Chapter 10
//
Sa unang pag kakataon, humarap ang babae sa kanya at sa hindi inaasahang pangyayari nahulog ng babae ang pocket knife niya kasunod noon ang pagpatak ng dugo nito sa lupa. Agad na nataranta si Lourdes dahil sa nakita. Medyo malaki ang hiwa na nagawa ng kutsilyo sa palad nito.
Kinuha niya ang panyo sa kanyang bulsa at nilapitan ang babaeng nakatingin lang sa kanya kahit na patuloy parin sa pag dugo ang palad nito. Huminga siya ng malalim at kunuha ang kamay nito.
"Your hand is bleeding" sabi ni Lourdes habang siya na mismo ang nag tali sa sugat ng babae.
"I know" kunot noong napatingin si Lourdes sa babae dahil sa sagot nito. Nakangisi parin ito kagaya ng kanina at hindi man lang naabala sa sugat nito. Para bang hindi ito nasaktan kahit na malaki ang naging hiwa nito sa kamay.
Pag tapos niyang lagyan ng panyo ang sugat nito, pabagsak siyang umupo sa tabi nito at masamang tinignan ang babae. Nakatingin ito sa kamay niyang nilagyan ng panyo at saka tumingin kay Lourdes na galit na nakatingin sa kanya. Hindi makapaniwala si Lourdes na para lang itong walang pakielam kahit medyo malalim ang hiwa sa palad nito.
"What? Don't look at me like that. I know the consequences when you play with a knife" she said meaningfully while looking at Lourdes. Hindi parin nawalala ang ngisi nito sa labi. Napabuntong hininga nalang si Lourdes at umiling. Pinulot niya ang pocket knife na nahulog ng babae at pinunasan ang dugo doon gamit ang laylayan ng kanyang palda saka niya iyon tinupi.
"Sa susunod kung gagawin mo ulit yang laruan mag-ingat ka na at baka makasakit ka pa ng iba" seryosong sabi ni Lourdes sa babae. Kinuha niya ang kaliwang kamay nito at saka inilagay doon ang patalim.
"Lourdes" sabay silang napatingin ng babae dahil sa babaeng papalapit sa direksyon nila
"Ella" banggit ni Lourdes nang makita niya si Ella na papalapit sa kanila. Tumayo siya para salubungin si Ella na kararating lang.
"Sabi ko na nandito ka nanaman eh." masigla ang pag kakasabi nito habang nag lalakad ito papalapit sa kanya "Hinahanap ka ni Sir kanina--" napahinto ito nang mapansin ang babaeng natayo sa likod niya.
"OMG may bago kang kaibigan, Lourdie?" makikita ang pag niningning ng mata ni Ella habang nakatingin doon sa babae. Hindi nag karoon ng pag kakataon si Lourdes na sagutin si Ella dahil lumapit na ito sa babae at namamanghang tinignan ulo hanggang paa.
"Ngayon lang kita nakita dito. Are you a Goddess of the forest?" seryosong sabi ni Ella. Nanliliit pa ang mga mata nito habang tinititigang mabuti ang babae. Hindi naman sumagot ang babae at sinusundan lang ng tingin si Ella.
"Ang sama mo, Lourdes hindi mo sinabi sakin may dyosa ka palang kaibigan dito sa gubat kaya lagi kang nandito" agad na nag iba ang expression ng mukha ni Ella nung bumaling ito sa kanya. Napailing nalang siya sa ugali ng kaibigan.
"Ikaw lang yung dyosa kong kaibigan kaya wala akong dapat sabihin sayo" napailing si Lourdes pag katapos sabihin iyon. Hindi niya madalas pinupuri si Ella pero ngayon hindi niya alam kung bakit naisipan niya.
"Wow Lourdie, nakita mo lang siya naging sweet ka bigla" napaatras ng bahagya si Lourdes nang biglang lumapit ang mukha ni Ella sa kanya. Malaki ang ngiti nito habang hinuhuli ang mga mata niya. Minsan lang talaga siya mag bigay ng papuri kaya big deal ito para kay Ella.
"Sinabi mo talaga yun?" hinawakan na ni Ella ang mag kabilang balikat ni Lourdes kaya wala ng nagawa si Lourdes at tinignan pabalik si Ella. Ngumiti siya dito at mahinang nilayo ang mukha ni Ella sa kanya.
"Ehem... I'm Toni" agaw ng babae sa pansin nilang dalawa. Wala na ang malokong ngisi nito napalitan iyon ng ngiti. "And I'm not a Goddess" she said and laughed softly. Agad na lumapit ulit si Ella sa babaeng nag pakilala. Si Lourdes ay nag mamanghang nakatingin lang sa dalaga.
