صديق اخي

البارت التاني

تيا وهي مبلمه ايه دا انت جيت
ياخدها احمد بالحضن وحشاني يا لمضه هانم
تيا بفرحه وانت كمان ياحمد ياحبيبي انا مش عارفه الجيش دا هيخلص امتي عشان تفضل معانا بقا انا بفتقدك اوي
احمد : هانت ياستي كلها تلت شهور واخلص وتزهقي مني
تيا : هي ايه حكايه تلت شهور دي تقي هتولد وانت هتخلص وانا مستنيه وبعدين تضحك تيا
واحمد يقولها عديني يابت ادخل بقا اي الرزاله دي
تيا انتو مبتعرفوش تبقوا حلوين دقيقتين علي بعض
احمد : لا صحيح كنتي رايحة فين
تيا : عند دينا
احمد وقد ازدادت ضربات قلبه بمجرد ان سمع اسمها
طيب ابقي سلميلي عليها
(اظن بان انو بيحبها) (اعرفكوا باحمد اخو تيا عندو 26 سنه مخلص كليه طب وهيتجوز دينا )
تيا بخبث اممممم طب ما تيجي تسلم عليها انت احسن
احمد وقد تفهمها : امشي أبت احسن ازعلك
تيا : ماشي ماهو أنا ملطشه في ام البيت

لينا بعد ما روحت قعدت مع مامتها شويه وبعدين طلعت اوضتها وبعدين شردت في اخر لقاء بينهم
فلاش باك
لينا : انا بحبك مش كمجرد اخ الا انا عاوزه اكمل حياتي معاك
جاسر : انتي اكيد اتجننتي تعرفي انا اكبر منك بقد ايه انا بالنسبة ليكي ابيه وبس فهمه
لينا : لا انا مش شيفاك كدا احنا عادي فرق السن مش مشكله المهم ال انت تحبني وحيا.. ولسه هتكمل لقت صفعة علي خدها منه
جاسر : لو  سمعت منك دا تاني هيبقي تصرفي وحش اوي معاكي وسبها ومشي
ومن اليوم دا ولينا خلاص قلبها انتهي ومبقتش تفكر الا بعقلها وبس
باك
مهما فات ومهما انا فضلت اقفل علي قلبي واقتله
بس مش قادره محبكش يارب ارحمني بقا تلت سنين وانا كنت مفكره ان هنسي حبه لكن منستوش

راح ياسين عند فارس وقعدت مع بعض في اوضه الجلوس ف البيت تحت
فارس : بقا كدا يا حضرت الظابط متجيش تسأل عليا والا علي ماما والناس ال كانوا متعلقين بيك 
ياسين : مع انك عارف ظروف شغلي بس والله ما بايدي وبعدين فين طنط وتيا والباقين
فارس : ماما حلفت لتجهزلك الأكل بايديها ما اصلك  هتتغدي معانا يعني مفيش اعذار
ياسين : مع ان ماما هتقتلني لما اروح بس كله يهون
فارس : عامل ايه ياصحبي
ياسين : والله في شغلي تمام جدا بس كل اما اتصادف بماما تحسسني بنهايه العالم لو ما اتجوزتش
فارس : ارضيها يابني واتجوز وبتريقة دا مفيش احلي من الجواز
ياسين : لا يا شيخ
ويضحكان معا

وبعدين ترجع تيا وهي متعرفش إن ياسين جوه
ولسه هتدخل الاوضه اللي هما قاعدين فيها بتقول بصوت عالي زي ماهي ما متعوده
ماما انا جعانه خلصتي الاكل والا لسه انا مش قادره استحمل انا عاوزه اكل عشان مفضلش ازن كل شويه
هما جوه فارس يقول: تيا لسه متغيرتش والا مللي واحد
ياسين لا ماهو واضح جدا
ودخلت وهي في الصدمة من وجوده
تيا : انتو مش سمعتوا حاجة صح
هما الاتنين يهزوا رأسهم بمعني لا وثم ينفجران بالضحك
هي محستش الا بأن الأرض لازم تنشق وتبلعها
مكنتش عايزه دا يكون اللقاء بعد الغياب دا كله
كانت عايزه تقوله انا كبرت مبقتش طفله زي مكنت شايفي
ياسين : عامله ايه يا فراوله وحشاني جدا
تيا بتفتكر لما كانت صغيره علي طول كان يقولها يا فراوله لان خدودها كانوا يحمروا وكانت تكره وهي مش عارفه بتكره ليه
وبعدين تمثل السبات انا كويسه الحمدلله وبكل احترام بس ممكن بقا حضرتك متقوليش كدا تاني انا اسمي تيا مش فراوله
فارس : ايه دا انا سمعت ممكن وحضرتك دا ياسين يا تيا
ياسين : بود ومزاح ماشي يا فراوله مش هقولك كدا تاني
تيا تدب الأرض زي الاطفال انا اصلا غلطانه اني جيت اسلم عليك من الاول انت متستهلش اصلا وتمشي هي
ياسين : بالرغم فعلا من أنها كبرت بس انا مش شايف الا تيا الطفله قدامي
فارس : وهتفضل كدا علي طول
سونه : يلا ياولاد عشان تأكلوا انما ايه اكل اكيد هتكلوا ايديكوا ورا
ياسين بكل حب اكيد ياطنط هو اي حد عامله والا ايه دي طنط سونه بذات نفسها ويسلم عليها ويروحوا للسفره

اي دا يا ماما هي تيا مش هتاكل قالها فارس وثم تجيب أمه دي كانت لسه هتاكلنا مش شويه راحت فين ثانيه ابعت حد يندهلها

وعند تيا في اوضتها يعني كان لازم اعمل كدا اول ما ادخل ياربي زمانه قال ايه دلوقتي عني هموت من القهر وبعدين سمعت طرقات علي الباب
تيا : مين
الخدامه : مدام سونه بتقول لحضرتك الأكل جهز
تيا : طيب انا جايه

بقولكوا ايه تيجوا نسافر نغير جو قبل الامتحانات بس يوم واحد طبعا عشان سي فارس يرضي
لميس واحده من صحبات ساره ياه ياساره ياريت والله احسن انا هموت من الكبس ال علي نفسنا دا
طيب هنروح فين صاحت بها صديقتهم التلته نور
بس بقولكوا ايه انا عندي فكره بدل ما نسافر
صاحوا معا قولي طيب ساكته ليه
نور. انا اعرف واحد صاحبي ممكن يودينا نايت كلب (ديسكو يعني) ونفرفش كدا ونرقص ونغير الروتين اللي احنا زهقنا منه
ساره : انا ممكن فارس يقيم عليا الحد
لميس : ساره بطلي افوره وخلينا نجرب بقا ومتبقيش خوافه مش هيعرف حاجة
نور : ايوا يا بنتي بطلي بقا
سارة بتوهان خلاص هش ف ايه ال ممكن يحصل

نزلت تيا علي الأكل من غير والا كلمه واحده
صاحت امها سلمتي علي ياسين يا تيا كنتي كل شويه تساليني عليه مش هيجي تاني ياماما طيب هو مش هيعرفنا تاني اهو جه يختي
طبعا كميه حرج غير متناهيه أصابت تيا المسكينة
وتوردت وجنتيها
ماما الكلام دا وانا صغيره كنت متعوده عليه عادي
ياسين : تيا انتي اختي الصغيره يعني عادي لو سالتي عليا دلوقتي كمان مش نصيبه يعني
تيا : بكل ما اوتيت من شراسه لا انا مش صغيره
ياسين :بتمثيل قدمها اسف جنابك يافندم بضحك يعني تيا : بتقوله لا ظنيف اوي الصراحة قالت الكلمه وهو افتكر زمان
فلاش باك
وهي عندها 9 سنين كان ياسين وفارس بيذاكروا للثانويه بس فارس كان بره ف جت تيا ياسو يا ياسو احكيلي عن الست الشريره قام قلها طيب بصي  ياستي كان في واحده شريره اسمها تيا هي اتفزعت ظنيف ظنيف اوي يا بارد فضل يضحك لحد ما تعب
باااك
خلصوا اكل وبعدين رجعوا يقعدوا مع بعض ف اوضه الجلوس كلهم بقا
تيا بتقول ل ياسين انت فعلا كنت مش بتيجي تشوفنا ليه دا وانت في الجامعة كنت بتيجي عادي
ياسين: اوعدك انكوا هتشوفوني كتير بعد كدا
تيا : بجد بجد يا ياسو
ياسين وقد تذكر أنها كانت تحب هذا الاسم كثيرا وتناديه به
بجد
ساره جت بعد كدا ودخلت عشان عرفت إن ياسين جوه وهي كانت بتحبه يعني ومعجبه بيه
ياسين ازيك عامل ايه وحشتنا وليك غيبه ياشيخ
تيا وقد غارت جدا عليه : ماهو كويس اهو قدامك يعني
ساره : انتي لسه مفكراه بتاعك يا تيا افتكرتك كبيرتي يا حبيبتي
ياسين لينهي ذلك الحوار الذي ليس له معني
ازيك يا ساره بخير انشاء الله
اه تمام
ياسين :طيب انا لازم امشي بقا لاني اتاخرت كدا
تيا : هتيجي تاني
اكيد 
ودعهم ومشي وبعدين تيا لقت مفتيحه ف قامت تديهاله 
كان وصل عند العربيه ولقي تيا .......
يتبع