صديق اخي

البارت الرابع والعشرون

..تيا بدون اي تفكير وهي تبكي : وانا مش موافقة ودا لو اخر انسان في الدنيا انا مش هقبله
..ياسين الكلام الكلام كان صعب عليه خصوصاً علي حبه ليها وهو عارف انها بتحبه
فارس نظر لياسين لكي يجعله يتحدث وان لا يعارضه في حديثه القادم
فامتثل له ياسين بالفعل
فارس : لا ما نا مش باخد رأيك لأن رأيك دا اخر حاجة ممكن افكر فيها
تيا : وريني ممكن تعصبني ازاي
فارس فتح لها العربية : ادخلي فدخلت..
فارس : ياسين انا اسف فعلا بس انت لسه عايز تتجوز تيا مش كدا
ياسين : انا فعلا كنت عايز اتجوزها يا فارس بس مش كدا
فارس : انا مش عارف عملت كدا ليه بس تيا بقلها فترة مش عجباني
ياسين في نفسه طيب انت مجرد حاسس إنما أنا اللي شاهد علي اللي هي بتعمله
ياسين : متقولش كدا يا فارس تيا اختك انت امشي دلوقتي وارجوك متتهورش لأن تيا عنيدة جدا اهدي وبعدين شوف هتعمل ايه
فارس : هكلمك عشان اشوف هتتقدم رسمي أمتي
وتركه ومشي
______________________________________

في مستشفي زين كان أحمد معه بحكم كونهم اصدقاء
احمد : لسه محددتوش معاد للخطوبة والا ايه
زين باسي : احمد انت صاحبي اللي بيني وبين سارة
انتهي من قبل ما يبدأ وانا شايف أن كدا احسن عشان بعد كدا منزعلش من بعض
احمد : زين ازاي يعني انتهي
زين : شوف بصراحة أنا شايف أن كدا احسن معلش بلاش تكلمني في الموضوع دا
احمد : تمام
______________________________________

بعد مرور تقريبا ثلاثة أيام كان ياسين مع عائلته عند تيا في البيت بناءا علي اتفاق فارس مع ياسين كان ياسين مع أبوه ومامته واخته جميلة وسيلين وجوزها وخاله وعمه كمان
دخلوا المنزل وكان في استقبالهم فارس واحمد وسونه أيضا
سونه سلمت علي هدي والباقيه : اهلا اهلا شرفتونا
هدي : اهلا بيكي يا حبيبتي
دخلوا جميعا الي الصالون
سونه : ازيك يا ياسين
ياسين : ازي حضرتك يا طنط
فارس : اهلا يا جماعة
محمد : اهلا بيكوا
تدخلت جميلة : هو مفيش حاجة بعد اهلا وسهلا فين العروسة ...فنظرت لها امها نظرة لتخرسها
هدي : جميلة صغيرة وخلقها ضيق
سونه : اطلعي مع البنات يا حبيتي
جميلة : ماشي هما فين
وقامت طلعت
هنا تحدث ياسين بسبب مجيئه
ياسين : احمم دلوقتي انا جاي النهاردة انا وأهلي عشان اطلب ايد اختك
فارس :  بطريقة كوميدية : مش هتقولي يا عمي والا ايه
فضحكوا جميعا
ياسين : ها يا عمي أي رأي حضرتك
فارس : انا شخصيا موافق وتيا وموافقة
هدي : مبروك يا سونه
سونه.: الله يبارك فيكي يا حبيبتي
محمد ابو ياسين : اومال فين عروستنا
سونه : هات اختك يا احمد
احمد : حاضر يا ماما 
______________________________________

قبل ما جميلة تطلع عند تيا
لينا : الف مبروك بقا ياستي حبيب العمر اهو عشان
تيا : انا مش موافقة ومش هقبل بحاجة زي دي
لينا : يا تيا عدي اليوم علي خير عشان فارس شكلوا مبيهزرش وممكن يقعدك من الجامعة فعلا
تيا : انتي بتقولي ايه انتي كمان ولا يقدر اصلا
لينا : دي فرصتك وجتلك لحد عندك
تيا : انا مش رخيصة عشان يعمل معايا كدا انتي فكرك أن ياسين طلب ايدي فعلا هو عمل كدا عشان فارس
لينا : انتي هبلة بقا هو في حد هيتجوز عشان خاطر حد
تيا : حتي لو فهو لسه محبنيش يعني جوازه والسلام
وانا بردو مش هقبل
لينا : شوفي بقا انتي زهقتيني  وهنا خبط الباب ودخلت دينا وسارة وجميلة معهم
اي دا تيا انتي لسه مش حطه ميكب والا اي حاجة واي اللي انتي لابساه دا
تيا : سارة اهدي وملكيش دعوة
سارة : طيب
دينا : مالك يا تيا في ايه
تيا : وانا فيا ايه يعني
جميلة : تيا انتي زعلانة عشان هتتجوزي أبيه والا ايه
لينا : دي فرحانة جدا عشان كدا متورة بس شوية
خبط الباب ودخل احمد
احمد : يلا يا تيا
تيا : انا مش عاوزه انزل
اقتربت لينا تيا والنبي انزلي مع اخوكي وبعدين دا قرارك محدش هيجبرك انتي منك لياسين
احمد : نعم يا ختي 
لينا : هتنزل اهي يلا كلنا هننزل اصلا
نزلوا الي أسفل
فارس : قدمي يا تيا سلمي علي الناس وكان يضغط علي كلامه فلم يفهمه سوي تيا وياسين ولينا طبعا
تقدمت وسلمت علي جميع الحضور عدا ياسين فلم تقترب منه
هدي : تعالي اقعدي جمبي هنا مبروك يا حبيبتي
تيا : شكرا يا طنط
استغربوا من ردها ولكن كانوا يظنون أنها مكسوفه
محمد : طيب المفروض العرسان يتكلموا مع بعضهم شوية
سونه : ايوا طبعا قومي يا تيا خدي ياسين واتكلموا
انتهزت تيا الفرصة فقاموا وبعدو عنهم شوية
تيا : ياريت تفض المهزلة دي بقا عشان انا علي أخري
ياسين : اتكلمي عدل احسنلك
تيا تلكمت بمياصة : وياتري اي العدل بقا بالنسبة لسعدت جنابك
ياسين : بصي لو كنت بسيبك زمان فدا عشان كان مليش كلام عليكي بس دلوقتي انتي خطيبتي وبعديها هتبقي مراتي
تيا : في أحلامك انا اصلا بقيت بكرهك
ياسين : يعني انتي كنتي بتحبيني
تيا : متخدش الكلام علي مزاجك
ياسين : الخطوبة هتبقي يوم الخميس والفرح بعد شهر
تيا : عند امك
ياسين : انا مقدر الصدمة ودا اللي هيخليني معاقبكيش
تيا : ولا تقدر وبعديها سابته ودخلت فدخل وراها
واتفقوا مع بعض ان الخطوبة اخر الاسبوع والفرح بعد شهر ومشيو بعدها
______________________________________

تاني يوم في الجامعة
لينا : عمري ما شوفت كآبة بالشكل دا
تيا : اسكتي خالص اللي ايدو في المية مش زي اللي ايدو في النار
لينا : انتي اللي زيك يحمد ربنا
تيا : اه فعلا الحمدلله اني هتجوز واحد اخويا غصبه عشان مجبلوش العار
لينا : انتي اخلاقك معروفة مش محتاجة
تيا : ياسين دا شافني في الدسكو وروحت عندو نمت لحد الصبح
لينا : ياسين عارفكوا من وانتي طفلة مظنش انو ياخد عنك فكرة وحشه وبعدين اهدي وخلي كل شئ يمشي طبيعي
تيا : طيب بس ازاي هتجوز وانا في الدراسة قوليلي
لينا : طيب ما انا متجوزه اهو
تيا : انتي متجوزه بمزاجك وطبيعي لكن أنا
لينا : قومي نلحق المحاضرة وسيبيها علي ربنا بقا
تيا : يلا

ياسين كان في مسقط عمله يحقق في القضية ويدرسها جيدا فقد اجلوا اي خطوة سوف يتخذوها
شريف : انا مش مصدق أن ممكن يبقي في حد خائن بينا ومين كلنا معروفين
ياسين : اكيد بس المهم دلوقتي مش هو مين احنا هنفذ احنا بس
شريف : انت بتهزر انت عارف مدي الخطورة
ياسين : هيبقي ناس موثوقة معينة
شريف : وامتي التنفيذ
ياسين : احيانا بحس انك بقيت ظابط بالحظ
شريف : لاحظ أن كلامك جارح قالها بطريقة كوميدية
ياسين : لا بجد انا مش بهزر
شريف : ليه يا ياسو بتقول كدا
ياسين : هما اكيد مش هياجلوا العملية اكتر من كدا دي صفقة كبيرة بالنسبة ليهم وبعدين الناس بتاعتنا لسه متكشفتش
شريف : صح
ياسين : يبقي اول لما يوصل لينا معلومات هنعمل خطتين الأولي هتبقي قدام كل الفريق زي المرة اللي فاتت والتانية
شريف : متقولش عرفت انا وانت والناس الموثوقة
ياسين : شطور عرفتها لوحدك اهو

______________________________________
إلي اللقاء في بارت قادم