الفصل الخامس عشر من
رواية بقايا عاشق
خرج من المستشفى وهو فى قمة غضبه مستحيل أن يسمح لأحد آخذها منه؛ فالحب يتطلب الآنانية فى بعض الأحيان لغى عقله فى هذه اللحظة لم يعبأ بصوت صراخها والضربات التى تسددها إليه
آسر وهو يضعها على الأرض:بس بقى ايه عماله تصوتي وتضربي فيا أتلمي بقى
حياة :أفهم أيه انا من الحركات دي
آسر :أفهمى اللي تفهميه المهم ماتجيش المستشفى دي تاني كلامي واضح
حياة :ليه؟
آسر :من غير ليه
حياة بعند:أيه رأيك بقى هروح المستشفى كل يوم مين انت عشان تتحكم فيا وتشيلني كده
آسر :أيه هو انتي عاجبك يوسف أوي كده
حياة باستغراب :وأنا مالي بيه انا ...؟
آسر :ليه هو انتِ ماتعرفيش...؟
حياة :أعرف ايه
آسر بعصبية :أن الأستاذ معجب بيكي
فرحت كثيرا لغيرته عليها إلى ذلك الحد ولكن قالت بثبات : وأنت مالك
آسر:حياة ماتعصبينيش أقولك لو عرفت أنك جيتي هنا هموتهولك ارتحتي كده
حياة :هو انت غيران
آسر :هاغير ليه انا هااا أكيد مش غيره دي
حياة :طيب خلاص متعصب ليه
آسر:أنتِ هاتروحى فين
حياة : المفروض عند تقى بس لسه ماخرجيتش هاروح أشوفها
آسر:حياة هو انا مش قولت مافيش دخول هنا أقفى هنا هنستناهم
حياة:أوف حاضر
بينما فى الداخل
عز:يوسف أنا مش عارف أقولك ايه بس هفهمك بعدين وآسف فعلا
يوسف:والله انا سكت علشانك يا عز
عز :تسلملي يا يوسف عن إذنك
تقى :أفهم انا اللي صاحبك عمله ده هو خطفها ولا ايه هو مجنون
عز:ده شىء كويس جداً
تقى:أيه هو اللي كويس ده
حياة:عشان آسر بيغير على حياة
تقى:نعم بيغير طب من مين
عز بفخر :عشان انا قولته يوسف معجب بحياة أنا المفروض يعملولى تمثال
تقى:ههههههه لا المفروض يعملوك خاطبة 😄
عز بغيظ :دمك
تقى :طب أتصل بصاحبك المجنون ده أنا مش قادرة
عز:ألو يا آسر أنت فين يا جدع يوسف كان عايز يشوف حياة
آسر : قسماً بالله هموتك
عز :ليه كده ياراجل ده انا زيزو برضو
صحيح انتو فين
آسر:برة المستشفى مستنينكوا
حياة:هما قربو يجو ولا فين
آسر:آه أدخلي العربية على مايجو
استغلت الفرصة للتحدث معه ودخلت السيارة
آسر بعد ان أشترى عصير:اتفضلي
حياة بابتسامة :شكرا
آسر :العفو
حياة :هو انا ممكن أقولك حاجة
آسر :اتفضلي
حياة :ليه مش عايز تعمل العملية لو حتى مش عشان نفسك فكر فى الناس اللي بيحبوك
آسر :حياة لوسمحتي... مش عايز أتكلم فى الموضوع ده تمام
حياة :لا هتكلم مش انت أتدخلت فى حياتى انا كمان هتدخل فى حياتك أعتبرني صديقتك
آسر:وهيفرق أيه معاكي أعيش ولا أموت
حياة:طبعا هيفرق انا مش لسه قايله اني صديقتك
آسر:مش عايز أعملها عشان انا مستحقش الحياة
حياة :وليه كل ده
آسر :تعرفى اني كان المفروض يبقى عندي طفل عنده 4 سنين، بس انا موته هو ومامته عشان غبي
حياة :زعلان أوي على ابنك عارف قصة سيدنا موسى و سيدنا الخضر
آسر :لا
حياة :ببساطة كده ان سيدنا موسى كان فاكر انو أكتر واحد عنده علم ؛فربنا قالو ان عنده عبد يعلم أكتر منه طبعا سيدنا موسى كان عايز يعرف ياترى مين ده اللي عنده علم أكتر منه
وكان سيدنا خضر، هو اللى ربنا يقصده
المهم سيدنا موسى مشى مع سيدنا خضر فى رحلة عشان يتعلم منه، وسيدنا خضر شرط عليه مايسألوش هو بيعمل كده ليه فى أى حاجة هو بيعملها، وسيدنا موسى وافق عشان يتعلم منه بدأو رحلتهم، وكان سيدنا خضر بيعمل حاجات غريبة أوى بالنسبة لسيدنا موسى، مثلا ركبو سفينة بتاعت ناس سمحلهم يركبوا، وسيدنا خضر راح خارم السفينة طبعاً سيدنا موسى استغرب أوى، قالو أزاى تعمل كده وأهلها سمحولك تركب، هو ده جزاءهم
ولكن سيدنا خضر بالعلم اللى عنده عمل كده عشان كان فيه ملك ظالم بياخد كل سفينة سليمة ولو ماكنش عمل كده، كان الملك ده هياخد السفينة، لكن دلوقتى مش هياخدها ،وطبعا أهلها هيستفادوا المهم بقى من ضمن الحاجات اللى سيدنا خضر عملها تانى هى انو قتل عيل صغير ،طبعاً سيدنا موسى كان مستغرب جدا هو ليه عمل كده، ايه المبرر اللى يخليه يقتل عيل صغير من غير سبب من وجهة نظره
وكان رد سيدنا خضر أن الطفل ده لما يكبر هيبقى ابن عاق، وهيتعب أهله معاه
يعنى هو رحم أهله منه ورحمه هو من الذنوب اللى كان هياخدها لو فضل عايش ربنا سبحانه وتعالى له حكمه في كل حاجه فاحنا دائما نقول الحمدلله
عشان ربنا مابيعملش حاجة وحشة فى حد ،بالعكس فى قضاء أخف من قضاء
آسر :ونعم بالله
حياة:تقى وعز خرجوا من المستشفى، سلام
آسر:حياة
حياة :نعم
آسر :ممكن رقمك
يعنى لو حبيت ارتاح اكلمك
حياة :تمام اكتب. ..........
سلام
آسر بابتسامة :سلام
تقى:حياة أنتِ كويسة
حياة :آه متقلقيش
عز :يلا أوصلكم بقى
آسر :عز لما تخلص تعالى الفيلة عايزك
عز:حاضر ربنا يستر😒
حياة:مالك ياتقى
تقى :مافيش ده عشان وقفت كتير بس
عز :تقى لما أتصل بيكي تردى مفهوم
تقى:حاضر يا عز بس أنت بتفضل تتصل كل شوية
عز:أنتِ زهقتي مني ولا أيه، ده انا عسل حتى😕
تقى :آه جدا الصراحة
عز:هو آسر قالك إيه
حياة:هو فضل يزعق شوية
تقى:والله يا حياة لو كنت مش تعبانة كنت هوريه
عز:خلاص ياعم مسعد انت
تقى:انا مسعد 😕
اوصلهم إلى منزل تقى ورحل
تقى :أيه اللي حصل
حياة وهى تقفز بيغير عليا بيغير عليا
تقى:أيه قالك بحبك
حياة:لا طبعاً مش للدرجادي بس بيقولي ان دكتور يوسف معجب بيا ومش عايزنى ادخل المستشفى تانى ولو دخلتها هيقتله ههههههههه
تقى :هههههههههه بركاتك يا عز
حياة:اشمعنا....!
تقى:عشان عز ضحك على آسر ،وقالو ان دكتور يوسف معجب بيكي هههههههههه، وهو بقى عامل زي المجنون كده نار الغيرة بقى
حياة :هههههههه مش قادرة بس هو كده بيحبني ولا بينيل أيه، أنا قربت اتجنن والحمد لله 😏
تقى:أنتِ لسه عندك شك ده كان هياكل الراجل ياعيني
حياة :وكمان خد مني رقم الفون
تقى:لولولولولولي هبقى صاحبة العروسة
*************ﻻ إله إلا الله*************
عز:هنتكلم بالعقل من غير ضرب اتفقنا
آسر:أدخل يا عز والله مش عارف أشكرك ولا أشتمك بس عارف والله العظيم ياعز لو خليتها تروح المستشفى تاني هعمل فيك ايه
عز :وليه كل ده بقى
آسر :ماليكش دعوة انت
انا مجنون
عز:مانا عارف انك مجنون انت هتقولى يلا سلام
آسر:غور
عز:تسلم ياسطا😒
ذهب عز وترك آسر بين ماضيه وحاضره
فلاش بااك منذ خمس سنوات
فتح عيونه بتثاقل شديد بعد غيبوبه مدتها أسبوعين وأردف قائلا:سمر سمر فين سمر فين
الدكتور:أهدى بس احنا ماصدقنا انك فوقت
آسر وهو يفك الأسلاك الطبية المتصلة بيه:سمر فين رد عليا مراتي فين انطقوا
الدكتور:البقاء لله يا بشمهندس
آسر :أبعد عني سماااار ......يا سمر ارجوكي ردي أنتِ فين اااااااه يااارب
الدكتور :ماينفعش كده انت تعبان
آسر:ماحدش له دعوة بيا سيبني
ياسمر ماتسيبنيش، أرجوكى ماتسيبنيش يارب
ثم أتت له تلك النوبة، وكانت للمرة الأولى تأتي له نتيجة الحادثة التى أثرت على المخ ،وتسببت فى ردود دماغية تؤدي إلى نوبات أختلاجية
أنت تقرأ
بقايا عاشق"مكتملة"
Romansaتهاجمه تلك الذكريات اللعينة التي تستطيع تحطيمه بكل سهولة؛ فهو سبب في موت أغلى ما لديه،ويرى أنه لا يستحق سوى الموت واستسلم إلى ذلك المرض اللعين الذي سيؤدى به إلى الهلاك لا محالة، ولكن هل سيمسك باليد المنقذة له أم لا
