في الجامعههديل كالعادة مشت الجامعة ،بس نفسياتها كانت في الارض،حتى صحباتها الكانو معاها لاحظو للشي دةواحدة من زميلاتها:وين هديل المجنونه المالية علينا الجامعه ضحم وفرفشه،شكلك ماتمامهديل:لالا والله بس فترانه مانمت امس كنت مساهرة في التلفزيونالبت:علي انا ياهدو👋🏽😕مامشكله ،ربنا يعينك على اي حالهديل:اميييييين يارب وتسلمي كتيير😊💙**دخلو المحاضرة وعلى غير العادة هديل كانت ساكته وبتعاين مع الدكتور،،لدرجه الدكتور وقف وسأل،،،وين هديل عبدالله؟ماجات اليوم ولاشنوهديل:نعم موجودة يادكتورةالدكتور:سبحان من يهدي***بعد المحاضرة ضربت ل نون بس نون قالت انها لسه ماجات الجامعه وممكن تتأخر او ماتجي،،هديل قعدت بعيد ومسكت دفترها(عندها دفتر كل ماتكون متضايقه بتفتحو وتبدا تكتب وتكتب كل شي بمر بيها)اثناء كتابتها،،،لؤي:لااااا مابصدق دي منو دي😹(وقعدجنبها)،،سبحاااان الله اول مرة القاك هاديه كدة مالك يابت الناس😕👋🏽هديل:(ابتسمت ليه من غير ماترد)لؤي:هوي كدة مابنفع معاي😕في شنو يا هديل ولا عشان ننوش ماف الليله.هديل: ضربت ليها قالت ممكن تجي وممكن لالؤي:لالا اتطمني البت الحوامة دي مصيرها تجي مابتقدر لقعاد البيت😹🔥**هديل تلفونها ضرب لقتو خالد م ردترسل ليها مسج،،(شوفي ياهديل عارف اني مزعلك ومقصر معاك بس انتي ليه بتكبري المواضيع نحن ماشفع يعني،،انتي عارفه شغلي اعمل شنو اخليهو واقعد اتصل ليك واتكلم معاك وفيها شنو لو فات اسبوع بدون م ارد ليك؟؟؟عادي ناس بالشهور مابتكلمو وم حصل زعلو)هديل شافت الرسالة واتضايقت شديد حاولت تمسك نفسها وماتبكي بس م قدرت شالت شنتطها ومشت،لؤي كان مستغرب منها وماعرف يعمل شنو، ،ضرب لنون كلمها،،وقالت ليه خليها انا بضرب ليها واشوفها مالها،،*في بيت علي ابو خالدمنى:بسم الله ماشاء الله والله كبرتي يابتي وحلاة الدنيا بقت عليك،،يابختو الحتكوني من نصيبو،،حظو ياخ البقع فيك جمال وادب واخلاق وحسب ونسبنون(ايوا بالضبط نون صاحبة هديل):شكرا ياخالتو والله خجلتيني عديل**تعالو نعرف العلاقه بينهم شنو،،،(من3شهور منى ام خالد كانت ماشه السوق كالعاده عشان تشتري ليها سلسل دهب😒✋🏽وكانت واقفه وبتتفرج في المعروضات انتبهت ل بت واقفه مع ابوها وبتتكلم،،،يابابا انت مش وعدتني تغير العربيه انا ماعايزه خاتم ولاسلسل العندي كتير وماقادرة البسو 😩كل العايزاه العربيه الجديدة يابابا😢،،ابوها:حااضر انتي تطلبي وانا انفذ عندي كم ننوش انا بس هسي خلينا نشتري ليك الحاجات الامك طلبتها عشان ماتزعليها عايزاك تكوني حاجه حلوة وسط بنات اختها ماتنسي الزواج الح تمشوه دة ما زواج هين، ،عشان كدة خلينا ننفذ كلام امك واسبوع واحد والعربيه ح تتغيير،،نون:مدام كدة ماعندي مانع،،)كانت ام خالد متابعه كلام نون وابوها وفي نفسها بتقول:هسي لو خالد وقع في دي مااحسن بدل السجمانه الجايبها ديك😒على الاقل دي ماشاء الله سماحه وقروش😒👋🏽،،،اتكررت مشية ام خالد للسوق وصادفت نون3مرات في المرة ال4ام خالد مشت جنبها وعملت نفسها فترت من الوقفه وجات اتسندت بيها،،نون:بسم الله مالك ياخالتو 😦وساندتها لمن قعدت في الكرسي وبقت تتكلممعاها طيب جيتي براك وانتي حاسه بشنو، ،ردت ام خالد شكرا يابتي هسي انا احسن بس دايراك تضربي لي ل ولدي يجي يسوقني عشان مابقدر ارجع،،،نون:مامشكله ياخالتو انا معاي بابا بنوصلك،،،ام خالد: لالا يابتي ما بتعبكم معاي بس هاك فتشي لي رقم ولدي اسمو خالد خليهو يجي،،نون فتشت الرقم وضربت بس التلفون ما كان فيهو رصيد،،،ف ضربت من تلفونها،،،ام خالد كانت عارفه النقطه دي وفرحت انها وصلت للعايزاهنون:الو السلام عليكم،،خالد؟؟بس معليش لو ممكن تجي في(،،،،)امك دي تعبت شويه وقال يضربو ليك عشان تجي تسوقها،،اي، ،،،،طيب لمن تصل رن لي بوصف ليك اكتر،،،،طيب،،وقفلتام خالد:والله يابتي خجلانه منك اعفي لي ضيعت ليك زمنك،،نون :لا ياخالتو ماتقولي كدةوفعلا خالد ج وشكر نون(ماعارف انها صحبة خطيبتو)بس نون لمن شافتو اتخلعت وعرفتو لانو هديل صحبتها شديد وعارفه عنها اي شي،،،
يتبع.....
