هديل بتحكي;كنت منتظرة متين الايام تعدي وارتاح من هم النتيجه،كنت مقلقه شديد بغض النظر عن اني اشتغلت حلو بس الخوف اكبر🤷🏾♀بتذكر يوم النتيجه من الساعه7انا في الجامعه😹وهي مفروض تطلع11 المهم ماقدرت انتظر، اصلا مانمت من الخوف😹💔والحمد لله الف مرة ساعه شفت النتيجه اطرافي كلها ماتت، لمن شفت اني طلعت التانيه على الدفعه وبإمتياز انا حسيت نفسي في حلم💙عرفت قدر شنو ربنا عوضني بالرغم من الحاجات الحصلت لي في السنه دي بس عوضو كان كبير💙الحمد لله نتائج اخواتي طلعت الخوف والقلق الكان فينا ماهين بس الحمد لله ،،هناء جابت268 وهاجر 93.5 فرحتنا كانت مابتتوصف 💙💙البيت اتملا زغاريد وفرح خالتو ايمان وعيالها كانو معانا وشاركونا الفرحه دي،حتى عمي مالك جانا هو واولادو (عدن وعبد السلام) بس حبوبه ماقدرت تجي وفضلت معاها مرت عمي واولادها الاتنين الكبار 💙الاهل والجيران فرحو لينا اكتر،،حتى رؤى المجنونه اتوفقت وجابت88 💙ماكانت مصدقه😹امها كانت طايرة من الفرح،اخوها امجد رجع السودان واخد فترة الاجازه هنا💙*عرفت فيما بعد انو لؤي اتخرج بجيد جدا ونون ب جيد،بس الشي الصدمني وخلاني ارجع تاني لنفس شعوري بتاع الضياع،،انو بعد اسبوع من النتائج فتحت الواتس وكنت بدردش مع صحباتي في القروب،،بس واحدة منهم فجأه نزلت لينا صورة، ،ولمن فتحتها لقيتها صورة خالد ونون😊ايوا ديل هم انا م بتخيل ،نون كانت في المكان المفروض اكون فيه انا مع الزول الانا كنت بحبو، نون اتزوجت البني ادم الكنت ببني معاه كل احلامي 💔 انا ماوجعني اننا خلينا بعض قدر ما وجعني انو اكتر اتنين حبيتهم هم نفسهم اكتر اتنين ضروني وهسي هم سوا💔بالرغم من الوجع الحسيت بيه ودموعي الماقدرت امسكها بس اتمنيت ليهم السعادة، في النهايه كانو شي حلو في حياتي😊امي وابوي كانو عارفين بالموضوع دة بس دسو مني عشان مااتعب نفسيا وانا لمن عرفت ماحبيت ابين ليهم اني مكسورة لا جيت وقعدت معاهم ووريتهم اني عارفه ومامتضايقه خالص بالعكس مبسوطه عشانهم (فالطيور على اشكالها تقع😊)ياداب فهمت كلام خلود قبل شهور لمن قالت لي مااتوقعت نون تعمل كدة،،ضحكت وسط بكاي، ،مامهم ح اعتبرهم صفحة وانطوت درس واستفدت منو،وحياتي ما واقفه عليهم وانا ح استمر💙**في يوم برضو كنت قاعدة مع ابوي وكان بتكلم بالتلفون وبعد خلص اتنهد مسافه وفضل يعاين لي وعيونو كلها دموع،انا في اللحظه ديك خفت وجيت جنبو عشان افهم الحاصل،قال لي انا فخور بيك شديد يابتي انا ماكنت عارف الانتي عملتيه،ماكنت قايل انو واحد من الاسباب الخلتك تبعدي عن خالد اتهامو لي بالسرقه،وانتي اتحملتي كل دة وما جبتي لي سيرة،بس الحق مصيرو يظهر،انتي عارفه انو الاتصل دة خالد وكان بعتزر بطريقه مبالغه،عارفه انو قبضو على الزول الكان سبب في تدهور الشركه الكان بختلس القروش وبزور توقيعي(طبعا عرفتون دة منو😹🤷🏾♀ياهو احمد ماف غيرو)،سبحان الله يابتي سبحان من يمهل ولا يهمل 💙**انا بعد اتخرجت كنت ساعية اني ابدا اطور نفسي💙كنت عايزو حلمي يتحقق عايزة اكون اكبر طبيبه نفسيه💙كنت بميل للشي دة، المهنه دي فيها غموض وقصص ما بقدر ليها اي زول، كنت مبسوطه شديد وساعيه اني ابدا في الشي دة،كنت بزور اطباء كتار واستفيد منهم💙ماكنت بضيع يوم الا وانا جاريه ورا هدفي💙،،دكتورنا في الجامعه كان عندو عيادة متخصصه بالمجال دة كنت كل احد وخميس بمشي عندو بطلب منو طبعا،،بمشي واستفيد منو ومرات بشوف الحالات البتجيهو واقعد معاهم،والله هم ناس طبيعيين شديد بس معظمهم اتعرضو لضغوط وصدمات اثرت عليهم شديد💔،،كنت مرات كتيرة بشوف بنات في بدايه اعمارهم17&18سنه جايبنهم، كنت بسمع قصصهم والشي البمرو بيه والله حاجه توجع القلب،،،ماكنت بقدر اظهر ضعفي وابكي قدامهم،،كنت بكتفي بإني اطلع واقعد قدام البحر،ايوا كنت برتاح شديد وانا قدام البحر، بحس كل الطاقه السلبيه الجواي طلعت.بقت لي عادة امشي للعيادة ومن يومين بقيتهم 3ايام وطبعا مابنسى صديقي العزيز البلجأ ليهو وقت ضيقي"البحر"💙 الدكتور كتر خيرو وفر على جهد كبير كنت ح ابذلو وقرر اني ابدا اشتغل معاه بس بالتدريج، كان بخلي لي الحالات البسيطه، يعني الناس البعانو من الارق ومبادئ الاكتئاب،البنات الفي عمر شوية حساس برضو كان افضل ليهم انا الاعاينهم كدة برتاحو لي اكتر 💙بتذكر جاتنا بت ومشت للدكتور ،كانت اول مرة تجي ماعندها سجل قديم معانا،المهم كان باين عليها الارهاق والتعب كانت نحيلة شديد وحتى لبسها باين عليه انو قديم شديد، من غير اي اجراءاتنا البنعملها في العادة انو يكون في مرافق وووووو،خليناها تدخل للدكتور انها كانت بتبكي وبتلح علينا بشدة، انا كنت مراقباها من بعيد بالرغم من منظرها الكان يقطع القلب بس كانت ملامحها جميلة شديد ،كانت تقريبا في ال20من عمرها،بعد مسافه من دخولها سمعنا جوطة شديده وصراخ، الدكتور طلع بسرعه وناداني، اول مادخلت وشوفتها كانت بتبكي وبتضحك وبتقول (انا شفتك وانت بتقتلها والله شفتك) استغربنا شديد منها ومن انفعالها بالسرعه دي، كان لمن الدكتور يحاول يتكلم معاها بتعصب وبتقول ليه "انا شفتك ابعد مني رجع لي اختي"بس فجأة براها هدت ووقفت على حيلها وقربت مني،،،(بصراحه انا متعودة على الحاجات دي مااول مرة تمر علي بس المرة دي خفت شديد وكنت ح اجري عديل لمن شفتها جنبي😹💔)وقفت قدامي ومسكتني من يدي وقعدتني وقعدت،،الدكتور كان مراقب وحاول يجي ويمسكها خوفا من انها تعمل لي شي بس انا وقفتو،،اول م قعدت ختت راسها على رجولي وبدت تبكي، ،انا ماقدرت امسك نفسي ولا اراديا بقيت ببكي معاها، ،الدكتور قعد بعيد مننا، ،،بديت اتكلم معاها واسألها من نفسها واهلها وكانت بتجاوب عادي بس بتبكي،،،قالت لي،،انتي خايفه مني صح؟؟ووقفت بكا،،،انا فضلت اعاين ليها،ابتسمت لي ابتسامه كلها انكسار، ،قالت لي انا م مجنونه ولاشي ماتخافي، ،،قلت ليها اكيد مامجنونه وانا متأكدة من الشي دة بس احكي لي الحاصل معاك شنو،،قالت لي انتي عارفه انو ماف زول حيصدقني حتى لو اتكلمت ماف زول حيصدقني،،قلت ليها;بس انا بصدقك انتي احكي لي،،،قالت لي انا شوفتو وهو بقتلها والله شوفتو بس ماف زول صدقني، ،رديت ليها:طيب دقيقه هو منو بالضبط عشان اقدر اساعدك،،قالت لي ابوي قتل اختي انا شوفتو بعيوني ديل، ،انتي عارفه هو بكرهنا اصلا وكان ح يقتلني بعديها بس انا جريت وماقدر يمسكني،،انا هنا ماعرفت اقول شنو لانو اول مرة اتكلم مع حالة زيها كنت بعاين للدكتور وماعارفه اقول حاجه،،،،قالت لي كنا في المطبخ سوا مع امي بنجهز في الاكل، ،خلينها بترص في الاكل، ،عارفه لمن جيت لقيت ابوي مولع فيها نار،،،اي كان بحرقها انا شوفتو ورجعت تبكي،،،انا كمان بقيت ببكي معاها غلبني اعمل شنو،،،،فضلت ماسكاني وبتحكي حاجات غريبه قريب الساعه وهي راقدة في رجولي لمن فجأة سكتت لقيتها نامت،،،في اللحظه ديك حمدت الله انها نامت انا كنت خايفه وفي نفس الوقت ببكي على حالها والف شي جواي،طلعت بسرعه وطلع معاي الدكتور، في الاستقبال لقينا شرطي واقف وكان بتكلم مع واحد من موظفين الاستقبال الفي العيادة،،لمن جيناه انا والدكتور قال لينا انو امس حصل حريق في المنطقه الفلانيه والاسرة كلها اتوفت بسبب الحريق بس واحدة من الاسرة ماكانت موجودة ولمن جات وشافت المنظر بقت تصرخ وناس الحي ماقدرو يمسكوها واكتفو بإنو يتواصلو مع بقية اهلها عشان يجوو ويتصرفو ونحن بدورنا جينا محل الحادث بس البت ما لقيناها واهلها فتحو بلاغ ونزلو صورها وبفتشو فيها،،وجاني واحد قبل شويه وقال انو شافها حوالين المنطقه دي،المهم وريتكم عشان لو جاتكم او شوفتوها تدونا خبر، ،الدكتور وراه انو الحاله عندنا ،،،وانا طلعت طوالي خليتهم وهم بتكلمو،،،انا سمعت الكلام دة كلو قلبي وجعني شديد على الحصل لاسرتها وعليها وعلى حالتها ماكنت فاهمه شي ولا حاسه بشي غير وجع كبير،كالعادة مشيت قدام البحر وقعدت، كان الزمن زي الساعه5كدة،،،،قعدت في الارض وضميت رجولي علي، ،بكيت قدرتي وانا بتزكر فيها وفي حالتها،،بتذكر في الحالات البتجينا الناس المارين بحاجات شبيهة ليها ومصنفنهم على انهم مجانين ماعارفين انهم تحت ضغط نفسي كبير،ولو لقو البرشدهم للصح والبقيف معاهم حيقدرو يرجعو للنور ويتقبلو الواقع بالتدريج.قاطع تفكيري صوت زول كان بغني،اول ما رفعت راسي لقيتو شاب تقريبا في عمر ال27 كان بغني ووقف فجأة وابتسم لي،،انا في قلبي لمن قلت شكلو حاله جديدة😑قال لي ممكن اقعد؟قلت ليهو لا م ممكن🤨،،،قال لي بقعد يازوله البحر حق الله والارض للجميع😉 ،،(الصراحه ضحكني بس مسكت نفسي😹)،،،قعد وقال لي انا ماذن انتي منو😕،،،انا:😀انا الشافو خلوماذن;😂ياسلام اتشرفنا والله اسمك جميلانا:اي عارفهماذن:حلو شديد وبخلي الزول يرتاح نفسياانا:دة شنو دة🤨؟؟ماذن:البحر طبعا ح يكون منظرك يعني😂😂انا:ههههه ظريف😒ماذن:اها يلا مع السلامه ومشى طوالي🤷🏾♀غايتو حيرني وافتكرتو زول ماعندو موضوع وعايز يتموضع تميت قعدتي ومشيت على العيادة، ،،شلت حاجاتي عشان امشي البيت(عرفت انو اهل البت جو وطالبو ياخدوها وشايفين انو المارة بيه مجرد صدمه من المنظر الشافتو ورفضو انها تخضع للعلاج النفسي،زي حال معظم السودانيين شايفين انو الشي دة عيب وكأنو جريمه😑💔الطب النفسي جزو مهم وما بختلف عن الطب البشري العام وزي ما مهم انك تمشي وتفحص اذا حسيت بالتعب،مافيها شي انك تمشي لطبيب نفسي اذا احتاج الامر😊🤷🏾♀بس ح اقول شنو مجتمعنا محتاج وعي كبير عشان يصل مرحلة الادراك دي)المهم رجعت البيت وانا منتهيه 😫بس الهون علي اني لقيتهم مجهزين ليك الفطائر الانا بحبها😀😂اي اهم شي املا بطني الباقي هين، ،،كالعاده بعد صلاة العشاء بنتلما كلنا ونتونس ونحكي تفاصيل يومنا وطبعا انا ماقصرت وكانت القعدة كلها عبارة عن حكاويني المابتخلص😂وطبعا ابوي وامي واخواتي بسمعو فيني بكل انداهش ياااسلام والله شعور حلو جدا وانا بحكي ليهم😂💙،،
يتبع......
