الحلقة الثامنة و العشرون
*******************
ريما صحيت الصبح لقت يزن نايم باست خده وقامت خدت شور و لبست لبس رياضي
و فكت الذئب فيجو و نزلت تجري و مازن و الباقي صحيوا ماعدا يزن اللي في سابع نومه علي صوت الذئب مع ريما
ريما : فيجو يلا الحواجز
و تنط و معاها الذئب بمهاره وسرعه و يجي ماكس لريما اول لما الذئب يشوفه يبقي عايز ينط عليه
ريما بحده : فيجو اقعد
الذئب قعد علي الارض وريما راحت لماكس
ريما : ها
ماكس : كله جاهز والخبر نزل وأن شركات الليث هتفض الشراكه
ريما : تمام
ماكس : بس الاسهم بتقل يا ريما
ريما : ده متوقع عشان أنا ويزن قوه في السوق ولما مره واحده تخلص الشراكه اكيد هيحصل ده المهم هطلع اغير هدومي و زمان يزن نايم
ماكس باس راسها : تمام ملكتي
ريما بهزار : طب يلا يا عملاق من هنا بقي
ماكس ضحك وريما ضحكت معاه وبعد كدا طلعت و معاها الذئب لاوضه يزن
ريما طلعت علي ظهره : يزن يزن قوم بقي زينو
يزن : ريما بس عشان هموت وانام برا بقي
ريما بدلال : لا اخلص يلا عشان ننزل الفطار يلا بقي ملكتك جعانه
يزن هز رأسه أن مافيش فايده
و شالها علي ظهره والباقي كانوا تحت و شافوا ريما علي ظهر يزن وبتتكلم باندماج
ريما : بس وده اللي حصل من رأيك هنعمل حاجه ثانيه كدا
يزن : لا وانا هبقي اتصرف في موضوع الاسهم ده من غير دخل ليا
ريما : اوك يلا نروح ناكل
يزن : بس خفي خروجك شويه أنا كلمت شركه حراسه وحطيت حراسه عليكي
ريما : لا بقي أنا مش بحب ابقي مقيده
يزن : ملكتي
ريما بتافف : ماشي خلاص انت علي طول كدا اصلا مين اللي بيسمع كلام مين
مازن بسخريه : طب الحمد لله هو الوحيد اللي بيعرف يسكتك
يزن ضحك وريما بصت ليه بغيظ
ريما : نزلني يا ابني مش عارفه انا ابوك حاططني في دماغه ليه انا كنت مرات أبوه
يزن ضحك اكتر و مازن بص ليها بتساؤل
مازن : هو انا قولتك اني معرفتش اربي
ريما : اه كتير ليه بتسأل
يزن : خلاص بقي يا مازن سيب البنت في حالها
و قعدها علي الكرسي و ارسلان و ايلا شايطين من الغيره و ادهم مبسوط من ده جدا
صهيب بغيره : أنا مش عارف يعني ايه مش بتصحيني ذيه يعني
يزن باستفزاز : مستويات بقي
ريما ضحكت
صهيب بغيره : تعرف انك بارد
يزن وهو ماسك كوبايه العصير و اداها لريما وهي خدتها و شربت منها و ملس علي شعرها بحنان
يزن بسخريه : اه و تلاجه وحياتك
صهيب قعد وهو ويزن يتخانقوا وريما استغلت ده وراحت للمربي ويزن شافها و مسك أيدها و هي بصت ليه بصدمه
يزن : انتي يا بت بلاش عبط هاتي ده كدا
ريما : يزن هات بقي بلاش برود
مازن : والله هو اللي بيعرف يربيكي
ريما بعصبيه : اسكت انت يا مزون هنزعل من بعض علي فكره
وأكمل ببراءه كذب : زينو روح قلبي عشاني بقي
ارسلان بخنق : عايزه ايه طيب
ريما بتوسل طفولي : المربي
تسنيم بصدمه : وانتي عامله كل ده عشان المربي
ارسلان بضحك مكتوم : يزن هاته معلش
يزن : يا ابني وانا مش هوافق ليه بتتعب منها
صهيب بغيره: وانت مالك الله اختي وعايزاها
يزن بنفس الغيره : لا بقي ديه بنتي أنا و تربيتي أنا واختي أنا
ريما بصويت : باااااس خلاص مش عايزه يلهوي ايه الاخوات ديه يموتوا في الغيره من بعض كلوا انتوا اوف عليكم
و قامت بغضب و طلعت اوضتها
ويزن و صهيب بصوا لبعض واتكلموا في نفس الوقت : عجبك كدا
والباقي ضحكوا عليهم جامد
ارسلان : أنا طالع ليها
وقام يزن لسه هيتكلم مازن شد أيده و قعده بغضب
مازن : اتكتم بقي وخلي البت تعيش حياتها
يزن بغيره : ويطلع ليها ليه اصلا
صهيب باستفزاز : وانت مالك جوزها المستقبلي
يزن بص ليه بغضب وهو بلع ريقه بصعوبه
ساره بضحك : وانت يا ابني مافيش واحده في حياتك ولا ايه النظام
مازن بسخريه : هو ده فالح غير في الشغل والسفر كل اسبوعين رايح فين يا يزن مسافر يا مازن روسيا اشوف الفرع هناك رايح فين يا يزن مسافر الصين معكسر تدريبي ده انا يا اخي عمر ما شوفت اهلك جاي ومعاك بنت وبتقولي عايز اتجوز اي مافيش دم خالص
يزن بخنق : الصراحه يعني أنا مش فاهمك المفروض تفرح أن ابنك مجتهد في شغله و بيحبه مش احسن من اني اكون صايع يعني و بتاع نسوان غريب انت اوي الصراحه
مازن : يا فرحتي يا اخويا ناجح في شغلك انت و بنت الموكسه اللي فوق والحياه العاديه صفر و فاشله انتوا الاثنين طب بزمتك لو جات ليك بنت و قالت ليك أنها بتحبك بتعمل ايه
يزن : هو علي حسب الصراحه
مازن : ده اللي هو ازاي بقي
يزن : ماهو ممكن ما اكونش فاضي عشان ارد عليها اصلا يا مازن أنا حلقت لميت بنت قبل كدا ده انا بسمع كلمه بحبك ديه اكتر من مشاكلي أنا وريما وربنا و بعدين اصلا انا كنت جاي اقولك اني مسافر بعد بكرا المانيا عندي شغل هناك لما ارجع نبقي نتكلم
مازن بغضب : طب وحياتك اهلك يا يزن مافي سفر انت و الجزمه اللي فوق
يزن : يا مازن اسمع بس
مازن بسخريه : بلا مازن بلا نيله بقي انت يلا عندك كام سنه انت الحيوانه اللي فوق
يزن بتفكير : 26 وبعد ست شهور تقريبا 27 ليه يعني
مازن مسك قلبه : لا هتشل يعني هتشل
يزن كتم ضحكه والباقي مش قادرين يمسكوا نفسهم من الضحك
مازن : انت عارف انا مخلفك وانا عندي قد ايه
يزن : امممم تقريبا كدا 22صح
مازن بسخريه : لا وحيات اهلك اصغر
يزن : ليه يا عم اومال فين الشغل والمذاكرة يعني ده انتوا عالم غريبه الصراحه
مازن : اسمع يلا في ظرف شهر كدا تكون متجوز
يزن بسخريه : لا كتر خيرك ما تخليهم اسبوع احسن هو انت محسنني انك امي وخايف لبور أو اعنس منك
الكل دخل في هستريه ضحك
مازن : امشي يا حيوان من هنا
يزن : خارج اصلا ايه الابهات ديه أنا عايز اغيرك علي فكره
أنت تقرأ
فـتـاة مـن فـولاذ
Roman d'amourقتل والدها أمام عينيها والذي قتله الأقرب لهم ولكن هي لم تخلق للرحمة بل كانت وريثة إبليس لتعود بهيئة أخرى غير تلك الملائكية لتصبح و بلا منازع فتاه من فولاذ. تنوية واجبة قبل قراءة العمل • هذا العمل من وحي الخيال و ليس له أي صلة بالواقع و أي تشابة...
