*في البيت :زينب في المطبخ بتجهز في الاكل، ،،هاجر كالعادة مرتبة كتبها وبتقرا في غرفتها،،هناء فاتحة التلفزيون في الصالة وخاته قدامها عصائر وحلويات بكميه😂🤦🏽♀)**ابوهم عبد الله ،،ج داخل البيت وفي يدينو اكياس،،وهناء اول ماشافتو بقت تصرخ بأعلى حس بابا ج بابا ج ،رمت اي شي في يدها وجرت عليه وحضنتو)هناء:(شالت الاكياس منو وبقت تفتش فيها،😂)،،،هاجر سمعتها نزلت بسرعة ومشت المطبخ اتناولت جك المويه والكبايه ومشت عليهم في الصالة،هاجر: سلمت على ابوها ومدت ليهو المويه،،،زينب، ،،جابت ليهو كبايه العصير، ،،زينب:شكلك مجهد اليوم الشغل كان كيف، ،عبد الله:والله الحمد لله مافيهو عوجة تب،،بس ياهو المواصلات وزحمتها دي فترتني،هاجر:عشان كدة ياابوي نحن لازم يكون عندنا عربيه،،هناء;اي والله عشان زاتو لو عايزين نمشي الحدائق او نطلع محل مانمشي بالمواصلات،،عبد الله:(سكت وبقى يعاين ليهم وملامح وشو اتغيرت)ان شاء الله يابناتي ربنا يسهلها علي واقدر اجيبها،،زينب:(لاحظت لتعابير وشو وحاولت تغير الموضوع)يلا يابنات خلو ابوكم يرتاح شوية،،وانتي ياهاجر شيلي الاكياس وديها المطبخ،،،يا عبدالله جهزت ليك الحمام،وعلى ماتخلص يكون الغدا جاهز،،،عبدالله ابتسم ليها ابتسامة رضى ورد ليها خلاص تمام،،،هناء وهاجر ساعدو امهم وجهزو الاكل ،،،قعدو كلهم عشان ياكلو وهديل جات داخله(الباب فيهو سلك🤷🏾♀😂)واول ماشافت الاكل سلااااااام عليكم جميعا 😀👋🏽وجرت على المغسلة غسلت يدها وجات قعدت😂،،،وبدت تاكل وتتكلم، ،هديل:حاج عبدالله والله مشتاقين🌚بقيت تطلع بدري وكدة ومابشوفك زاتو 😢،،،عبدالله:😂كدي بسم الله انتي وصلتي متين لمن عايزة تاكلي وتتونسي في نفس الزمن،هاجر:احترمي الاكل عشان ماتخنقي،،هناء:اصلو غير بطنك دي ماف شي بقتلك😂🌚،،زينب:مالكم عليها خلوها براحتها ياخ😂،،،هديل:حبيبتي ياامي انتي الوحيدة الحاسه بي😢😂،،عبدالله:اي اي امك بقت حبيبتك هسي وانا بعتيني خلاص😂،،هديل:لااااا معقوله بس،،انت الساس والاساس ياخ،،(وبقو يضحكو😂💙)...هديل: ان شاء الله شغلك ماشي تمام،، عبدالله: والله الحمد لله للان كلو تمام،،هديل:الحمد لله وضحكت،😂،،،هناء:اها مالك جنيتي🌚😂،،هديل: ماحكيت ليكم حصل معاي شنو الليله والله تضحكو لمن تبكو،،وبدت تحكي ليهم وهم ياكلو ويضحكو💙*في الشركة:خالد خلص وعايز يطلع انتبه لمكالمات هديل،،حاول يتصل لقى تلفونها قافل،قرا المسج وعايز يرد،،جاتو مكالمه من واحدة من الشركات المتعاقدين معاها،،وكان ملخص الحوار انهم ح يلغو الشراكه دي لانو شركه ابو خالد بدت تخسر الانتاجيه وانها بدت تعلن افلاسها،،،خالد بعد سمع كل الكلام دة بقى معصب شديد غير انو الشركة حالها اتدهور، معظم القروش البستلموها بقت فجأه تضيع تدخل بمحل وتطلع كيف مامعروف كل الحكايه انو الخسارة بقت اكبر من المكسب،**نرجع للاحداث قبل ما هديل ترجع البيت، بعد خلصت من حكاوي نون،،وخلاص ودعت نون عشان تطلع(نون ح ترجع مع لؤي قريبها اتصلت ليهو)لانو طريقهم ماواحد ولو انتظرت لؤي ممكن يتأخر،،المهم طلعت من الجامعه وركبت المواصلات ضربت لخالد تاني بس مارد عليها، ،رسلت ليهو مسج،،(مابترد علي مالك ماكنا كويسين قبيل)لما مالقت رد قفلت التلفون، ،ووصلت البيت،،،،،
يتبع....
