صديق اخي

البارت الثلاثون

... مين انا مقولتلكش اكيد انا مش بلا كرامة اوي كدا
ياسين : انتي قولتي وانتي في حاله اللاوعي
تيا : علي فكرة كان زمانك قولت
ياسين : يوم ما كنتي بتتسرمحي في الديسكو و سكرتي وجبتك هنا اعترفتلي بحبك
تيا : الفاظك ما شاء الله جميلة
ياسين : جميلة اختي
تيا : خفة وبعدين ليه مقولتيليش بعدها بدل ما انا كنت هموت كدا
ياسين : طيب ما تستني أما اقولك ايه اللي حصل
تيا : انا اعترفتلك متقولش اني عملت حاجة تاني
ياسين : اهو في اليوم انتي قطعتيني بوس وانا اقولك سيبني ابدا مرضتيش
احمر وجه تيا اكتسحه الحمرة
ياسين : اي مش فاكرة طبعا
وضعت يدها علي عينها لا مش مصدقة انت بتكدب عشان انا مش فاكره
شال ايديها وقالها انابقا عاوز حقي زي ماعملتي فيا لازم اعمل
تيا وضعت أيدها مره اخري: لا لا روحني بقا بليز
ياسين : في شرط عشان اروحك
تيا : موافقة بس روحني
ياسين : مش لما تعرفي
تيا أزاحت احدي أصابعها لتراه بعينها : قول
ياسين : تيجي دلوقتي وتبوسيني
تيا : مستحيل احلم
ياسين : خلاص ننام هنا ونحلم سوا
تيا : بليز عشان ماما
ياسين : مش هقوم غير لما تعملي اللي قولتلك عليه
تيا قامت حتي لا ينفذ ما قاله وذهبت له وباسته من خده
ياسين : والله وهو انا ابن اختك
تيا : يلا بقا انا نفذت اللي قولتيلي عليه
ياسين شدها لتجلس علي رجله وتصبح قريبه منه
...طيب انا هقولك يعني ايه بوسه دلوقتي عشان تتعودي واهو بالمرة اكسب فيكي ثواب
وهبط علي شفايفها يقبلها بعمق وبحب هذه المرة يتذوقها ويبث لها حبه
فأما هي كانت تذوب ولكن لم تبادله ففي كل مرة كان يفاجئها وهي بالأساس لم يسبق لها هذا فكانت ساكنه تماما بين يديه
بعد مرور دقائق ابتعد عنها لتأخذ نفسها وقام بإرجاع خصلة شاردة من شعرها خلف أذنها وتحدث
..عرفتي بقا البوسه ازاي
هي غلبها الكسوف ولم تنظر له طوال الطريق أثناء ما كان يعيدها
____________

في الصباح فاقت تيا وذهبت الي الحمام وخرجت تجفف شعرها بالفوطة فوجدت تليفونها يرن برقم ياسين
تيا : الو
ياسين : وحشتيني بس عايز اسمع صوتك
تيا : ولما كنت رعبني امبارح انا مش عارفة اصلا ازاي سمحتلك تعمل كدا
ياسين : علي فكرة انتي مراتي
تيا : لا لسه مش مراتك وبعدين انا عاوزه اقولك حاجة
ياسين : طيب ما تقولي
تيا : لا مش دلوقتي اقابلك يعني
ياسين : مش قادرة علي بعدي والا ايه
تيا : متهزرش وبطل بقا
ياسين : تمام انتي وراكي ايه النهاردة
تيا : هروح الكلية  اي رأيك تيجي تاخدني لما اخلص
هتصل بيك وتيجي
ياسين : تمام سلام دلوقتي
_____________
نزلت لكي تفطر فحدثتها امها عن سارة وزين واتبسطت كتير تيا
تيا : اخيرا يا ماما هنخلص منها بقا
جاءت سارة من الخلف : هنخلص منك الاول علي فكرة
تيا : لا يا حبيبتي انا هقابل ياسين النهاردة وهتفق معاه نتجوز لما اخلص جامعة
سونه : دا اتفاق يا بنتي وبعدين هو مش هيقعدك من الجامعة
تيا : انا مش هتجوز قبل ما اخلص وباي بقا عشان الحق المحاضرة
______________
انتهي يومها وقابلته
ياسين : ها ايه
تيا : هتسمع كلامي والا لا
ياسين : هحكم بعد ما اسمع
تيا : انا مش عاوزه الفرح يبقي بعد شهر
ياسين : اه وعاوزاه أمتي
تيا : بعد ما اتخرج مش قبل كدا
ياسين : ولو قولتلك لا
تيا : يعني ايه دا مش اقلب واجري دا جواز ولازم ناخد ونتعرف علي بعض فترة
ياسين :  هههههههه ضحكتيني اوي
تيا تضايقت فلماذا يضحك عليها : علي فكرة أنا مش شايفة كلامي كوميدي اوي كدا
ياسين : اصلك عايزانا نتعرف وناخد علي بعض
تيا : وايه المضحك في كدا
ياسين : بطلي هبل انا اعرفك من ساعة ما كنتي طفلة قد كده وشاور بيده
ياسين : و بتقوليلي نتعرف علي بعض
تيا : انا مش عاوزه حاجة تشغلني عن الكلية والمذاكرة 
ياسين : انا عمري ما هشغلك عن الكلية والمذاكرة
تيا : انا مش هقدر يبقي عليا كل المسؤوليات دي
لسه المفروض يرد عليها لقي اتصال...من شريف
الو
شريف : تعالي دلوقتي حالا عشان باين في مصيبة
ياسين : طيب تمام سلام بقا دلوقتي
ياسين : خلينا نتكلم في الموضوع دا بعدين عشان في حاجة مهمه ولازم امشي
تيا : يعني ايه مش هنتكلم
ياسين : مستعجل بس مضطر اوصلك يلا
تيا : لا انا هعرف اروح لوحدي
ياسين : يلا عشان معنديش وقت للكلام الفارغ بتاعك دا
تيا : انا بقول كلام فارغ يا ياسين
ياسين : مسك يدها وسحبها خلفه
وطول طريق ما هو بيوصلها لم تتحدث إليه بنصف كلمة حتي علي الرغم من أن اللازم أن يحدث هو العكس من المفترض أن ياسين هو الذي يزعل فكلامها مستفز
بعد أن اوصلها ذهب إلي عمله لكي يري ماذا حدث
وأما هي فذهبت لتتحدث الي لينا
_تيا : ما تيجي يا لينا اهو علي الاقل هديكي المحاضرات
لينا : بقا يا شيخة انا اللي حامل وتعبانة اجيلك وانتي اللي شابة سليمة تفضلي قاعدة كده يا بنتي دا انا حاسه انك قطعتي علاقتك بيا من يوم جوازي
تيا : ايه ايه يا بنتي الدراما دي يخربيتك انا هجيلك هجيلك بس ميكونش جوزك هناك
لينا : لا متقلقيش جاسر عنده شغل كتير النهاردة
تيا : كويس انا جيالك علي طول
لينا : مستنياكي
__________________
ماما  يا ماما يا ماما
سونه : بت اقعدي واهدي انتي زهقتيني
سارة : يا ماما عاوزه انزل اجيب لبس
سونه : انتي عندك لبس ولسه ولا فيه خطوبة والا حاجة
سارة : يعني يرضيكي لما زين وأهله يجوا يشوفوني يلاقوني عره
سونه : عره يا سارة يا حبيبتي انتي عندك لبس ملبستهوش والا مرة
سارة : هجيب كام حاجة بس
سونه : خلاص بقا انتي وجعتي راسي روحي
سارة : يا حبيبتي يا ماما و خدي بقا حضن كبير
في نفس وقت دخول تيا عليهم
تيا : اي الحب دا انشاء الله
سارة : اللهم لا حسد خمسة في عينك
تيا : بس يا بت
سونه : اي يا حبيبتي راحة فين
تيا : هروح عند لينا عشان هديها المحاضرات اللي بتفوتها يا ماما
سونه : طيب يا حبيبتي
تيا : انا لسه معرفتش الحب دا ليه
سارة : مفيش ماما مكنتش راضيه اجيب لبس يعني وبعدين رضيت
تيا : اي دا ما انتي لسه جايبه انا جاية معاكي مليش دعوة يلا
سونه : مش النهاردة يا حبيبتي وبعدين ما انتي لو عاوزه بتروحي ماهو انتي اللي مش عاوزه
تيا : بس هي متفضلش تجيب وانا لا
سارة : صفرا
تيا : أو انتي
سونه : مخلفه بغلتين اطفال
تيا : انا بغله يا ماما
سارة : وانا بغله يا ماما
سونه : طيب انا هدخل بقا اشوف حاجة كدا
تيا : ماشي يا ماما
__________________

سمعت لينا صوت الجرس فذهبت لتفتح لتيا
لينا : اتفضلي لما افتركتي
تيا : انتي كمان مش عجبك لا فوقي كدا انتي اللي اتجوزتي
دخلوا
لينا : لا ما هو فاضل علي الجميل تكه
تيا : لا يا ختي انا مش هغلط نفس غلطتك دي
لينا : يمكن ياسين ميرداش
تيا : ما انا كنت بكلمه في الموضوع فجاله شغل مستعجل حاجة تقرف
لينا : اهدي كدا في ايه
تيا : كنا بنتكلم بعد ما خرجت من الجامعة وخلاص كنت هقنعه فقام روحني وانا زعلت فمردتش أكلمه تاني
لينا : تيا ايه الشغل دا متبقيش عيله كدا وبعدين ياسين الف بنت تتمناه ولو هيفضل في زعل كتير هو مهمها كان بيحبك هيزهق
تيا : لا هو بيحبني اوي مش هيزهق مني
لينا : والله انتي عندك شيزوفرنيا
تيا : ليه يعني بس يا بنتي فكرة أن انا اتجوز وانا لسه بدرس حاجة صعبة اوي عليا وبعدين انا عاوزه بعد ما اتخرج عشان أتفرغ لحبيبي
لينا : تتفرغي لحبيبك يا عيني تعرفي أن انا فرحانة اوي انك خلاص اتجوزتي حبيبك لانك كنتي وأكله دماغي
تيا : طيب يا ستي شكرا
لينا : يا تري بعد جوازكوا ممكن الحب يقل
تيا : انا مستحيل حبي يقل ليه حبه كل يوم بيزيد في قلبي وهو لو معملش كدا هقتله
لينا : اه يا قاتله

_________________

معلش انا معرفتش أنزله وفاضل بارتين او تلاته والنهاية