**في الجامعه:هديل:اها ياننوش احكي م تشحتفي روحي😑،نون:ياااخ اصبري اتم العصير د 😒،،،،هديل;مااانتي لو خليتي حركات الحناكيش دي كان خلصتيهو😑انا شربت واكلت وانتي نص الكبايه م حصلتيه🤷🏾♀😀،،،،نون:انتي ياهدو ماعندك بريستيج ولاشنو خليك زولة راقيه شويه😌،،هديل:عليك الله راقية شنو وهو منو مركز معانا اصلا اي زول في همو انتي بس براك المتعقدة😂،،نون:خلاص خلاص اصلو انتي م حتتغيري👋🏽😒، المهم ح احكي ليك،،،،(من بعد اجزنا وانا معدياها حوامة وطلعات وسفريات مع بنات خالاتي🤭 هديل:😊ايواااا ياخاينه يابياعه ،،،،نون:ياااخ اصبري🙊 ،المهم شوفتي عندي عمي جانا من البلد للعلاج وقعد معانا، وياااخ انا جني وجن التخلف حقهم دة😩👋🏽،، هديل:يابت تخلف شنو دة عمك بتتكلمي كدة ليه🤣،،نون:هدو😒ماتقاطعيني(ووقفت على حيلها)ولا بمشي هسي،،،،هديل: (مسكتها من يدها)🤣👋🏽خلاص خلاص اسفه واصلي،،،، نون:(قعدت تاني)😌✅اي اسمعي بس...ياخ شوفتي اول شي صوتو عالي وبتكلم بهمجية،دة غير انو طلباتو كتيرة مع انو عندنا شغالة عشان تجيب ليهو الدايرو بس بناديني انا😑وبقول لي نانا،،ووويع نانا دة شنو،،(هديل بقت تضحك)نون:م تضحكي😒✅المهم مابحترم الخصوصيه، اتخيلي بس لقيتو استخدم الشامبو حقي😩💔واي ماح اوريك الانا حسيت بيه،ولا البشكير حقي😭لقيتو مسح بيه الارض بعد دفق الشامبو😑💔المهم وما برضى ياكل الايلمنا كلنا😑وبياكل بصوت عالي😑💔واتخيييييلي بس😀بدخل الصالة بشبشب الحمام🤧😷👋🏽،،ياخ حاجه كدة منتهى التخلف،المهم وريت ماما انها تخلي بابا يتكلم معاه😷👋🏽بس من غير فايدة بابا مابرضى في اخوه😑وبابا لمن سمعني بتشكى منو وبنبزو زعل شديد 😩💔واتخيلي عاقبني كيف🥺🥺😢؟هديل:اها اها😳😳،،نون:😔منع مني اي شي حتى العربيه وخلاني امشي البلد اسبوع،،هديل;(بقت تضحك لمن بكت😂💔)..نون;🙂هدو كدة صح؟؟؟؟؟،،هديل:🌚ننوشتي ماتزعلي اخر مرة ،،،نون:المهم😩بتعرفي بابا ولمن يقوم م بتفاهم وقدر مابكيت ليهو وعملت اي شي كان قرارو اني اسافر😔وفعلا بعد عمي خلص علاجو ابوي رجعو وساقني معاه😔ماقادرة احكي ليك حياتهم كيف😢وانا عشت كيف😢لو شوفتي مويتهم كلها طين ووسخ😢واكلهم كيف😢ولا البيوت ريحتها غنم وبقر😢لا ماشفتي الحشرات😢والناموس بالليل😢وغرفهم السخنه😢والكلاب الكتيرة الحايمة هناك😢اسبوع ياهدو انا عانيت ياخ حتى النوم صعب علي😢 وبابا شال التلفون😢خلاص خلاص ماعايزه اتذكر ولا ولد اهلي الماعارفاه ج من وين وقال الا يعقدو لينا😢 والله انا إتأدبت عديل بسببهم😂💔💔ياخ لمن بابا ج عشان يسوقني انا دي لمن راسي لف من البكا ماا صدقت خلاص ح انتهي من العذاب💔😢بس عقابي استمر بإني ممنوعه من العربيه اسبوع تاني عشان كدة الليله جيت الموقف كدااااري😑💔،،هديل:واااي ياننوشتي🌚🤣والله عانيتي، بس انتي زاتك عشان مابتمشي لاهلك في البلد، لو كنتي بتمشي كنتي ح تتعودي،وحياة الريف ما بالسوء دة والله😂💙 انتي بس المامتعودة ومدلعه اكتر من اللازم،حياة البلد حلوة ياخ، ناسها كأنهم اسرة واحدة بتحس ب جو اللمات بجو الفرح والحب بيناتهم💙ناس نضيفة ومتواصلة ناس قلوبها على بعض،واكلهم وشرابهم الماعجبك دة احسن بألف مرة من المعلبات والمشروبات الغاذيه الانتي شايفاها دي😂💙،،،نون:هدو بخنقك انا بطلي فلسفه عليك الله😒غلطانه انا بفضفض ليك اصلا😒نسيت انك تربية حبوبات وبلد😒،،هديل:😂💙خلاص ماتزعلي المهم انك اتعلمتي درس وتاني ماح تقلي ادبك على اهلك،،نون:انا تاني توبه يعملو العايزنو كلو ما لي دخل بيهم😂😂😂
يتبع.....
