-إية ريحة الدخان دي؟!
= دي حريقة!
-ياستير يارب
=أستنى أنت رايح فين؟!
-رايح أساعدكم وأطفيها
=طب خلي بالك في دم كمان تحت رجلك!
في المدينة ، والنبي قاعد في المسجد ، دخل عليه راجل شكله جميل جدًا وهيئة لبسه أجمل.
فأول ما دخل على النبي ، النبي عرفه ، لإنه من أهل قريش وبالأخص من سادات قبيلة في مكة إسمها بني زهرة وهي من القبائل المشهورة جدًا هناك!
الراجل دة كان أسمه أُبي بن شريق بن عمرو، ولقبه الأخنس ، كان معروف في مكة كلها بإن إسلوبه حلو أووي في الحوار ، ولَبِق جدًا في كلامه وعشان كدة كان محبوب.
وفي يوم أُبي قرر يسافر من مكة للمدينة عشان يقابل الرسول ويعلن إسلامه بين إيديه ❤
وفعلًا أول ما قعد بين إيدين النبي أعلن أسلامه وإنه بيحب الله وبيحب الرسول ومش بس كدة ، لا دة حلف وأقسم بالله على إيمانه.
بعد ما الأخنس مشي من عند النبي ، ظهرت حريقة في غيط مجموعة من المسلمين ولما دوروا عليه ، مالقهوش ، وللأسف ماكنش له أي أثر!
واللي أتعرف بعد كدة إن الأخنس هرب لمكة بعد ماخرج من عند النبي وبعد ما أعلن إسلامه ، وهو في الطريق مر على الغيط دة وحرقة ، ومكتفاش بكدة وبس ، لا دة دبح كل الماشية اللي موجودة فيه!
فأنزل الله فيه آية٢٠٤و ٢٠٥ من سورة البقرة
فقال تعالى :"وَمِنَ النَّاسِ مَن يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَىٰ مَا فِي قَلْبِهِ وَهُوَ أَلَدُّ الْخِصَامِ (204)وَإِذَا تَوَلَّىٰ سَعَىٰ فِي الْأَرْضِ لِيُفْسِدَ فِيهَا وَيُهْلِكَ الْحَرْثَ وَالنَّسْلَ ۗ وَاللَّهُ لَا يُحِبُّ الْفَسَادَ (205)
-طب ولية عمل كدة؟!
=الأخنس كان رجل منافق ، والمنافقين معروفين إن كلامهم حلو جدًا وطول ماهما موجودين مع المؤمنين بيعملوا زيهم ليوهموهم بإيمانهم وأول مابيخرجوا من عندهم بيظهروا على حقيقتهم ويفسدوا في الأرض.
والفساد دة كان بيكون أكبر دليل ع نفاقهم.
خلي بالك..الآيات دي نزلت في الأخنس ع وجه الخصوص بس هي في العموم بتنطبق على أي شخص منافق بيظهر حبه للإسلام على الشاشات وبيخفي كُره في قلبه
أسباب نزول آيات القرآن🌻
علمنا الله وأياكم😍
أنت تقرأ
روح وريحان
Saggistica"يبتليك الله ، لأنه يُحبك ، لأنه يرآك تبتعد عنه ، يبتليك ليُقربك له ، كي تدعوه ، و تبكي ، و تُردد يا رب سامحني ، ان تعترف بذنوبك له ، الله لا يُريدك ان تحزن ، حاشاه ان يقدر على عبِده الألم ، انهُ يختبرك ، يُقربك ، يُدرسك ، ثُم يُفاجئك بـ فرحٍ و ف...
