لينا : اصحوا بقا دا اللي موجودين عشان يساعدوني بس ياربي
تيا : خلاص خلاص قومت اهو
لينا : قومتي شكلي هغرقك ميه دلوقتي
تيا ؛ لا ميه لا قومت اي دا ماما متصلة عليا ليه بس
سارة : متقدرش تعيش من غيرك
خفه طبعا متقدرش هو انا زيك
سارة : وهو انا مالي بقا
لينا : لا بقا شوفي انتي وهي انا فرحي محدش هيعكنن عليا فيه قوموا عشان نفطر ونروح البيوتي سنتر
يلا
فلاش باك
سونه : انا اكيد مش هلاقي احسن من ابنك لبنتي بس لسه لازم نشوف رأي تيا
خالها : المهم رأيك انتي وهي هتلاقي احسن من ابني فين علي رأيك
سونه : انشاء الله اللي فيه الخير يقدمه ربنا
_________________________
تيا : ايوا يا ماما واحشتك من يوم
سونه : ايوا وحشتيني جدا ياستي
تيا : حبيبتي يا ماما
سونه : المهم عاوزاكي في موضوع مهم لازم تيجي
تيا : لا يا ماما مش هينفع انا مع لينا لحد مسلمها لعريسها
سونه : يا بت هو انتي ابوها
تيا : اه ياماما وبعدين باي مام نتقابل في الفرح باذن الله
سونه : بت اعرفي إن انا اومك ولما اقولك ترجعي عشان موضوع مهم يبقي ترجعي دا هي ساعة مش هتموت لينا
تيا : حاسه ان في مصيبة كده يا سوسو
سونه : ربنا ما يجيب مصايب
تيا : خلاص لما نرجع من البيوتي سنتر هجيلك علي طول
سونه : طيب يا حبيبتي سلام
تيا : طيب قولي اي حاجة عن الموضوع يا ماما
سونه : لما تيجي سلام
تيا ؛ يا تري في ايه و اشمعنا انا بالذات
سارة : اوعي تكوني عملتي بلوة
تيا : انا بردو اللي بعمل البلاوي
سارة : يعني تقصدي ايه
تيا : اقصد يا روحي إن لولاكي مكنش هيبقي في مصايب
سارة : طيب و لما أنا بقا اللي كنت وحشه كنتي انتي يا مؤدبه بتمشي ورايا ليه
لينا : جماعة في ايه بقا كل شوية خناق حرام عليكو انا اصلا مش ناقصة
تيا : يلا عشان نروح
لينا : طيب تعالي افطري
تيا : مليش نفس
____________________________
سونه : ايوا يا حبيبي عامل ايه انت ومراتك
احمد : كويس ياماما بخير
سونه : ويا تري هتيجوا تعيشوا معانا امتي
احمد : انا بجهز عشان ارجع اعيش في البيت اهو يا ماما علي اخر الشهر
سونه: ومراتك راضية يا حبيبي
احمد : اكيد يا ماما دي فرحانه عشان هتبقي قريبة من أهلها وتيا
سونه : طيب الحمدلله طيب يا ابني تيا اختك ابن خالك متقدملها وعايز يتجوزها
احمد : وهي عايزه ايه يا ماما
سونه : لسه ما قلتلهاش يا احمد انت رأيك ايه
احمد : يا ماما دا رأيها لوحدها وافقت تمام موافقتش خلاص
سونه : ومتوافقش ليه دا زين الشباب
احمد : ولو مبتحبهوش هتغصيبها يعني وقولتي لفارس ياماما
سونه : قولتله وقال نفس كلامك دا
احمد : عشان دا الصح يا ماما
اومال هي فين وسارة
سونه : عند لينا هتتجوز ابن عمها
احمد : الف مبروك
______________________________
عند البنات جاسر كان بيوصلهم في العربية ف دار نقاش بينهم أثناء سيرهم إلي مركز التجميل
تيا : علي فكره يا باشمهندس المفروض اللي هيجوز القمر دا و شاورت علي لينا يجبلها افضل المتخصصين للعناية بالبشرة و المكيب ارتسيت اللي في البلد لحد عندها مش تتشحطط ي عيني عليها كده
جاسر : كلامك متناقض يا دكتورة القمر اللي جنبي مش محتاجة اي حاجة من اللي انتي قولتيها دي
تيا : متصدقهوش دا بيثبتك
لينا : ميرسي يا جاسر
جاسر : وقد نسي أنه وسط ناس الان بحبك
سارة : احم نحن هنا
جاسر تدارك ولينا ابتسمت بفرح شديد من أعماق قلبها ولكنها خجلت من أصدقائها اللي اكيد هيمسكوها عليها
تيا : ما أسهل الكلام وما أصعب الفعل
جاسر : انتي جايبه صاحبتك دي عشان تخربلي الجوازة صح قولي
لينا : لا والله قالتها ببرائه تموت فيتسحر بيها اكتر
تيا : انتي هتسكتي دلوقتي يقول عليا كدا اومال لما تتجوزو يخليكي تنسيني
لينا : وانا اقدر انساكي بردو
جاسر : لا بقا انا اقدر اخليكي تنسيها وتنسي نفسك كمان لو حابة
سارة : يا جماعة معاكوا ناس عندها جفاف عاطفي ياريت نلاحظ
ضحكوا جميعهم علي كلامها
لحد موصلوا كلهم وسابهم جاسر ومشي
أنت تقرأ
صديق اخي
ChickLitالرواية بالمصري وهي رومانسية مختلفة شوية هتعجبكوا انا هنشر كل يوم اكتر من بارت. عشان متنسوش الاحداث وياريت الناس اللي عايزين يكملوا يقولوا في التعليقات عشان انزل ياريت تصوتوا للروايه عشان استمر بتنزيل البارتات
