**يوم الجمعه والكل في بيت ناس خالد:منى:(بكل برود)اهلا نورتو اتفضلو ،،زينب:يذيد فضلك يااختي،حمد لله على سلامتك انتي هسي كيف وان شاء السفر ماتعبكم بس،،منى:ما شايفاني ياني قدامك ماشاء الله ذي الحصان 👋🏽😏 ،زينب حست بإحراج من طريقه كلام منى،وردت باللحمد للهمنى:اها وانتي يامرت ولدي ياساتر مالك ضعفتي كدة ووشك بقى منتهي😏هوي اعملي حسابك ولدنا زينة الشباب ما بنرضى ليهو بالخمج،،هديل;😊كويس،،،(منى حست كأنو ادوها كف بعد اختصار هديل ليها،،هاجر وهناء بقو يقرصو بعض ويعاينو لوشها ويضحكو بتحت،😂)،،الشغالة:اتفضلو الفطور ياجماعه،،،،،،منى:دة وقت فطور هسي منو قال ليك جهزي،غايتو انتي دي الا اطيرك ست البيت منو مش مفروض تسأليني،الشغاله:استاذ خالد طلب مني اجهز ليكم وليهم.منى:وبتتفاصحي كمان طيري من وشي يلا😡✋🏽،،،**في صالون الرجال،،عبدالله:حمد لله على سلامة الحجه ياخ،ان شاء الله ماتشوف شر تاني،،علي :اميين يارب،،،عبدالله;وانت كيف صحتك ان شاء الله بس السفر ماتعبك لانو زاتو جريك ماهين،،علي:والله ياعبدالله الحمد لله بس جري جري شديد لكن برضو الحمد لله وقت طلعنا بفائدة،،خالد:الجري دة لو كان هنا في السودان كان اخد شهور لكن برا الناس والطب في تقدم وانجاز مازينا،،علي:فعلا والله،بس بلدنا دة بالصورة دي مابتقدم لو اي زول مرض م حيقدر يسافر يعني لو قعد في بيتو ح يتضرر ذيادة لو قعد يباري المستشفيات الهنا عشان يطلع بفايدة تكون الفيهو كملت،،،عبدالله:صدقت يااخوي بس ربنا يصلح الحال،،**اليوم عدا بكل ما فيهو من من مطاعنات وقصف جبهات من الطرفين🔥😹،،، نهاية اليومعبدالله:نستأذنكم نحن بعد دةعلي:بدري والله لسة ماشبعت منك ياخ طولنا واللهعبدالله:الجايات اكتر ان شاء الله والشغل زاتو بلمنا وضحكوخالد:خلاص ياعمي دقيقه اطلع العربيه واوصلكم،،عبدالله:لالا مايحتاج بندبرهاعلي:كيف الكلام دة حررم يوصلكم الليل ج وانت معاك بنيات احسن يوصلكم،،،خالد :اها دي مالها ماعايذة ترد،،،،،ضرب لهديل مرتين ورسل ليها كم مسج،،،هديل: قرت الرسائل،وماردت**طلعو كلهم على العربيه بعد ماابوهم كلمهم، ،عبدالله كان قاعد قدام وبتكلم مع خالد، ،،،خالد كان مركز مع هديل بالمرايه وهي بتعاين بالشباك لحدي ما وصلو البيت م غيرت وضعيتها،،بعد وصلهم ونزلو خالد قال ل عبدالله،،،ياعمي عايز اتكلم مع هديل دي دقيقه مااكتر لو ممكن،،،عبدالله:طيب ياولدي،،،عبدالله شال هناء لانها نامت ودخلو جوا،،هديل:نعم😊خالد:🤨مالك يابتهديل:انا مافيني اي شي 😊انت المالك مش قلت عايزني في شي؟اتفضل سامعاكخالد:🙂اولا باين انك زعلانه بس من شنوهديل:من شنو؟؟؟😊مدام عارف اني زعلانه اعرف الزعلني شنو براك،،في شي تاني؟؟عشان انا نعسانه وماشه انومخالد:🤨هديل بطلي حركات الشفع دي،وقبيل ضربت ليك مارديتي ورسلت ليك قريتيها وطلعتي مالك؟؟هديل:زعلان عشان ما رديت عليك؟طيب انا لي اسبوع بضرب وبرسل ليك رديت او رجعت لي؟؟؟لا طبعا معناها تسكت،(ومشت خلتو واقف)خالد;دة الفضل😡🤦🏽♂ ماعارفاني مضغوط ولاما،،،،،(التلفون ضرب) دة منو كمان هسي وقفل التلفون واتحرك على البيت،،،
يتبع.....
