فـتـاة مـن فـولاذ

الحلقة الثالثة

الفصل الثالث
¤¤¤¤¤¤¤¤¤¤

_ والأحداث كالتالي

- رنا بقت مجنونه خلاص بهدفها هو موت ساره و صهيب أبن ليث بس للاسف ساره اختفت هي وابنها وماحدش عارف مكانها و بتدور علي ريما وريما كأنها شبح مش موجوده
وبقت عايشه مع عادل من غير جواز وآخر حاجه وصلت ليها أن ريما في استراليا ولما راحت كانت مش موجوده

_ مرات ليث و أبنه دوروا علي ريما كتير عشان تبقي معاها ذي ابنها بس مش موجوده و خدت كل فلوس ابنها اللي في البنك و فلوسها وسافرت تركيا تعيش هناك

_ عادل اتجنن أن ريما لازم ترجع مش لموتها لا لحاجه ثانيه وهو مستحيل يخلي حد يأذي صغيرته

بعد مرور خمس سنوات.............

ريما كانت عايشه في الصين بتتدرب هي ويزن علي الفنون القتاليه علي يد اكبر المعلمين وهدفها الأول والأخير الانتقام وبقت الصخر لين عنها من غير قلب ولا مشاعر غير علي مازن ويزن ومازن كان معاهم خطوه بخطوه وريما بقت ذي بنته وبتقوله بابا وتمت عامها 18 ذي ما ليث قال وراحت عشان تاخد الفلوس من الخزنه وهي متاكده أن ليثها كان قصده حاجه من الخزنه وأن فيها سر غير الفلوس و خدت
مازن ويزن و سافروا استراليا و ليث كان حاطط المفتاح مع الطرد ليها قبل خمس سنين

ودخلوا البنك

ريما ببرود: عايزه اعرف مكان الخزنه الخاصه رقم 12337
موظفه البنك بصدمه : هو حضرتك صاحبة الخزنه ديه
ريما ببرود : خلصي مش فاضيه اليوم كله عشان حضرتك يعني
الموظفه : حاضر حاضر
و دلتها علي مكان الخزنه بس ممنوع حد يدخل معاها ودخلت لوحدها وشافت الخزنه لقتها الوحيده اللي باللون الفضي ابتسمت بحزن وراحت ليها ومسكت المفتاح وفتحت لقت فلوس مليانه لدرجه ان الارقام ممكن تخلص وهي لا بس ريما كانت بدور علي حاجه ثانيه ولقتها وكان ظرف مكتوب علي عالمي
وهي خدته وقعدت علي الكرسي اللي موجود وفتحته

محتوي الظرف
_ اوراق مهمه لوزراء ورجال أعمال معروفين عن أعمالهم المشبوهة
_ القضيه والتفاصيل بتاعتها واللي حصل فيها
_ واخيرا رساله

محتوي الرسالة............

اوه ملكتي ريما كبرتي يا عمري وبقي عندك 18 سنه كان نفسي اشوفك و اخدك في حضني بقيتي اكيد جميله جداً بعيونك الحلوه بتاعتي ديه و اظن كدا بقيتي قاسيه وبجد لو كدا أنا زعلان من نفسي سامحيني ريما أنا اللي جبت ليكي أم مهمله ذي رنا سامحيني بجد اظن كدا شوفتي محتوي الظرف عمري واكيد أنتي عارفه هتعملي إيه بس اوعي يا ريما نار الأنتقام تعميكي دلوقتي جه الوقت بجد اللي اقولك أن أنتي تربيه الليث وعمر ما تربيه الليث تبقي غلط ابدا وأنا واثق فيكي اعرفي اخوكي فين يا عمري بحبك ملكتي و غزالي الصغير
ريما قفلت الظرف بعيون من نار وبعد كدا طلبت من البنك يعبوا كل الفلوس في شنط وخرجت من البنك و معاها الفلوس وهي ماسكه في أيدها الورق و عاملين البنك شايلين شنط الفلوس وراها و ركبت العربيه من غير ما تتكلم ومازن احترم ده وسكت