطه يابتي،هناء:يا ماما ياحبيبتي لو انا عاوزة شي ومالقيتو اعمل شنو لازم اجوط😂المهم عايزة الكاكاو بسرعه،زينب: شوفي قلبتي لي المطبخ كيف،😒وانتي لو بتركزي كنتي حتشوفي العلبة القدامك دي،ياهو الانتي عايزاه قدامك😂،،هناء:بسم الله الجابو هنا شنو،😂😂..معليش ياماما ولا يهمك هسي هديل تنزل وتجي ترتب المطبخ من جديد🤭،،(هديل جات داخله المطبخ وكانت لابسة للجامعة وفتحت التلاجه)هوي هديل شنو البتنضف ليكم،😒،انا ماشه الجامعه اتأخرت زاتو،وتعالي يا السمحه اليوم سبت وانتي وهاجر قاعدين ساعدو امكم دي خلوني انا😒🤚🏼،هناء:لالا انا م بقدر والله😩انا ممتحنه ياخ حنو علي شويه 😂،،هاجر بأعلى حس:انتو ياااااالبرا 🗣😒انا بقراااااااا اهدو حبه😃،،زينب:والله يابناتي حيرتوني معاكم عايشه مع مجانين انا😂،،(وبقو يضحكو)،،هديل:ياامي ابوي وين ،زينب:طلع مع صلاة الصبح لحق الصلاة ومن هناك على الشركه،هديل: طلع بدري صح ولاشوفتو ولا صبحت عليه😞💔،،زينب:انتي فاضيه اليوم كلو نايمه😒 دق ليك الغرفه لمن فتر وانتي ذي الجنازة🤦😊♀،،هناء:عاملة ذي الكوالا،وبقت تضحك شالت كبايتها،وحاجاتها وجرت😂،هديل:كويس ياهنو شوفي زول يراجع ليك تاني،😀زينب :كدي بطلي كلام كتير واتحركي عشان اب كرشة مايربت بيك😂😂،هديل:😨😨😨وااااااي ياامي ،ادعي لي ما القاه دخل😭،،زينب:هسي الساعه11لحدي ماتجي 1بتحصلي بس انتي اسرعي😂،،هديل :والاكل؟🌚💔فطرتو من غيري كويس بس ،بكرة افطر مع راجلي وتشتاقو لي،😌،زينب:😂كويس دة لو مارجعوك لي من اول اسبوع بكسلك دة،هديل :لالا ياامي خالد تربية ابوي مابعملها وبتحمل😂😌،زينب:كويس يامرت خالد اجري المحاضرة ماتضيع😂،هديل:افففف متين اتخرج زهجت زاتو 😂😂😂يلا ياامي ح اطلع انا،زينب:ابوك خت ليك مصروفك ماتنسيه،هديل: اي شلتو دة اهم شي😂😂(حضنت امها وودعتها وطلعت).نعرفكم ب خالد(ابوه علي صاحب عبدالله، ومتربيين سوا في البلد علاقتهم حلوة، ،خالد 26سنة شاب شخصيتو قوية ورسمي لأبعد الحدود شغال في شركة ابوه نفس الشركه المتوظف فيها عبدالله،ليهو سنة خاطب هديل وعلاقتهم حلوة مع بعض💙
يتبع.....
