_أهي الشيخة بتاعة الدُفعة جت ..
_جاية مكلفته نفسها كإنها ملكة جمال العشوائيات وهي محدش يطيق يبص في وشها أصلاً..
_مع إني شيفاها ملامحها حلوة أوي
"لاقيت الإتنين بيبصولي بإستنكار كأني أجرمت ،، أنا لسه نازله من ألمانيا مكملتش شهر وحولت هنا في جامعة اسكندرية مدوختش لحد مالاقيت صحاب ،، أول ماخطيت المُدرج وأنا صاحبت البنتين دول ومن يومها وإحنا سوا"
بحقد_حلوة إزاي يعني من غير نقطة ميكب؟
_مش عارفة الحقيقة إزاي ديانا شيفاها حلوة بفُستانها الواسع ده..
_أحياناً في ناس مبتحتاجش للميكب علشان تظهِر جمالها
الإتنين في صوت واحد_ لأ ده انتِ شكلك اتجننتي بقى احنا قايمين نشوف حاجة نشربها ..
"حاجة جوايا حركتني أمشي ورا البنوتة اللي بيتكلموا عليها دي .. كانت بنوتة جميلة لابسه فُستان أسود وخِمار أزرق .. كان لبسها شيك أوي .. لاقيتها دخلت مكان وتلقائي دخلت وراها بدون وعي مني وبمجرد مادخلت شوفت ان كُل اللي فالمكان شبهها نفس الإستايل وطريقة اللبس ،، نفس الجمال ،، نفس البشاشة فالملامح واللي ماسكه مُصحف في ايدها ،، واللي ماسكه سِبحة ومغمضة عنيها .. واللي عاملين حلقة وقاعدين بيتكلمو بهدوء وبيضحكو برضو بهدوء .. أدركت وقتها ان ده مسجد الكُلية"
كانت واقفه قصاد الماية وأنا واقفه بعيد عنها بخطوات مركزة في كُل حركة بتعملها وبعدين خلصت ولاقيتني ببُصلها ابتسمتلي ..
مديت إيدي_أنا ديانا
_انتِ جميلة أوي ياديانا ،، أنا اسمي حياة
_انتِ اللي جميلة ولبسك ده حلوة أوي
_مش مُسلمة صح؟
اترددت في الإجابة مش عارفه ليه_لأ نصرانية
ابتسمتلي_طب داخله المسجد تعملي ايه؟
_أصل أنا شوفتك ولاقيتني جيت وراكي ودخلت من غير ما اخد بالي خالص .. هو انتِ كُنتِ بتعملي إيه؟
بإبتسامة_كُنت بتوضى ،، بصي أنا عندي درس دلوقت تحبي تستنيني هنا ولا تستنيني برا؟
_لأ هستنى هِنا بس على جمب كده
"لأول مرة أحس إني مكسوفة من لبسي أوي كده .. المكان اللي أنا فيه كُله فساتين وخِمار .. أنا بس اللي فستان قصير وشعري باين .. أنا مكسوفة وأنا بينهم لكن وأنا في ساحة الكلية مبحسش بالإحراج خالص .. فضلت باصه على حياة لحد مابدأت تتكلم بعد ماكام بنوتة لابسين بناطيل عادية دخلو وقعدو"
_هو أنا لو جيبت زيت مغلي دلوقت وقولت لواحدة هاتي أفضيه على جسمك هتوافق؟
كُل اللي قاعدين_ لأ طبعاً
_طب ولو قولتلها هاتي أفضيه جوا ودنك؟
_محدش رد
_يعني مثلاً لو جيبنا معدن زي الحديد أو النحاس وسيحناه وهوب سكبناه جوا
أذن كُل واحدة هتحس بإيه؟ أهو هو كده بالظبط سماع الأغاني أو الموسيقى
.. وقت مانتخنق نجري نسمع أغنية وإيه ده دي بتعبر عن حالتنا وهاتك يا
عياط .. رغم إن لو جرينا على كلام ربنا هيعالجنا مش هيعبر عن حالتنا بس
أنت تقرأ
روح وريحان
Non-Fiction"يبتليك الله ، لأنه يُحبك ، لأنه يرآك تبتعد عنه ، يبتليك ليُقربك له ، كي تدعوه ، و تبكي ، و تُردد يا رب سامحني ، ان تعترف بذنوبك له ، الله لا يُريدك ان تحزن ، حاشاه ان يقدر على عبِده الألم ، انهُ يختبرك ، يُقربك ، يُدرسك ، ثُم يُفاجئك بـ فرحٍ و ف...
