فـتـاة مـن فـولاذ

الحلقة العشرون

الحلقة العشرون
*************

ريما صحيت الصبح بدري جداً و لبست ساولبت باللون الأبيض ولقت إتصال من همس المنشاوي

ريما : الو يا همس
همس : الو يا ريما بصي كمان شويه هيجي ليكي ملف فيه كل حاجه عن صاحب الرقم
ريما : تمام يا همس شكراً ليكي تعبتك معايا
همس : بلاش يا هبله الكلام ده إحنا أخوات و احنا دايما جنب بعض
ريما بإبتسامة : اكيد
همس : سلام يا حبيبتي

و قفلت معاها وبعد شويه جه حد من حرس همس المنشاوي و ريما خدت الملف منه شخصيًا بطلب من همس و بعد كدا مشي
وريما شافت الملف وكل حاجه وضحت قدامها و خرجت بسرعه من القصر وركبت عربيتها ورفضت تخلي الحراس معاها وبعد كدا راحت معمل التحليل و خدت نتيجه منها وركبت العربيه وراحت قصر الرعدي و دخلت بسهوله عشان الكل عارف هي مين ودخلت لقت الكل صاحي ماعدا أرسلان
والكل سلم عليها بحبور شديد
ريما : سوري يا دومي بس عايزه أرسلان ضروري
أدهم بحنان : اطلعي ليه يا حبيبتي اوضته هو نايم
ريما : بعد إذنك
وطلعت بسرعه وتسنيم و إيلا بصوا ليه بصدمه
تسنيم بصدمه : أنت بتتكلم بجد وافقت أنها تطلع ليه عادي
ادهم بابتسامه خبث : طبعا أنا عايز اشوف هتعمل إيه معاه
وطلع و طلعت وراه تسنيم و ايلا وهما مش فاهمين حاجه و استخبوا في مكان بعيد
عشان يشوفوا كل اللي بيحصل
ريما وهي بتزق أرسلان بعصبيه : أرسلان أرسلان قوم يا ابني اللي يخرب بيت نومك يا أخي
أرسلان بنوم : بس يا ماما بقي
ريما بسخرية : لا أنا مش ماما يا عيون أمك
أرسلان مركزش في الصوت ونام ثاني ريما لفت حواليها و لقت كوبايه مايه علي المكتب جنبه مسكت الكوبايه وحدفتها عليه وهو قام مفزوع
أرسلان بخضه : بغرق بغرق
ريما بعصبيه : بقولك اية مش وقت موت دلوقتي عشر دقائق و تلبس وتنزل فاهم ولا لا
أرسلان بصدمه : ريما أنتي بتعملي ايه هنا
ريما بصراخ : أخلص يا ابني
أرسلان قام بسرعه وريما صرخت وخرجت برا بسرعه وهو بص ليها بذهول و بعد كدا بص لنفسه بصدمه وكان عريان من فوق و لابس شورت بس وجري علي الحمام بصدمه
أما تسنيم وايلا و أدهم ضحكوا جامد
وريما نزلت تحت و مستنيه أرسلان وهي هتموت من الغيظ منه
وبعد شويه نزل الكل وهو نزل و ريما قامت
ريما : جاهز
أرسلان : طب أفطر
ريما مسكت أيده : هو ده وقت فطار احنا في كارثه اخلص
وخرجت بيه بسرعه والكل بيضحك عليهم
وهي خرجت و فتحت باب العربيه و زقت أرسلان فيها وركبت وساقت بسرعه وهو مخضوض منها
أرسلان : في ايه يا ريما
ريما : لو فضلنا شويه كمان فيها حياتنا ريناد مش حامل
أرسلان بصدمه : نعم ازاي ده وانا
ريما بسخرية : لا أنت مقربتش منها أساسا اللواء محمود عايزنا وأنا قولتله كل حاجه متقلقش يلا بس
و وصلت في وقت قياسي ومسكت أيده وجريت بسرعه والكل مستغرب ده
ودخلوا للواء محمود علي المكتب علي طول
محمود : اقعدوا أنتوا الإثنين في إيه يا ريما أنتي اتصلتي بيا خمسة الفجر اكيد فيه سبب اكيد في كارثه إنك تتصلي بيا في الوقت ده
أرسلان بصدمه : وحياتك وأنا صحتني من النوم كدا
ريما بغضب : أنت بالذات تسكت كله منك اسمع يا محمود
وقالت ليه كل اللي ريناد قالته لأرسلان في صاله الملاكمه و مكالمه همس المنشاوي ليها
ريما ادته ورق : وده صاحب التليفون وكله حاطه عنه عارفه إنك ممكن تتصدم وده تحليل أن ريناد مش حامل اصلا
محمود بص للورق هو و أرسلان بصدمه
أرسلان بصدمه : طب أنتي جبتي الورق بتاع التحليل ده منين
ريما بسخرية : أومال فكرني بعمل حاجه من غير سبب اسمع شكي طلع في محله من البداية الكلام ده كان امبارح و أنا خدت النتيجه النهارده وطلعت مش حامل
محمود مسك التليفون بسرعه : طلع أمر بالقبض علي الرائد ريناد الرفاعي و اكمل البحيري حالا
وريما تبتسم لنجاح خطتها و أرسلان لسه اللي مش مستوعب اللي بيحصل ............................................................................................

كلمة  معلش و اعذروني لو هطول عليكم أنا أولا مش بتأخر أبداً بالعكس كل يوم بنزل و مافيش يوم من ساعه لما بدأت الروايه منزلتش فيه لكن لما أعتذر مره و أقول إني مش هقدر انزل مقدروش ده و فعلاً الموضوع ضايقني لأن مافيش تقدير ليا أبدا و مش عارفه اقول إيه بس شكرا جدا للناس اللي قدرت ده و وقفت معايا آه صح غيرت صورة ريما في الشخصيات لاني لقيتها انسب مع الشخصيه اللي رسمتها في دماغي