عشقته من دون الرجال

الجزء 10:

الجزء العاشر(١٠):
توالت الأحداث وجات امتحانات الشهادة وعدت على خير 😍بس باقي النتيجة وطول الفترة ديك ما كنت بتكلم مع علي اشتقت ليهو 🙈😞قلت اتصل ليهو المكالمه الاوله مارده التانيه حتى رد سلمت عليهو وقلت ليهو اخبارك شنو💓قال لي انا عازمك وما بعرف حتجي يعني حتجي وبقيف ليك قريب لي البيت الساعه 11:30 😍وقفل فيني الخط😒(أسى انا لو ما دايره امشي) جهزت وطلعت لي فستان عنابي بي بيجي واكسسوارات بيجي وسمكرت شعري ورفعتو فوق وعملت ميك اب ايلاينز وروج 😍(طلعت مزه😌) وكانت الساعه ١١ قلت في النص ساعه دي افتح الشبكة وقلت اتصل على أفكار (مرت اخوووي) واسالها 😍ردت لي وبقيت اتكلم معاها قمت قلت ليها عايني حادخل ليك في الموضوع على طول وليد اخووووي قال عايزاك موافقه ولا لا😍البت بقت تكورك بس وما صدقت 😂(بورتها فكت اعزروها) قالت لي وليد الواحد دا قلت ليها هو في غيرو قالت موافقه والله واعرس أسى قبل بكرة😍(ياعشه خليك تقيله شوية) الف مبروك حبيبتي بقيتي مرت اخووووي 😍😍😍ولقيت الزمن جاء طلعت لقيتو واقف ركبت وعينو ماشالها مني😍قال لي بسحروك اتحصني طالعه قمر 😍(عندي اعاقه في الكلام الحلو ) وشي بقا زي الطماطم 😂وتاني عيني ما جات في عيوني مشينا والطمع وجابو الاكل وخلصنا قلت ليهو بعد دا نرجع لانو الزمن🌿طلعنا وكنا بتونس في الشارع 💓قمت قلت ليهو انت ورباب بتحبو بعض؟ ياخ ضحك ضحكة وانا سرحت فيها (دي ضحكة ولا جبر خاطر، احيييي😍) بعدها قال لي رباب انتي ما جادة 😂😂قلت ليهو لي ماله قال لي ولا شيء وصلت البيت وعايزه انزل قال لي وعد هاك💓مد لي كيس كبير وقال لي أنشاءالله تعجبك ومشا طوالي دخلت سرييع وبقيت افتح في الكيس 😍لقيت فيهو دبدوب لونو وردي 🙈💓وشوكلاتات كتيره وورد طبيعي 🌸وخاتم دبله💍 و رساله مكتوب فيها:
والله ما عارف حصل كده متين بس والله حبيبتك ياوعد 💜انا بحبك😍حبيتك بي ضعفك قبل قوتك حبيت نكدك حبيت وقت تجيني جاريه وتحكي لي كل الحاصل ليك بحس انك امانتي💜حبيت طيبه قلبك وحنيتك قبل احب ملامحك الاصلا تتحبه سريع دي💜حبيت عيونك البتدمع وقت اقول كلام سمح دي💜ومتاكد هسي انك بتبكي لانك اصلا بكايه💜😂فاانا ماخد وعد قدام ربنا وهسي قدامك انو مافي يوم حااخليكي تنومي وانتي بتبكي حاداوي كل وجع جواكي خلتو فيكي السنين دي💜حاابقي ليك اخوك ابوك سندك حبيبك وصحبك💜حاابقي ايي حاجه بتتمنيها بس انتي ابقي جنبي دايما لاني بتفائل بيك💓وشفت فيك ام أولادي ياوعد 😍
تتزوجيني؟؟ ما عايز اضغط عليك وفكري بي راحتك😍.
انا بس بقيت ابكي من الفرح😍اتصل علي اترددت انو رد بس تاني رديت وقال لي اها قريتي الرساله قلت ليهو اي قال لي اها قرارك شنو انا والله ياوعد ما حاضغط عليك فكري انتي💓قلت ليهو طيب 💙وجرى مكالمة جماعية أفكار واومع وحكيت ليهم من طق لي السلام عليكم😂وقعدو يصرخو😍😍 قلت ليهم تقول بحبكم انتو اها اعمل شنو؟؟؟؟؟ قالو لي حل بسيط عشان ما يضيع منك رسلي ليهو رساله واعترفي ليهو بس🌸قلت ليهم تمام بقيت افكر يارب اتصل ولا لا قلت احسن ارسل ليهو رساله.
يتبع....