بيت ابو عبدالله;بالليل هديل في غرفتها ،**في التلفونخالد:عايزين نخت حد للشي الحاصل دة ياهديلهديل;ايوا صح وانا معاك في الشي دةخالد:طيب،،لاحظت ليك الفترة الفاتت زعلك كتر وبقى عندك حركات بتعرفيها براك افهم شنو انا؟هديل:وضح حركات شنو بالضبط عشان انا افهمك😊خالد:شايفه دي واحدة من الحركات م تعملي نفسك غبية وما فاهمانيهديل:كويس خالد:هديل لااله الااللههديل:محمد رسول اللهخالد:زي ماقلت ليك من قبل الفترة الفاتت كنت مضغوط في الشغل ومالاقي فرقه زاتو، ،اعمل شنو مثلا اذا ماشفت اتصالك او نسيت ارد على رسالتكهديل;ولاشي الموضوع عادي😊خالد:طيب،واصلي في حركاتك دي ياهديل ،واصلي لسه انا ،،،،،(قاطعتو)هديل:لو قلنا ياخالد انك بتعرفني من يوم او يومين او حتى اسبوع كان معليش ،بس نحن لينا سنه وحاجه مع بعض😊انا حافظاك كويس، انت قلت انك مضغوط و و و و،،يعني انت شايف عادي يعدي اسبوع واتنين وانت م ترد على مكالماتي ورسائلي شي عادي صح؟انت مشغول ل درجه يغلبك مسج؟طيب انا قاعدة ساي مثلا؟انا كمان مشغولة ودي اخر سنة لي وانت عارف حجم الضغط وبعد دة كلو بخت ليك الف عذر وبقول اذا انت ماسئلت انا بسأل انا برسل، ،بس انت بتقابل الشي دة على انو حركات شفع صح؟عشان كدة انا خليت حركات الشفع دي، ماضروري نتواصل عادي ما ح يحصل شي😊🤷🏾♀ وزي ماانت قلت ممكن تمر شهور من غير مانعرف عن بعض شي ومايأثر على علاقتنا مش دة الانت عايزو؟ياهو انا بعمل فيه😊✋🏽خالد:الموضوع انك بتتسدي يعني؟هديل:الموضوع اني ما ح استنزف نفسي ساي واقدم تنازلات انت شايفها تافهه وصغيرة 😊خالد;متأكدة دة كلامك؟متأكدة اتغيرتي فجأه كدة لمجرد انشغالي ولا في شي داساه😊هديل;والله بعد دة انت ومعرفتك بي،تصبح على خير وراي جامعهخالد:لالا تمامهديل مشت لابوها وكلمتو انو عندهم طلعه مع دفعتها وحابة تمشي معاهم، فوافق على شرط انها ماتتأخر وترجع في نفس الزمن الطبيعي**في بيت رؤى صاحبة هاجررؤى;شوفتي ياامي مش قلت ليك ح اجتهد😌شايفه النتيجة حلوة كيفامها:خلاص راسك دة حيطرشق من الفرح😂الف مبروك ليك وعقبال الشهادةرؤى;ان شاء الله ياامي احافظ على النسبه دي او اازيد😢امها;ان شاء الله بس شدي حيلك**في الجامعه،،هديل(الو اي يانون، ،،،يعني ماجايه اليوم،،،لالا بس انا اصلا طالعه مع الدفعه وكدة، ،اي كنت عايزاك تجي،،،،لالا مابمانعو عادي حتى شايفه لؤي ماشي لانو مصاحب اولاد دفعتنا شديد،،،،طيب مامشكله اذا ما بتقدري). هديل طلعت مع دفعتها كانت محتاجه انها تغير جو كانت محتاجه انها تصفي عقلها من كل المشاكل والضغط المارة بيهوالدفعه كانت قاعدة في محل واحد مابين نقاش وضحك ومابين الناس الحارسه الاكل،،والناس القاعدة تدق وتغني، ،كان تجمعهم حلو قريب ال40طالب وطالبههديل كانت من ضمنهم، كانت بتتفرج عليهم وهي ساكتهلؤي جاها وقعد جنبها:🤨انتي طبيعي في حالة سرحان او بكا🤷🏽♂يابت الناس جايين نغير جو ونطلع من النكد دة ماعشان نتفرج ونسرح في الناس😒فكي وشك الشين دة شويه الدنيا مابتستاهل،،وفضل يتكلم معاها ويحاول يضحك فيها*في الشركةخالد;ماهو ماممكن معاك انتي منو يابت الناس تشيلي وتضربي وترسلي اذا عندك شي معاي اتكلمي ماتجننيني معاكالبت;طيب ياخالد ج الوقت انك تعرف كل شي بس انت ادخل الواتسخالد اول مافتح الواتس جاتو كميه من الصور والرسائل،،اول مابدا يفتح الصور كانت صور ل هديل ومعاها واحد في اكتر من صورة ،،،كان لؤي، ،،اول صورة لمن كانت بتبكي لانو الدكتور طردها،، وبعديها صورة ليه معاها لما كانت بتكتب في دفترها، ،،وصور كتيرة بس الصور كانت عادية جدا،الشي الخلا خالد يغضب شديد انو كل الصور مع نفس الشخصيه،راسو بقى يودي ويجيب ليه الزول دة بالذات حتى هو م من دفعتها لاني بعرف الناس البتتعامل معاهم،،البت رسلت اخر صورة ;وعشان تتأكد انها بتخونك جد شوف الصورة دي اليوم وتحديدا في الزمن الانت بتتفرج فيهو على الصورة ديخالد فتح الصورة وكانت فعلا صورة هديل ومعاها لؤي بس باين انو في ناس وانها طلعه كبيرة بس خالد غضبو كان اكبر من انو يفكر او حتى يصبر ويشغل عقلو شويه،،خالد:الو اي ياهديل انتي وين؟؟؟هديل:خير في حاجه؟خالد;قلت ليك انتي وين جاوبي وانتي ساكته ،ماتضيقي اخلاقي اكترهديل:ماتتكلم معاي بالطريقه دي وانا مامجبورة ارد عليك وقفلت الخطخالد رجع في رقم البت وبقى يسألها انتي عرفتي كل دة كيف وانتي منو ودة منو المعاها دة وهي وين،،ردت ليه;كل الحاجات دي اعرفها منها هي وحاليا هي مافاضيه ليك اصلا لانها لقت الاحسن منك ولقت حبها القديم دة غير انهم بعرفو بعض من قبل ماتخطبها على العموم هم في(،،،،،)خالد اتحرك وركب العربيه وكان ماشايف قدامو**هديل:الو اي ياابوي خلاص انا راجعه لالا ماتخاف باخد لي ترحال وبتصرف، ،،اي مامشكله ح اضرب ليك كل شويه انت ماتقلق بس، ،،طيب تمام.هديل:طيب ياجماعه انابعد دة لازم امشي عشان الزمن مايتأخرلؤي:طيب اصبري اوصلك بعربيتي،هديل;لا يا لؤي😊شكرا ليك ح اخد لي ترحال انت كمللؤي;انتي متخلفه يابت😒قلها 10دقايق بوصلك فيها وخلاص ما ح تاخد معاي كتيرهديل;لؤي انا ضربت لناس البيت وكلمتهم اني ح اجي بترحاللؤي;راسك قوي والله😒طيب ارح ح انتظرك لمن تتخارجي امري للهاثناء ماهي واقفه معاه ومنتظرة المواصلات عربيه خالد وقفت قدامهمخالد;😊لالا حلو شديد انا كنت حاسي من البدايه انو في شي انو حركاتك وتغيير كلامك دة ماساي كنت متأكد انك داسه شي علي بس مااتوقعت انك تعملي كدةهديل ولؤي كانو مستغربين في كلامو وهديل كانت بتقول ليه انت بتقول في شنو؟؟؟خالد قال ليها على اي حال انا م ح اكون زيك وانسى العشرة البينا اتفضلي اركبي العربيه دي اوصلك البيت وننهي موضوعنا هناك،،،هديل موضوع شنو انا مافهماك وانا اصلا كلمت ناس البيت وعارفين اني ،،،،،(قاطعها)اتفضلي في الزفت دي خلينا نتخارج،،وانت يامحترم ممكن تتفضل وتمشي ماتخاف عليها بوصلها في النهايه انا شبه خاطبها 😊✋🏽خالد كان سايق بعصبيه وطول الطريق ساكت كانت بتتكلم معاه وبتحاول تفهم منو شي،،رد ليها;والله اخر شي اتوقعتو منك بس ماغريبه عليكم اذا ابوك خرب الدنيا خراب في الشركه وما كان قدر الامانه وشال القروش وفي النهايه استقال ح انتظر منك انتي شنوفي اللحظه دي هديل بقت تبكي وتصرخ فيه وتقول ليه اذا انا سمحت ليك تزلني وتهين فيني مابسمح ليك تقول حرف واحد في ابوي انت عارف ابوي كويس وعارف انو مستحيل يمد يدو على قرش ماحقو ماتنسى العملو عشانكم ماتنسى انو هو الوحيد الوقف معاكم لمن انتو بقيتو ماشاء الله وبعد دة جاي تتهمو بس انت ماغلطان ياخالد ،غلطان ابوي الكان متعشم فيك خير وختاك زي ولدو.اول ما وصلو البيت ،،وقف وقال ليها ح نعتبر انو ماعرفنا بعض واي شي بينا انتهى✋🏽هديل طلعت الدبلة وختتها ليه،،،،وردت:ولا كأني شفتك خالص في حياتي دي اصلا😊ودخلت البيتلقتهم قاعدين في الحوش، ،من غير ماتتكلم دخلت على غرفتها وقفلتها كانت بتبكي بطريقه ماعاديه، ،،،امها واخواتها لحقوها عشان يعرفو الحاصل بس م اتكلمت مع زول واكتفت بالبكا،،حتى ابوها بنفسو مافتحت ليهو الباب،،،،كانو في حاله قلق كبير من الحاصل معاها بس ماكان في رد منها،،هديل اكتفت بالبكا لساعات فكرت تضرب لصحبتها لاقرب واحدة ليها، ،ل نون:ضربت ليها مرة واتنين بس ماردتفضلت تبكي وتسأل نفسها هي غلطت في شنو وعملت شنو وليه خالد اتصرف كدة،،كانت بتبكي لحدي مانامت ،،صحت نص الليل وكل ماتتذكر كلام خالد عنها وعن ابوها بتبكي،،،مشت اتوضت وبقت تصلي وتبكيكان وجع كبير بالنسبه ليها انو كل دة يحصل ليها من خالد،، ،هو الكان اقرب زول ليها من بعد نون يشك فيها وفي ابوها بعد كل الزمن دة ولا حتى فكر يخليها تبرر الحاصل كانت في دوامة تفكير الخلا خالد يعمل كدة شنو بس
يتبع......
