فـتـاة مـن فـولاذ

الحلقة الثانية عشر

الحلقة الثانية عشر
****************

يزن : اسمع يا سيدي
وحكي ليهم كل اللي حصل في الأنتقام من أوله لاخره
يزن : ولما شوفتونا في الديسكو ده لأن ريما كانت عايزه تحاوط عيله الرفاعي من كل حته ودلوقتي بقي تقدر تقول ربنا معاهم في السجن اصل ريما موصيه عليهم بصفتها ملكه الإقتصاد وأنها مدخله استثمارات للبلد بمليونات الدولارات
عمر بذهول : يخرب بيت الجبروت ديه دخلتهم كلهم السجن وهما قاعدين
صهيب بصدمه : يعني أنا ابويا مات مقتول طب هو ليه مش اداني أنا الادله
يزن بهدوء : علاقه ريما وليث ماكانش مجرد أب و بنته ليث رغم صغر ريما كان بيثق فيها اكتر من نفسه وكان دائماً  متاكد أن ريما هي هتبقي حاجه مهمه والكبير قبل الصغير هيخاف منها وهي أول لما خدت الورث بتاعها صممت تفتح شركات في استراليا وأنا كنت معاها عشان كانت عارفه أنها هتحتاج الشركات ديه مش عشان السمعه بس عشان الانتقام وبقينا أسياد استراليا والبلاد اللي حواليها
وهنا دخلت ريما القصر ولقت الذئب بتاعها جي جري عليها ووقع فوقيها وهي ضحكت
والكل مصدوم من كتله الشعر ديه
ريما :  هات بوسه فيجو !
الذئب لحس وشها وهي قعدت تضحك وبعد كدا شالته و لقت الكل موجود
ريما بسخرية : متجمعين عند النبي إن شاء الله
إيلا برعب : هو ايه ده
ريما بلا مبالاه  : ذئب
أرسلان بعدم تصديق : مربيه ذئب في البيت عندك
يزن بسخرية : و وحياتك أسود كمان  في روسيا هي جت علي  ده لولا بس أن فصيلته تستحمل عوامل الجو و أن الاسود مش ذيه كانت جابتهم ، يابنتي بلاش يقعد الشي ده هنا
ريما : مين الشي ده  أنت عارف ده بكام اصلا ده بمهر چنا مامتك  وهي بيتجوز
يزن : لسانك يا حلوه هيوحشك
ريما بسخرية : لوحدك ولا عايز مساعده
ونزلت الذئب : ميجو اطلع فوق يا عمري
الذئب طلع فوق بكل هدوء و الباقي مصدوم
يزن بملل منها : كنتي فين يا ريما
ريما بسخرية : ليه مامي  و معرفش وشغل اغسل رجلي قبل ما انام واشرب اللبن ده بطل يا يزن بقي الشغل ده مش أنت و ابوك عليا ارحم  اهلي
يزن : برضوا كنتي فين
ريما مسكت الملف كان معاها حدفته ليه ويزن مسكه وفتحه و قلب في الورق اللي بيه بصدمه وبص ليها بذهول
يزن : عملتي ده امتي ده كدا الشركات ادمرت
ريما ببرود : كنت سهرانه امبارح بالليل وعملت ده ومسكت تليفونها و أتصلت علي ماكس

بعد شويه رد عليها

ريما : ماكس شركات السرحان بتاعت سامر السرحان تقع في الأرض اسمع خبر الشركات في البورصه المصريه والعالميه علي بكرا بالكتير وعايزه يبقي عليه ديون من طوب الارض وبعد كدا داخله مع عيله شاكر كدا يشرفوا بعض
ماكس : امرك ملكتي
ريما بخبث : اللعب الكبير بدأ
يزن : اه هو يوم اسود أنا عارف
ريما بصت ليه ببرود
بروين بصدمه : هو أنتي هتعملي إيه بشركات السرحان
ريما ببرود : الدور جه عليه  واكيد عرفتوا الأنتقام 
صهيب : أنا عايز انتقم معاكي ده أبويا أنا كمان
ريما بتهديد : اسمع ومن الاخر عشان أنا مش بقول كلامي مرتين أنا ليث اخترني أنا ومش انت عشان هو عارف أنا هعمل إيه و متقلقش اوي كدا مش أنا اللي اوسخ ايدي في شويه ***** ولو عرفت أنك دخلت و خربت اللي بعمله هنسي أنك أخويا فاهم ولا لا وأنا بنت مولوده من النار كلمه قليله عليها ده أنا  الجحيم جنبي رحمه و لحظك أنك طلعت أخويا عشان أنا مش من النوع اللي بيسامح أو بيغفر أنا بنتقم وبس وأنا لسه مانسينش كلامك اللي قولته في التليفون وصوتك اللي رفع عليا أنت هتتحاسب عليه عشان أنا مافيش حد يقدر يغلط فيا ويبقي سليم بس عشان أنت ابن ليث بس أنا سكت
ومشيت وطلعت علي السلم و اتكلمت و هي مكمله ماشيها : اه وأنت هتعيش معايا هنا عادل عرف عنك علي فكره ممكن يخلص منك و ساره شويه و جايه في الطريق والباقي اقعدوا اتغدوا معانا شويه ونازله يزن  روح وشوف ميجو كل ولا لسه أو الخدم حطوا ليه الأكل عشان ينزل ياكل
يزن : هو أنا خلفته ونسيته إيه القرف ده
ريما بسخرية : بتقول حاجه يا عمري
يزن بضحك : بقولك حاضر ملكتي
ريما بسخرية : اه ماشي أنا داخله اغير
ودخلت اوضتها والكل مستغرب كتله الغرور ديه معادا ريناد اللي مش طايقه كميه الثقه والغرور بتاعها ده
صهيب بضيق : هو أنت بتعرف تتعامل معاها ازاي
يزن  : تعود يا بابا هتعرف مع الوقت يلا أما اروح اشوف الذئب بتاعها ده صافي
صافي الخدامه جات و وقفت قدامه و نزلت رأسها باحترام
صافي : نعم يزن بيه
يزن : روحي شوفي الذئب بتاع ريما كل ولا لسه
صافي بخوف : حضرتك عارف ان الذئب بتاعها مش بيتعامل مع حد غيرها واي حد بيجي جنبه ممكن يموته
يزن بضيق : طب روحي لما نشوف ام الذئب ده قرفني في حياتي ده
ارسلان : هي ليه بتربيه
يزن بضيق : تقرف اللي جابوني بس يلا نروح نقعد علي ما الغدا يتحضر
وبعد شويه ريما نزلت و هي لابسه هوت شورت جينز و بلوزه بيضه