كان دايما في بالي اني لازم احقق حلمي وابقى حاجه ليها اثر كبير في المجتمع وكنت ساعية اني اعمل عيادتي الخاصه 💙ماعارفه حصل كيف بس اتعودت على ماذن شديد، كنت كل يوم او يومين بعد اخلص من العيادة بلقاه في نفس المكان،كنت بقنع في نفسي اني بساعدو مااكتر وزيو زي اي حالة، دة الشي الكنت بقولو لنفسي لما القى اني ببالغ في فرحتي وما انا ماشة اقعد معاه.كنت من غير تكلف بلقى نفسي بضحك معاه عادي وبحكي ليه اي شي يعني مابعرف جبت الجرأة دي من وين بس كان شي عادي بالنسبة لي ماكنت بحس انو غريب بالعكس كنت بحس اني بعرفو من زمان دايما بحكي لي عنو وعن اسرتو وعن شغلو وعن المواقف البتمر بيه،بقينا اصحاب في مدة بسيطه شديد 3اسابيع كانو كفاية انو نعرف كل شي عن بعض، في البدايه انا كنت ساكتة ومابحب احكي عن علاقتي ب خالد ولا الحصل لي بسبب نون بس مع الايام لقيت نفسي حكيت عادي ومن غير اي خوف،وبالرغم من اني كنت حريصه ما اعرف ناس جديدة وادخلهم حياتي ،لقيت انو كلامي دة مابنطبق على ماذن.حقيقة كنت متأكدة انو الانا حاساه تجاهو ما مجرد انو صاحب والسلام بس كنت دايما بتزكر خالد وكيف كنا وكيف بقينا فبضحك على نفسي وبشيل التفكير دة من راسي،كنت مواصلة معاه عادي على اساس نلقى حل لمشكلتو، بس الحكايه قلبت من علاج لشي اكبر من كدة،ماكنت عارفه تعاملو معاي كدة ليه ولا اصلا دة طبعو مابعرف بس حتى اذا كنت متضايقه مجرد مااقعد معاه ويبدا يتكلم معاي كل شي بختفي وبحس براحة كبيرة ،ماعارفه انا بالنسبة ليه شنو بس عمري ماحسيت اني تقيله عليه وعمري ماكنت بالسعادة دي حتى وانا مع خالد.بتذكر مرة جيت ولقيتو وعلى غير العادة كنت متضايقه شديد،،وريتو انو ولد عمي (عبد السلام)جانا فترة وكان جايب امانة لابوي،المهم وقبل مايمشي اتقدم لي وكالعادة عندهم انو نحن اولى ببناتنا ووووو،،،بس انا كلمت ابوي انو عبد السلام دة اكبر مني بكتير وما حنفهم بعض دة غير انو ما حيرضى بكلام شغلي وانا مستحيل اوقف واهدم احلامي عشان زواج عشان كدة رفضتو بالرغم من انو كلامي صح وابوي ايدني عليه بس كان شايل هم كيف يكلم عمي وولدو من غير مايحصل زعل وعتاب،،،لمن كلمت ماذن بالشي دة اتضايق وكان باين عليه حتى لاول مرة يقول انو عايز يمشي دايما انا الكنت بمشي وبتحجج بالزمن.بس قال لازم يرجع عندو شي ضروري مع عمو لازم يعملو.المهم كنا مستمرين بصورة عاديه وطبيعيه،كان مجنون كتب وبذكرني بهاجر دايما😂بتذكر مرة اهديتو كتاب حسيت بيهو ح يطير من الفرح لدرجة انو طردني عديل وقال لي امشي بيتكم عايز اقراه من غير ازعاجك👋🏽😌😹،طبعا جبت الكتاب بعد سألت منو هاجر وبقت تحقق معاي لانها عارفاني ماعندي شغله بالنوعية دي من الكتب🤦🏽♀😂اتحليت من تحقيقها بعد خراج روح.من عاداتي دايما ومن الثانوي بكون مالية الشنطة شوكلاتات بكل الانواع 😂والشي دة بغيطو شديد لانو مابحبها.**جات فترة انشغلت شديد لاني كنت بخطط لكلام العيادة الخاصه بي،دة غير شغلي الفي العيادة ذاد فجأه،وكان تقديم الجامعات فتح وهاجر مطلعه عيني كل مرة تغيير رأيها😂لمن ثبتت على كلمتها الاولى هندسه معمار وفعلا حصل العايزاه،،ورؤى شالوها هندسه طبيه،،،المهم انشغلت بحاجات كتيرة وما كنت بلقى فرصه الاقي ماذن.**في يوم زي كل الايام وبعد خلصت شغل مشيت على مكاني المتعودة عليه بس مالقيتو هناك قلت ممكن يتأخر بس انتظرت وما ج،استغربت شديد لانو شي طبيعي القاه هناك بس رجعت البيت وقلت مامعروف يكون حصل ليه عذر،دة غير انو من وقت ما عرفتو نحن تواصلنا على ارض الواقع فقط لانو انا مابعترف خالص بالميديا ف ما حصل اتكلمنا ولادردشنا سوا خالص،ممكن عشان اكتفينا بقعادنا سوا.عدا يوم واتنين وانا بمشي وما بلقاه، انا ماكنت متطمنة خالص والف شي دار في راسي، بس اكبر خوف كان بالنسبه لي انو يكون حاصل معاه شي وانا ماعارفة،فكرت امشي على جهة بيت عمو الوصفو لي ولو من بعيد ممكن افهم اذا حاصل شي معاهم،بس للاسف مااتذكرت ياتو بيت بالضبط من البيوت دي،مرا اسبوع كامل وانا في حالة خوف، حتى بقيت لماامشي محلنا اتخيل انو قاعد بس اول مااصل القاه سراب،الشي دا تدريجيا رجعني سنه ل ورا ماعارفه ليه رجع بي شريط حياتي مع خالد،كنت في صراع مع نفسي، ،،طيب انا الغلطت من الاول ممكن هو بالجد كان محتاج مساعدة ولقاها ومشى،او ممكن مكانتي عندو ما زي ما كنت متوقعاها،لا مستحيل اكيد في شي غلط، ،بس راسي طبيعي بقى جايط.لدرجة اني بديت اقنع نفسي بإنو ماذن دة ماحقيقه،،ايواا ماف شي بدل على انو موجود،،ماكنت بشوفو الا في محل واحد بس ليه ماكنت بشوفو الا في المحل الانا بحبو؟؟طيب انا كنت بتخيل وجودو؟هل انا بالجد إتأثرت بشغلي والمريضين العندي لدرجه بقيت اتخيل؟؟؟ماف شي منطقي انا بديت احس اني في خيال او حلم في شي مامفهوم وناقص.كل يوم كنت بقنع نفسي انو كان خيال، ايوا ماف غير كدة،بالرغم من الكنت حاسه بيه والدوامة العشتها ماخليت الشي دة يأثر على شغلي وناس بيتنا انا عارفه كويس حيقلقو علي قدر شنو لو انا ظهرت ضعفي.كنت حاسة اني في صراع مع نفسي لاني بقيت بحس انو معظم البمر بي حلم مرات كتيرة بعمل حاجه وبفتكر نفسي بحلم وانها ماواقع،الشي الانا عايشاه دة ممكن يكون بسبب،الفراغ الحصل بعد ماذن او بالاصح الخيال النسجتو براي.
يتبع....
