فـتـاة مـن فـولاذ

الحلقة الخامسة عشر

الحلقة الخامسة عشر
*****************

الكل دخل لمكتب محمود وهو كان عارف انهم جاين بس مش بالسرعه ديه والكل قعد ما عدا ريما اللي راحت لمحمود ولفت الكرسي وقعدت علي طرف المكتب وهو اتعود علي اسلوبها ده وأنها نفس ابوها
ريما : اسمع يا محمود ومن غير ما تقاطعني
محمود : اتفضلي يا ريما هانم
الكل كتم ضحكه وريما حكت لمحمود الخطه الاصليه بالظبط والكل معجب بيها و بذكائها
محمود : يعني أنتي كنتي مش هتقتليه ذي اللي قبله
ريما : لا كدا فيه فرق أنا كنت بقتل مجرمين في المهمات ده شغل وبعدين هما اللي مش بيسمعوا كلامي اوجع راسي أما الانتقام أنا وعدت ليث امي مش هموت حد أو اوسخ ايدي بدم وأنت عارفني لما بوعد بوفي بعدين ده حسابه اكبر من الموت عندي ده أنا هخليه يشوف الجحيم علي الأرض صبرك علي الله بس
محمود بسخرية : لا مجرمين بس اومال مصارعه الشوارع مين اللي كان بيروحها أمي يا قادره بتلعبي مصارعه لحد الموت
أما الكل بص ليها بذهول و صدمه حتي يزن
ريما بصتله و اتكلمت بابتسامه صفراء : محمود مازن مش لازم يعرف عشان لو عرف صدقني هنزعل وربنا مني
محمود : هو أنا بتهدد يا بت أنتي شكلك نسيتي نفسك
ريما بصت ليه ببرود معتاد ولقت الكل متنح ليها
يزن بصدمه : مصارعه شوارع
ريما بسخرية : اه مالها يعني وبعدين ما أنت روحت قبل كدا مفكرني نايمه علي ودني مازن مش يعرف حاجه هقوله علي بلويك و أنت عارف أنا مش بتوصي
مازن بغيظ : و لعبتي مع مين
ريما بلامبالاه : جون
يزن بعدم تصديق: نعم مين
ريما باستفزاز : ج و ن جون سمعت كدا
يزن : ده قدك مرتين ومين اللي كسب
ريما : عيب تسال السؤال ده لبنت الليث تبقي عيبه في حقه لو بنته خسرت وبعدين والله كان ماتش بارد وانا اللي كنت فاكره أنه جامد من اول ضربتين وقع في الأرض مات
ايلا بصدمه : مات
ريما : تعديل راح المستشفى يتعالج فيه فرق
محمود بنفاذ صبر : طب وبعدين
ريما : بس يا محمود احنا ذي ما احنا معانا انثي الضفدع ديه اللي اسمها ريناد بس أنا هبقي قائد الفريق
ارسلان بسخرية : بس أنا القائد أنتي بتهزري ولا إيه مالك يعني عايزه بنت هي اللي تبقي صاحبه الكلمه و الرجاله هي اللي تسمع الكلام
ريما بعصبيه : البنت ديه بنت الليث يا بابا يعني أنا كنت بمسك مسدس و اتعلم ضرب النار وانت كنت بتغير البامبرز لسانك يطول تقل مني هتشوف وش عمرك ما كنت تتوقع انك تشوفه مني تحترم نفسك معايا هحترمك تقل ادبك هتشوف أقذر خلق الله علي الارض فاهم ولا لا عشان أنا مش من النوع اللي بقول كلامي مرتين والبت اللي مش عجباك ديه صاحبه الموت يعني أنا بقتل بدم بارد ولا يفرق معايا اللي قدامي وملكه الاقتصاد اللي اسمي بيرعب أكبر رجال الأعمال في العالم
محمود : خلاص يا ريما اهدي احنا هنشوف بكرا في التدريب مين اللي الأحق بالقيادة
ارسلان بتحدي : موافق بس تلعب مع كل الفريق حتي اخوها وكل يوم لمده اسبوع رياضه مختلفه بعد كدا الكل يقرر
ريما ببرود : تمام و أنا موافقه بس مترجعش ترجع في كلامك
ارسلان بسخرية : أنا ارجع في كلامي شكلك مش عارفه أنتي بتكلمي مين
ريما بسخرية : ولا حد قدر ولا هيقدر ينزل دمعه مني أنا بقهر وبحرق قلب الناس وبس عشان مافيش حد يستاهل دموعي حطها في راسك لو بموت قدامك عمري ما أنزل دمعه من عيني بكرا في التدريب هكون موجوده سلام يا محمود
وخرجت والباقي خرج وراها أما هي ركبت عربيتها بكل غرور وتكبر والباقي معاها
ريما ببرود : ساره عازمة أهلكم النهارده علي الغدا يعني انتوا جاين معايا
بروين : والله إحنا خنقناكي خالص امبارح و النهارده كمان
ريما بابتسامه : لا مافيش الكلام ده انا أصلا اللي طلبت منها عشان اتعرف علي أهلكم كويس
أرسلان بصلها بهدوء و حاول أنه يثير غضبها : هتخسري بكرا
ريما بسخرية : لوحدك ولا عايز مساعده و رحمه أبويا ماحد عملها ولا هيعرف يعملها وهتشوف
أرسلان : مغرور اوي أنتي
ريما بغرور : عشان مافيش حد يقدر ياخد مكاني أو يقف في وشي
وجه ليها اتصال مين چين باتصال فيديو كول وهي ردت عليه بسرعه أما الكل بيفهم اللغه الايطاليه من شغلهم
ريما بابتسامه ساحره : حبيبي وحشتني
چين : صغيرتي عامله إيه في مصر
ريما ابتسمت بخفه اتكلمت بهدوء : تمام