الفصل الثامن والعشرون من رواية بقايا عاشق
ردت له الروح من جديد، لانه علم سبب تركها له وتيقن من حبها له ،أراد لو يضمها لكى يطمئنها أنه يحبها هى فقط، وليس هناك أمراءة فى الكون تستطيع أن تدخل قلبه ،هو أدخلها قلبه ،وحطم المفتاح لا يمكن لأحد آخر الدخول، ولكن تلك الدموع التى تنهمر على وجنتيها تقتله
آدم :أوعى تعيطى لأى سبب... أوعى تعيطى
مراد :أبعد عنها
آدم :أوعى أنت كمان
أنت السبب فى اللى حصل، ليه ماسألتنيش مين ديه وأنا كنت هجاوبك، لكن أنت روحت، وقولتلها ووجعت قلبنا وخلاص، ترجمت عشان أنا حضنتها وقولتلها بحبك أنها حبيبتى وأنى بخون اختك وماترجمتش أنها أختى صح
مراد بذهول :أختك ....!
آدم :أيوة أختى، وكانت فى واحدة خطفها وافتكرناها ماتت ،مطلوب منى لما الأقيها أعمل أيه هاااااا
أسماء :أختك بجد
ليلى : أيوة والله أختو
آدم بيحبك أوى يا أسماء صدقينى
الأيام اللى فاتت ديه كان متدمر
أسماء :وأنا مش هرجعله
آدم :ليه ...؟ليه مصممة تتعبينى ليه
أسماء :عشان أنت بعت صاحبك ،وكنت عايز تدمره
آدم :لا والله يا أسماء أنتِ مش فاهمة حاجة
مراد :آدم خلاص دلوقتى ،وأنا آسف طبعا انى ظنت فيك كده، وآسف عشان الكلام اللى قولته لأختك
وهنتكلم فى الموضوع ده بعدين أوعدك
يلا يا أسماء نروح عشان تذكرى أمتحانك بعد يومين
أسماء :حاضر يا مراد
** فى سيارة مراد**
مراد :ليه قولتيلوا كده يا أسماء أنا ظلمته
أسماء :لازم أعقبه شوية، عشان اللى عمله فى آسر مش قليل ، آدم كان قاسى أوى
مراد :همممم بس الفرحة هطنط من وشك يعنى
أسماء :ياريتك كنت أتأكدت يا مراد
مراد :معلش بقى، المهم عرفنا الحقيقة أنا هبقى أقرالك شوية وارحلوهم وابقى اسمعى الريكوردات اللى قرينا فيها قبل كده
أسماء :حاضر يا مراد
**********صلى على الحبيب *********
حياة :آسر أنت لازم تاكل عشان الدوا
آسر :مش عايز منك حاجة
حياة ببكاء:آسر أرجوك بلاش المعاملة ديه
آسر :المفروض بقى إنى أعملك أزاى
حياة :عاملنى عادى يا آسر ،مش بالطريقة ديه ده أنا حاسة إنك مش طايقنى
آسر :لا أتأكدى انى مش طايقك
حياة :طيب ممكن تاكل
آسر :أزاى ضحكتي عليا، وخالتينى اتجوزك
حياة :أيه اللى بتقوله ده ،أنا ماضحكتش عليك أنت اللى جيت تقولى إنك بتحبنى ،وعايز تتجوزنى
آسر بسخرية :ناقص تقولى إنى ماقدرش أعيش من غيرك كمان
حياة : أنت بتتريق مانت فعلاً قولتلى كده
آسر:هخرج من هنا ،ومش هشوف وشك
حياة :بس أنا مراتك يعنى هنعيش مع بعض
آسر :ده فى حلمك
حياة :لا فى الحقيقة وبطل تستفزنى كده
آسر عشان خاطرى عاملنى كويس
آسر :أمشى من وشى
حياة :أفتح بوقك ,وأنا همشى
آسر :أنا اللى هأكل نفسى
حياة :أتفضل يا آسر
آسر : أنا باكل أهوه ممكن تمشى
حياة :يوة أمشى أمشى ،لا مش همشى أسكت بقى
آسر :أكيد لعبتى عليا عشان تلهفى فلوسى صح
حياة: مش هرد عليك يا آسر، بس والله لما تفتكر هخليك تندم على الكلام ده
آسر :ليه هو أنتِ فاكرة مثلاً إنك هتفضلى معايا أنا هطلقك طبعاً
حياة :أوعى تقول كده تانى
آسر حرام عليك
آسر :قابلتك أزاى
حياة :خبطنى بالعربية
آسر :آه وهو أى واحد يخبط واحدة بالعربية يبحها
ويتجوزها كمان
حياة:ماحنا أتقبلنا تانى ،وكمان عز صاحبك خطب تقى صاحبتى، وأنا مدرسة إسراء
آسر :انا أكلت
حياة :طيب أتفضل علاجك
أنت رايح فين
آسر :همشى
حياة :لا لا ماينفعش المفروض تعد أسبوع على الأقل كمان أنت مش قادر تمشى
آسر :أوعى أيدك ماحدش طلب منك مساعدة
يوسف :آسر أنت رايح فين
آسر :فى داهية ماحدش لي دعوة بيا
حياة ببكاء :آسر كده هتتعب
آسر :وانتِ مالك انتِ
أنا عايز هدومى
يوسف :طيب هنعملك اللى أنت عايزه بس أهدى ،وأعد على السرير وهخلى الممرض يساعدك تلبس هدومك
تعالى يا حياة معايا
حياة :عايز تخليه يروح أزاى يا دكتور
يوسف :آسر عنيد جداً للآسف فأنتِ لازم تخلى بالك منه، ومواعيد علاجة ومايتعرضش لأى زعل
حياة :حاضر يا دكتور
عز :آسر هيبقى عايز يروح الفيلة بتاعته
حياة :وأيه المشكلة ..؟
عز :الفيلة اللى كان متجوز فيها، هو وسمر
حياة :طيب ماينفعش يروح فيلة مامته
عز:مش هيرضى استحملى يا حياة
حياة :بيعاملنى وحش أوي يا عز
عز :تعدى بس الفترة ديه، وهيرجع تانى
حياة :بابا بعد إذنك أنا هروح مع آسر
أسعد :ماشى يا بنتى ماتسيبيش جوزك
حنان :ماتخافيش يا حياة، آسر بيحبك أنا متأكدة بس هو مصدوم
حياة :والله يا طنط أنا فاهمة كل ده بس أعمل أيه قلبى بيوجعنى لما بيعاملنى كده
حنان :معلش يا حبيبتى قولى يارب
حياة :يارب
عز :آسر خلاص أنت خلصت
آسر :أيوة أنا عايز أروح المقابر
آدم :لا طبعاً أنت تعبان
آسر :انتو اللى بتتعبونى
حياة :آسر طيب على الأقل لما تخف
آسر : أنتِ تخرسى خالص
وربنا يا عز أنت وآدم لو ما ودتونيش هناك مش هعرفكوا تانى
آدم :خلاص يا آسر، تعالى بس شوية صغيرة أنت تعبان فاهم
آسر :مش قادر أتخيل كل اللى بيحصل ده
عز:معلش يا صاحبى عارف إنو صعب
ليلى :آدم خدنى معاكوا عايزة أروح لسمر
آدم : حاضر يا ليلى تعالى
يلا يا آسر أدخل العربية براحة واسند عليا
آسر :آهاااا
حياة :آسر أرجع المستشفى، أنت لسه تعبان
آسر : أنتِ أيه اللى جايبك هنا
حياة:هروح معاك
آسر :هو بالعافية
عز :خلاص بقى يا آسر أسكت
آسر :انتِ كمان قاعدة جنبى
حياة :صبرنى يارب
ظل ينظر إلى الجهه الأخرى تجنباً لها
ﻻ ينكر أنها جميلة ،ولكن ذلك الاضطراب يرهق قلبه
آدم :وصلنا
استقل من السيارة ،وهو غير مستوعب ذلك الطريق أيمكن ان يستيقظ الإنسان على ذلك الخبر البشع
يستيقظ على موت حبيبته
تقدم وقدماه لا تستطيع حمله أكثر من ذلك
وقف أمام قبرها ،وجلس يمسك ترابها، وبكى بكل ما أوتى من قوة
بكى بكل جوارحة
كان زوج وسيصبح أب عن قريب
ولكن الآن ماذا أصبح
آسر :سمر أنا مش قادر استوعب، ليه سيبتينى وأزاى
أزاى ده حصل
نفسى أكون فى حلم ،وأصحى منه وأنتِ اللى تصحينى
هصحى مش هغلبك زى كل يوم ،وهفطر قبل القهوة
هعملك أى حاجة بتحبيها ،بس أرجعيلى مانا مش فاهم حاجة
وبعدين أنتِ وعدتينى ،وعدتينى ماتسيبينيش
وأنا وعدتك ماسبكيش وماحبش غيرك
ثم نظر إلى حياة وأردف قائلا :ومش هحب غيرك
تلك الكلمات كانت تنهك روحها
تعابير الحزن البادية عليه كانت تقطع فى روحها
تغير الآن تغير من أنثى غير موجودة فى الحياة
وكأن قلبها يذبح بسكين ثلم
دموعها منهمرة على وجنتيها كالشلالات
قالها صريحة لم يحبها
يكفى يا قلبى تلك الآلام
لماذا يا قلبى، هذه الرجفة المؤلمة إلى متى سينتهى هذا الأمر؟ متى تتوقف الدماء التي تنزف من وريدك متى تتوقف هذه الطعنات ؟متى ينتهى هذا الطلل الذى يروى بدماء قلبى ..؟ولكن مهلاً سأجعله يعشقنى من جديد، فإذا العقل نسى فالقلب لا يغفل عن نبضاته
أنت تقرأ
بقايا عاشق"مكتملة"
Romanceتهاجمه تلك الذكريات اللعينة التي تستطيع تحطيمه بكل سهولة؛ فهو سبب في موت أغلى ما لديه،ويرى أنه لا يستحق سوى الموت واستسلم إلى ذلك المرض اللعين الذي سيؤدى به إلى الهلاك لا محالة، ولكن هل سيمسك باليد المنقذة له أم لا
