**في البيت:زينب:(بتتكلم في التلفون):والله الحمد لله كلنا بخير،انتي كيفك وكيف حمودي،والله مقصرة معاك يا خلود بس المشاغل،هسي امك منى عمليتها اتحددت؟*(خلود،الاخت الكبيرة لخالد خطيب هديل، عندها ولد عمرو6سنوات ،عايشه مع زوجها عمار في السعوديه،،،منى:ام خالد، مرة صعبة شديد مع الكل الا عيالها،سافرت مع علي زوجها (صاحب الشركه)،،للعلاج برا السودان،)خلود:لالا معقول ياخالتو زينب مامقصرة ولاشي الحالة عامة والله المشاغل كترت شديد،ووالله العملية يوم الاربعاء ان شاء الله ،انا زاتي كلمت عمار يسفرني ليها عشان اكون معاها بس لما كلمت ابوي ماوافق لي 😩💔قال لي افضل مع زوجي وولدي لانو حننزل السودان قريب عمار عندو شغل هنا ومنها نسلم للاهل وننتظر امي ترجع بالسلامة،على الاقل اقعد مع خالد شويه واجي اشوف هدولة اشتقت ليها المجنونه دي😂،،زينب:لالا كويس والله ربنا يقومها بالسلامه ويطمنا عليها،،واول ماتصلي السودان عليك الله اديني خبر، ما ح اكلم هديل نخليها مفاجأة ليها حتفرح شديد😂،،خلود:خلاص ياخالتو ان شاء الله ح اديك خبر💙،،زينب:تسلمي يابتي، اها معاك سلامة (ودعتها وقفلت الخط)،،،هناء جات جاااريه وهاجر ساكاها وبقو لافين في الصالة واي واحدة فيهم بتصرخ (هناء:دي حقتي والله م بديك ليها👏🏽😜مش لقيتها واقعه والبلقى شي واقع يبقى حقو بس انتهينا😜🏃🏾♀،،،هاجر:والذي خلق السماوات والارض في ستة ايام ماترجعي لي إسورتي الا اشيل ليك فستانك العاجبك وامسح بيه الحوش 😊🤚🏼) ،،،زينب:لاحول ولا قوة الا بالله، يابنات انتن ماعايزات تعقلن🤨🤦🏽♀💔في شنو سمعتو الجيران، الحاصل شنو ياهاجر حتى انتي يا الكبيرة العاقله؟؟،،هاجر:ياامي بالمختصر المفيد، بتك لقت إسورتي الجابتها لي رؤى الأنا وقعتها بالغلط 😊وشالتها وابت ترجعها،هل انا غلطانه؟؟؟،،،،هناء:يااااماما😢المخلوقه دي كذابة ماحقتها ولاشي انا لقيتها في ارض الله معناها ملك للبلقاها😌👏🏽،،وياماما شوفيها حلوة في يدي كيف😢،،،زينب:🤦🏽♀استغفر الله العظيم ح تجننوني معاكم،ياهنو ماعيب عليك تشيلي حاجه ماحقتك حتى لو لقيتيها واقعه مامعناها تبقى حقتك🤨،،هاجر:اي ياامي وريها بالله😛😏،،،زينب;هاجر ماتقاطعيني وانا بتكلم🤨🤚🏼،،،هناء:الجبهة طااارت لعطارد🏽😛😂،،زينب:هنو عيب🤨🤚🏼،،هناء:اسفة ياماما😢،،زينب;المهم هسي رجعي الاسورة لاختك واعتزري منها،،وانتي ياهاجر لمي حاجاتك عشان ماتروحيها وتجي تتشكي😒يلا بسرعه،هناء:😢😢😢لكن ياماما،،زينب: من غير لكن😊سرعه ولا ح ازعل منك،،هناء:حاضر ياماما كلو ولا زعلك😔،،مشت جنب هاجر ومدت ليها الاسورة،،هجورتي انا اسفه بس كنت بهظر معاك😔،،هاجر :هظارك مسيخ بس ولايهمك سامحتك😊وبكرة بجيب ليك زيها لمن ارجع من المدرسه،،هناء:واااي 😩😩💙💙عشان كدة انا بحبك شديد،،هاجر:😂😂زولة مصالح انتي دي،،وبقو يضحكو،،امهم:مدام انتو حلوين كدة ومزاجكم عالي تعالو رتبو لي المطبخ دة🤨هاجر:ياالله انا المريح بتاع الكيمياء ختيتو وين 🤔لي فترة مالاقياه،،،هناء:مش الكتاب الكبيير داك الفيهو هناي كدة وووو🤔المهم ارح كأني شوفتو في المخزن،ارح نفتشو سوا🌚🌚وبسرعه جرو على الغرفه😂😂🤦🏽♀زينب:والله انتو شياطين😂😂😂انا الله يعوضني بس،،**في بيت رؤى:صاحبة هاجر:رؤى:واي انا من الرياضيات😭😭😭وووب علي وكر علي 😭والله انا صغيييرة على وجع القلب دة😭والله ماقادرة عديييييل غلبنييييييي😭😭😭😭امها جاتها في الغرفه:انتي فاضيه لي اصلا لو كنتي بتقري من زمان ماكان بقيتي هسي🤨ياها هاجر صلاة النبي عليها لابتتبكى لابتتشكى زيك،😒،،رؤى:ياااااااااماااااما بدل ماتواسيني تذيذي علي😩انا مابتك؟😩لالا انا عارفه جبتوني من الشارع😩لالا خلاص فهمت😩وينك ياامي الحقيقيه😩اين انتي لتعطفي علي😂😂،،امها:شوف السجمانه😂هو انتي لاقية اكون امك ماكفاية متحملاك،رؤى:بكرة ح اكبر وابقى مليونيرة واعزك ياماما بس اصبري😎والله اسلم عليكم بأكياس😌✅،،امها:😂الترابة في خشمي لو برجاك عليك الله ماشه ل حلتي في النار قبل ماتحرق،،رؤى:كويس بس😌المهم ياحبيبتي جهزي لينا حاجخ حلوة هاجر ممكن تجيني بعدين عشان نقرا🌚،،امها:والله عشان خاطرها هي بس اجهز ليكم احلى تحليه😂،،رؤى:انا بغير😢كويس يا مرت ابوي😂😂،امها،،:غايتو يابتي الله يوريني يوم ما تعقلي😂رؤى:امييين امييين😌💙
يتبع......
