خالد بعد خلص من المكالمة رجع البيت( الاسرة كلها خالد وخولة اختو الكبيرة ووالدينهم علي ومنى زي ما ذكرت قبيل)(بعد خولة اتزوجت عمار وسافرت معاه واستقرت في السعوديه، وتجيهم زيارات،فضل خالد ووالدينو في البيت، وحاليا بعد سفر ابوه عشان عمليه امو فضل براه في البيت) اسرة خالد زي ما بقولو مقطوعين من شجرة والدو علي من زمان اختلف مع اهلو بعد وفاة ابوه في البلد ف اخد ورثتو واستقر مع اسرتو في الخرطوم وبعد معاناة قدر يأسس نفسو من اول ويمتلك شركة،بعد خالد كبر ودرس ادراه كانت رغبتو انو يشتغل مع ابوه في الشركه وفعلا حصل،،اما منى والدة خالد فكانت من اسرة معروفه وكانت صعبة شديد وجنها قروش مستعدة تعمل اي شي عشان نفسها وعشان القروش،حاولت تنفصل من علي لمن لقت انو ساب اهلو وبقى ماعندو قروش، لكن بعد شافت الخير كتير بقى عندو رجعت في قرارها،،)معرفة علي ب عبد الله قديمة كانو اصحاب ايام المدرسه والثانويه بس عبدالله قرريواصل تعليمو بعيد من البلد وسكن الخرطوم بدري وقدر يأسس نفسو بسرعه بمساعدة خالو الوفر ليهو شغل ومن هنا قدر يعمل بيت ويتزوج وفي الفترة الوصل فيها علي الخرطوم قدر يصل لعلي وترجع صداقتهم من تاني،وجات فترة عبدالله خسر شغلو ف علي شغلو معاه لانو كان سند ليه في مواقف كتيرة،دة غير انو فيمابعد خالد عرف هديل وقرر يتقدم ليها ولقى القبول منها ومن اسرتها بس كانت في مشكلة وهي امو،،،**نرجع لخالد:دخل البيت واول شي عملو نام كان راسو جايط شديد من التفكير ومن المسؤولية البقت عليهو، خت راسو في المخدة وطوالي نام.*في بيت عبداللههاجر: ياابوي عايزة امشي ل رؤى لو ممكن عايزة اراجع معاها حاجات غلبتها،،عبد الله:مامشكلة يابتي بس ماتتأخري وترجعي قبل الواطة تبقى ليل،،،هاجر:حاضر ياابوي،،(كلمت امها ومشت)(بيت ناس رؤى بعديهم بشارعين واهلهم بعرفو بعض)هاجر وصلت البيت ودخلوها استقبلتها ام رؤى كالعادة بكل فرح كانت بتريدها شديد لانها بالنسبه ليها بت مثالية من كل النواحي،،دة غير انو كانت متمنياها لولدها (أمجد ،،سافر يتم دراستو في الهند)* بالليل هديل في غرفتها:فتحت التلفون شافت مكالمة خالد اتغاظت لانو م رد على الرساله🤦🏽♀ و اتصلت ل نون عشان تطمن عليها وبعد خلصت ،فتحت الواتس وبقت من قروب لقروب ومن شمار ل شمار ونست موضوع خالد وموضوع طردتها من المحاضرة😂،،حست بعطش ف طلعت تشرب مويه،،كانت الدنيا ليل وماف زول صاحي شربت واثناء ماهي راجعه سمعت ابوها بتكلم مع امها;زينب:دي مصيبه شنو ياربي، عبدالله:الحمد لله على كل حال بس وضع الشركة مابطمن واحتمال كبير الشركة تقفل قريب ماف شركة راضيه تتعاقد معانا حتى القروش البتدخل بقت زي المافيها بركة محل ماتمرق مابعرف وين بتتشتت،،،زينب;طيب هسي الحيحصل شنوعبدالله:ياهو كل الحاصل واحتمال انا اخلي الشغل زاتو،،زينب;طيب ياعبدالله لكن مافكرت في مصير بناتك ديل بناتك لسه صغار وراجيهم كتير حتى هديل دي لسه مشوارها طويل عشان تعتمد على نفسها،،عبدالله(خت يدينو في وشو وجر نفسو)والله يازينب انا زاتي ماعارف اعمل شنو حار بي الدليل، ،بس كل الفكرت فيهو انو قطعه الارض العندي في البلد ابيعها ونتصرف فيها،،انا اصلا كبرت وشغل الشركات ده بقى متعبني شديد زينب:الله يديك العافيه انا عندي فكرة ممكن تساعدنا كتير(واتحركت على دولابها وطلعت صندوق)شوف مش زمان قلت ليك بجينا اليوم الاسود وانا عامله حسابي،،بس ياهو(فتحت الصندوق وكان فيهو3سلاسل و4اساور وخاتمين دهب)دة العندي شيلو بيعو وخلينا نشوف لينا شي نمشي بيه حياتنا،،عبدالله(ملامحو ظهر فيها الزعل)يا زينب دة حقك خليهو عندك انا بتصرف مش انا راجل البيت انا البشوف حل وذي ماقلت ليك قطعه الارض ح تجيب لينا شي كويس،،زينب;انت راجل البيت وكل شي بس حالك من حالي نحن نعاين لمصلحتنا ياعبدالله ونعاين لبناتنا،اعمل بالدهب شنو اذا ما عشت انا وبناتي معاك في راحة،،ياعبدالله عليك الله ماتناقشني عليك الله شيل الدهب ده بيعو ولا اقول ليك انا بمشي السوق بكرة وببيعو وانت تشوف كلام الارض وقروشهم الاتنين نعمل بيها تجارة نعيش عليها كدة كويس؟ عبدالله (سرح مساافه وكان الحزن والرضى باينين عليه كان بقول ليها امي ماكانت غلطانه وقت قالت لي اتزوجها دي بت اصول بت رجال حتبقى ليك سند،)،،،،هديل سمعت كل النقاش الكلام نزل عليها زي النار،،معقول الفترة دي كلها ابوي ماري بي كل دة ونحن ماعارفين ماشايفين منو غير ابتسامتو والرضى الفيهو💔معقول نحن شغالين نطلب ونطلب وهو في ضيق وماعارفين💔مشت على غرفتها وعيونها كلها دموع كانت متضايقه شديد من الحاصل،،،،اتذكرت خالد واتأكدت انو ح يكون الضغط ماهين عليه هو كمان لانو الشركة كلها علي راسو ودي مسؤولية كبيرة،،رسلت ليهو كم رسالة عشان لمن يصحى يشوفهم وم يحس انها زعلانه،،،،
يتبع.....
