A Million Dreams [Completed] - Revision

Epilogue

Nakangiting tumingin si Wendy sa kaniyang mag-ama na nag-iihaw ng barbeque sa tabi ng pool. Masiyang tinuturuan ni Felix ang kanilang anak na si Faith. Ito ay limang taong gulang pa lang pero napakalawak ng curiosity nito sa mga bagay bagay. Bagay na namana ni Faith sa kanyang Ina.

Napakalaki na ng kanilang tahanan kumpara sa dating inuupahan. Ngayon ay may sarili na silang bahay na dating pinapangarap lang nilang dalawa.

Nung makatapos si Felix sa kaniyang pag-aaral, mismong graduation niya siya nagdrive ng regalong kotse ni Wendy. Nakatoga pa itong tinahak ang daan patungo sa bahay nila ni Wendy na alam niyang nagluluto ngayon para sa kanya. Ngiting ngiti si Felix sa mga oras na 'yon. Gusto niya lamang mahagkan si Wendy at ipakita ang pinagharapan nitong diploma para sa kanya.

Ngunit sa hindi inaasahang pangyayari ay may humintong napakahabang truck sa mismong intersection. May mga pasaway kasi ng mga driver na nasa harapan nito na nagbababa ng pasahero kahit na alam nilang may kasunod silang mga sasakyan. Agad na hininto ni Felix ang kaniyang sasakyan.

Sobrang lalim ng kaniyang paghinga nang ipreno niya ang kaniyang kotse. Akala niya'y madidisgrasya siya kaya labis ang tuwa nito ngunit sa mga oras na 'yon ay hindi pa pala tapos, may bumangga sa kanyang sasakyan na nawalan ng preno. Malakas ang impact nito kung kaya't umurong ang kotse sa truck at nawalan ng malay ang kawawang Felix.

Si Wendy naman ay nakatingin sa kaniyang mga hinanda. Kinuhanan pa niya ito ng litrato at pinost sa kaniyang account. "Siguradong matutuwa si Felix nito." galak nitong sabi bago bumalik ng kusina para tapusin ang nilulutong lumpia. Matapos patayin ang kalan ay kumuha si Wendy ng isa at isinubo. Sarap na sarap ito sa pagkain. Nang may tumawag ay tuwang tuwa ito ng makita ang caller, si Felix.

Halos manghina ang tuhod ni Wendy sa kanyang narinig. Agad itong pumunta ng hospital para kay Felix. Nakita niya naman itong nakahiga at walang malay.