فـتـاة مـن فـولاذ

الحلقة الرابعة عشر

سؤال صغير هو ليه لما سألت أن يزن السند لريما أو عدو ليها الكل زعل أوي كدا واللي قال لا واللي قال أنه مش هيقراها يا جماعه أنا  مش بجبر حد يقرا ليا و أنا متفهمه أن يزن هو من العناصر الأساسية بس يا ريت تكون الفكره وصلت  و بلاش العند في أسلوبنا ده  مع احترامي للكل أنا بتقبل كل الاراء السلبيه

   الحلقة الرابعة عشر
******************

في الشركه..........

ريما : اسمع ماكس  اللي هقولك عليه و نفذه بالحرف الواحد
ماكس : امرك ملكتي
ريما : هتروح و تقدم الادله للبوليس بس أنا  مش لازم اكون في الموضوع أنا مسافره استراليا ومش موجوده مصر
ماكس : ده اللي هو ازاي وأنتي قدامي اهو
ريما : أنا لما سافرت سافرت بالجواز المصري والجنسيه المصريه مش بالانجليزيه يعني أنا بالنسبه ليهم هناك فاهم ولا لا واللي عرفته أن عادل عايز يوصل يزن باي طريقه احنا هنخليه يلف حوالين نفسه عشان يتشتت ولما يفكر أنه أنا  اللي عملت كدا في عادل سرحان هيعرف إني مش في مصر اصلا في استراليا فهيشك في اللي حواليه وقبلهم رنا وهيفتكر أنها عايزة تاخد الشغل لحسابها  وتخلص منه فهو اللي هيحاول يخلص منها وبدايه قله الثقه ديه هتنفعنا احنا وبدل ما يبقوا أصحاب هيبقوا أعداء ويخلصوا علي بعض من غير ما اوسخ ايدي بدم  بس ساعتها دوري أنا الجاي لازم اخد حسابي منه ومنها بس ده مش وقته  والصحافة و الكل لازم يعرف أنه الملكه في استراليا و أنت  فهمت قصدي ايه و لو علي اللي في الشركه ماحدش هيقدر يفتح بوقه معايا تمام ماكس
ماكس : امرك ملكتي
وخرج ويزن دخل وقعد وهو عارف هتعمل إيه أما الباقي مصدوم من مخ ابليس ده
صهيب بصدمه : أنتي معلمة  وربنا ايه مخ ابليس ده
ريما بصتله بابتسامه بارده  : عارفة
ومسكت تليفونها و اتصلت علي صاحبها الوفي وأخوها الكبير

(  آسر المنشاوي  - اسيره ماضيه )

ريما ابتسمت بسعاده : آسر ! 
آسر ابتسم : اهلا يا ريما !
ريما :  عامل إيه أنت وأولادك ومراتك وعلي فكره هي أحسن منك بتكلمني كل فتره
أما الكل بيبص ليها بصدمه
اسر : تمام يا حبيبتي  كويس وأنتي كمان وحشتيني بس مشغول والله و أنتي عارف همس بقي بتحب الكل وقلبها ياخد بدل الشخص ميه
ريما بضحك : ماهو ده اللي مجننك أنها بتحب الكل و أنت عايزها تحبك أنت بس علي العموم  آسر انت اللي عملت كدا  مع ماكس صح
آسر بهدوء  : عرفتي منين
ريما : أسهم السرحان وقعت بسرعه رهيبه وأنا ماكنتش متوقعه كدا بس لما حصل ده عرفت اكيد أن الكينج ليه يد في الموضوع
آسر : أنا عرفت و كلمت ماكس  وأنتي عاملتي كل حاجه وأنا نفذت بس وأنتي مش متخيله اصلا أن عامر سرحان ده عامل ايه مع الكل ده أنا اول لما عملت كدا  وقررت أوقع الأسهم  لقيت الف واحد معايا متقلقيش  أنا  ماعملتش  غير واجبي وبس تجاه أختي   الصغيره و أنا حاطط حراسه مشدده ليكي شويه وجايه عشان اطمن اكتر واخد بالي منك
ريما بضحك : عمرك ما هتتغير ماشي يا كينج  بس ده مش اخر حاجه ليا سوا أنا هقرفك
آسر : طبعا أنا جنبك عايزه في أي وقت مساعده كلميني بس وتلاقي كله تحت امرك عندي كام ريما يعني
ريما : هبقي اجي اشوفك قريب وسلم ليا علي همس كتير العسل ديه  و الولاد كتير جداً  وخصوصاً اوزجان إبنك  أبو عيون تجنن
آسر  بضحك : باي ريما و سلامك يوصل لأبو عيون زرقاء حاضر و مراتي العسل 
ريما قفلت مع آسر  وهي بتضحك وفرحانه لاخوها آسر اللي الضحكه رجعت ليه برجوع مراتك وعشقه همس ثاني
يزن : آسر صح اللي عمل كدا
ريما : اه بصراحه مش عارفه اعمل معاه ايه مش كفايه اللي عمله معايا زمان ودلوقتي رجل مافيش منه بجد ربنا يخليه لمراته وعياله
يزن : امين ها هتعملي ايه
صهيب بصدمه : ثانيه واحده انتي تعرفي الكينج آسر المنشاوي 
ريما : قصدك آسر  لا أنا وآسر مافيش بنا القاب أصلا هو يعمل اللي هو عايزه معايا و براحته أنا اصلا ليا عنده جناح  في القصر بتاعه وبروح اقعد معاه كل فتره هو مراته وعياله كل فتره
يزن بضحك : وهو برضوا الوحيد اللي بتسمعي كلامه ولما بيزعق ليكي بتسكتي
ريما بهدوء : مش كدا آسر وقف جنبي كتير وانقذني من الموت اكتر من مره وهو سند دائم ليا وأنا بس بيعجبني دماغه وأنه بيعرف كل حاجه عني من غير ما أقوله ليه علي العموم الدور الجاي مش ليا ده ليك جاهز
يزن  : جاهز ملكتي
ريما ببرود : هتروح لعادل وتبقي معاه ضدي فاهم ده ولا لا
أرسلان بسخرية : ده اللي هو ازاي
ريما بصت ليه بقرف وهو بص ليها بذهول
ريما : اسمع يا يزن عادل عايز يوصل ليك السبب أنا مش عارفها بس شاكه فيه أنه بيحاول كل اللي حواليا يبعدهم عني وهو مش هيقدر يجي جنب آسر ولا بنات أسد بس هو عايز يكسر ضهري و أنت الوحيد اللي لو بعدت عني هتعب وهو عارف ده بدل ما يستغل نقطه ضعفي ما استغلها أنا لصالحي
يزن : امممم فهمتك يعني أنتي عايزني اعمل دور  الخائن ليكي
ريما : لفتره مؤقته يعني
يزن بص ليه واتكلم بغضب : أنتي مجنونه مين ده اللي يبقي خائن ليكي أنتي ده أنا اللي مربيكي اصلا مش ابوكي ليث وجايه ابقي خاين ليا أنتي اتهبلتي علي الصبح
ريما ببرود : صوتك يلا و اقعد  هو هيكون فاهم كدا أما أنت معايا إيه شغل التخلف ده قال ذئب المخابرات قال ده لو كنت جبت عيل من التربيه الفكريه هيفهم عنك اقعد بقي
يزن بغضب : اترزعت نعم
ريما : هو عايز يقلبك عليا  وهيدخل من حته أن ابوك سابك وبقي يهتم بيا وإن أنت تابع ليا وأنا صاحبه القرار
يزن : تابع لمين يا بنت  هتخلينا نغلبط ومن امتي في بينا الكلام ده اصلا ده أنتي عامله ليا و أنا عامل ليكي توكيل بكل املاكي و  هو من أمتي اصلا بتكلم في فلوس أو الكلام الاهبل ده
ريما : هو مش عارف كدا وأصلا إذا كان ابوك مش عارف بالتوكيل بتاعنا لبعض هو هيعرف المهم أن احنا مش عارفين مكانه فين بس هو عارف أنت فين هو اللي هيوصلك ليك و أنت  بقي هتوافق معاه في كل حاجه
أرسلان فهم : اه و مثلاً لو طلب منك تشتغل معاه في أي شغل أنت هتوافق و هتخليه يعمل ثقه ليك من انك تدخل ليه شحنه المخدرات وهي هتدخل
ريما كملت : بمعرفه اللواء محمود و القياده ومنها نعرف وهو فين وبيعمل إيه
أرسلان كمل : بس لازم تاخد بالك عشان هو مش هيوريك هو عايش فين من أول بس لازم نعرف نجيب
ريما كملت : جهاز تعقب
أرسلان : وبكدا يكون وقع
ريما : بس محتاجين شغل والتنفيذ صعب
ارسلان بص ليها وهي بصت ليه والباقي بيبص ليهم بذهول وصدمه
صهيب : أنتوا الإثنين ومتفقين سوا وحطوا خطه
ريما و أرسلان : لازم نروح مبني المخابرات
ريما بصت ليه ببرود وهو بإستغراب
يزن : فهمت يلا بينا
الكل : يلا

وخرجوا بسرعه وفي طريقهم لمبني المخابرات ........................................................................................................