عليك الله سيبني عليك الله انا سويت ليك شنو 😭😭😭😭يا عزام عزام... ياخ قفلو خشم البت دي ما ناقص وجع راس لحدي ما نصل فعلا مشو عليها راجلين وقفلو ليها خشمها اتلفتت عشان تعاين اي شي يدلها هي وين او في شنو فجأه لقت حولين عيونها في شاش اسود حست بطعنه خفيفه وفجأه قوتها خارت وبعدها ما حست بشي 😴😴........... في جانب تاني في قريه بعيده جدا في اخر ضواحي الجزيرة... كانت زي ما بيقولو من الخلويات كان سكانها اغلبهم مزارعين ورعاه... والغني فيهم هو البكون عندو مزرعه يعني حي بسيط بمعنى الكلمه.... كانو بالعدد البمرقو منو وبمشو الخرطوم عشان يتعلمو اما البنات ديل من تالته ثانوي بعرسو ليهم يعني حال القريه دي حاله ما يعلم بيها الا الله من التخلف والجهل وكلو اول تخش بتلقا البيوت مبنيه من الطين الزباله وفي جزء بتاع الجلابه زي ما نحنا بنقول 😅ديل العندهم بيوت من طوب ... بالرغم من الوضع المزري لكن كان في حاجات حلوه وهي لمه ناس الحله ولمه النسوان في الجبنه ولمه الشباب في ميدان الحله عشان يشوفو الكورة... ولمه البنات وقطيعتهم في شباب الحله 😂كانو ناس بسيطين هدف الولد يكبر يكون عندو قروش ويلي حيجيبها من البهايم واول ما يحصل كدا طوالي بدق سدرو بقول ""انا بدور اعرس ""وطوالي امو تجري تخطب ليهو وهو المسكين ما بشوفها الا يوم العرس مخمخمه ومكبكبه وكمان مغطنها يعني يا جابت يا خابت وانت وحظك 😹اما الشليقين من ناس الحي البكونو مجكسين بالدس وهنا الولد بعمل رايح لمن يجي يتقدم ليها وانو ما شافها وانو هو الشريف الرضي 😹لكن مرات بيتقبضو وبنتهي الموضوع بالبت مشوهه ضرب من ابوها وكمان معرسين ليها ود عمها ولا احتمال تكاها وضبحها عادي 🤷♀يعني ممكن تقول انو انا اتهورته ومشيت حته مافيها قانون 🤷♀والحاجات ماشه فيها بعادات وتقاليد معينه في القريه دي بالتحديد في بيت من الطين زيو وزي بيوت الغلابه... طيب ارحكم نخش وتشوفو معاي في شنو وفي منو... طبعا للبيوت اسرار لكن الحال غلب ولازم في مواضيع تكون في يد الناس عشان التخلف يبعد مننا وعشان ما تمشي في مجتمعنا بمسمى العادات والتقاليد 🤷♀..... اول ما تدخل بتلقا على يدك اليمين حمام وجنبو ديوان كبير بعدو في حوشكبير شديد تمشي لمن تفتر 😹حتى تصل مطبخ كدا بسيط فيهو كانون وتربيزه مختوته فيها سلع اساسيه ناس شاي سكر وملح وكدا في قربه معلقه فوق كدا بالجنبه وفي ازيار جوا المطبخ في باب من ورا المطبخ بدخلك لديوان النسوان وبرضو كبير في شكل مستطيل كدا... في نهايتو بتلقا حمام نسوان وجنبو غرفتين كدا وحده مقفوله والتانيه دي حقت اول شخصيه حنتعرف عليها وهي حاجه مُهرة ... مرة متوسطه الجمال لكن ما كبيره عمرها ٤٥سنه وعندها بت ١٧سنه اسمها بسمه.... بسمه وامها بنومو في وحده من الغرف دي اما الغرفه المقفوله بنوم فيها ولد حاجه مهرة لكن هو اغلب وقتو في الشغل وماقاعد معاهم في الحله.... كان دا من الاولاد الخالفو اباءهم ومشو يقرو وكملو تعليمهم وحتى شغال حسي لكن ما بجي الا اجازات واسمو حسام حسام حاول كتير يقنع ابوهو بانو يقرا وكدا لكن ابوهم "عبد الصمد ""كان زول اناني وبحب نفسو كان من نوع الرجال الجشعين ديك البكون راقد اليوم كلو وما عاوز زول ينجح... كان متعبهم تعب شديد كان طول اليوم راقد ومعتمد على حسام في اي شي حسام ما كان بناقشو وكان بشتغل وبجيب ليهو القروش وهو بوديها وين الله اعلم... حسام كان كل همو انو يكمل تعليمو ويمرق... فعلا مرت الايام وهو امتحن تالته وجاب نسبه كويسه بالرغم من مضايقات ابوهو ليهو كان دايما بقول ليهو الراجل بس يكبر ويتم ١٨مفروض يشتغل ويجيب رزقو وانت ما نافع وكان بشرط ليهو كتبو وبقول ليهو القرايه دي ما بتنفع وانت ولد ما نافع... كان راجل شوم بشكل غريب كل يوم بشاكلو وبقول ليهو شوف ولد فلان جاب كم بهيمه وشوف ولد علان جاب لوري وشوف ولد فرتكان بساعد ابوهو وبجيب ليهو كل يوم في البهايم ردم ليهم البيت ردم بهايم.. انت اقعد لي مع الورق والخرف بتاع اساتذتكم المتخلفين ديل لمن تلقا روحك ما عندك ولا جنيه كان حسام يوميا بسمع كلام زي دا لكن كان بحاول بقدر الامكان ما يزعل ابوهو... وفي نفس الوقت ما بسيب قرايتو فعشان عارف انو نقطه ضعف ابوهو القروش... رشاهو بقروش وقال ليهو لو خليتني اسافر كل مرة حارسل ليك اضعافها وفعلا خلاهو... حسام فرح انو ابوهو خلاهو يمشي لكن في نفس الوقت كان زعلان على تمو واختو الخلاهم مع ابوهو المانافع دا وفعلا كلامو صاح بعد سافر واشتغل كان برسل القروش وكان ابوهو بشيلها كلها وما بديهم شي في مرة حاجه مهرة اتكلمت معاهو ضربها وفلقها بالكانون شقا ليها راسها كان معاملتو زفت جدا وما كان براعي لبسمه وكان عاوز يخليها تخلي القرايه كم مرة لكن امها بتجري تضرب لحسام وحسام كالعاده برشيهو بقروش عشان يخليها تواصل قرايتها واستمر المنوال هكذا بسمه بت بشوشه والله اداها الجمال والشعر الطويل لكن كان مريضه وعندها بدايات توحد ما يسمى بالطيف ولحال القريه الهي فيها ما كان في زول فاهم معنى مرضها وكانو دايما بقولو عليها مجنونه... ماكان عندها صحبات خالص وكان سكوته وبتعمل اي شي لاي زول وطيبه وعلى نيتها وما بتفتح قلبها لاي زول... لكن كانت بتخاف من ابوها وما بتقربو لانو عارفه طبعو وكانت بتحب اخوها حسام وما بتحس بالأمان الا وهو معاها ولمن يسافر ما بيسلمو خالص هي وامها من عبد الصمد وكل يوم واقع فيهم ضرب المهم... بسمه حسي في سنه تالته... نوقف هنا وباقي الشخصيات حتوضح براها يلا صلو على النبي عشان نبدا ............ حست بشي بارد في بطنها بدت تفتح شويه شويه لقت نفسها راقده رقده ما مريحه رجلينها ويدينها باردات وكمان مربطات اتشجعت شويه وقامت وفتحت عيونها كان المكان مظلم وما شايفه شي سمعت اصوات انين من كل الجهات بدت تصرخ ... انا وين 😭😭في شنو يا ناس يا بشر انتو دايرين مني شنو 😭😭😭😭سمعت صوت بت جنبها ... اسكتي لو سمعوك حيجوك هم منتظرنك تصحي عشان ... عشان شنو انطقي لكن الباب فتح وسطع نور في عيونها هنا لاحظت يادوب لكميه البنات الجنبها كان منهم النايمات ومنهم الصاحيات وخايفات كميه الغذارة والوسخ الشافتو في الغرفه ما حصل مرا عليها فجأه سمعت صوت صوت ما بيغباها بقول... جيبو البت دي وكان اشر عليها وجيب التلاته الجنبها ديل البنات المعاها كانو ببكو وبصرخو هي الوحيده الما فاهمه حاجه 😴كلمه خايفه قليله عليها قبل ما تشوف وتفهم في شنو ربطو ليها عيونها تاني وودوهم غرفه تانيه اول ما خشت شمت ريحه ريحه غذرة لكن ما قدرت تحدد هي شنو حاسه انو قبل كدا شمتها لكن وين ما عارفه او احتمال مرت عليها شويه كدا وتاني حست بطعنه حقنه لكن المرة دي مهدئه بعدها فكو ليهم الشاش فتحت عيونها ببطء وهي بتقول ... انتو عاوزين شنو ما ردو عليها فجأه جرو بنت من البنات المعاها وهنا يادوب فتحو النور 🙊اول ما قبلت جنبها لقت حاجه ملفوفه بالابيض نططت عيونها بعد ما شافت كميه من الحاجات جنبها الملفوفه بالابيض 😳اتشجعت حبه ماعنو صوت البت الاخدوها وكانت بتصرخ كان راعبها لكن قررت تفهم في شنو فتحت الحاجه الملفوفه لقتها جثه 😨😨جثه بت والجنبها كلهم جثثبقت تصرخ باعلى صوت .... امشو سكتو البت دي لحدي ما نشوف شغلنا جا واحد اداها كف لمن جسمها ارتعش سكتت تاني ما اتكلمت وبقت تعاين بعيونها شافت كميه من الشاش الحقن والدم في الارض كانت عاوزه زول يقول ليها انت بتحلمي 😭😭وحسي الحلم حينتهي بقت تبكي بصوت مكتوم لحدي ما قبلت وشافت الزول الما بغباها ولابس لابكوت ومليان دم ولابس كمامات ومعاهو كم زول لكن مغطين وشوشهم عاينت تحت لقت البت القبيل شالوها وجسمها كلو دم 😨😭وفاتحين بطنها 😨بشكل وحشي حتى الخروف ما بفتحوهو كدا كامت كل محتوى بطنها بجدع معقول معقول انا بحلم ولا دي حقيقه 😭ماكانت رده فعلها طبيعيه وماكانت قادرة تصرخ بسبب المهدئ كان عذاب بالبطئ... بقت دموعها تنزل من غير صوت فجأه قطع البعمل فيهو وردا على الاتصال الجاهو .. ايوا يا بووس اي قربنا نخلص فضل لينا زي ٣بنات وننتهي ... خلاص بخلص وبرجع ليك ........ بعدها عاين للشباب وبدا يكورك فيهم وانو لازم يسرعو عشان يلحقو يسافرو بعد خلص واخد كليتين من البنت جدعها جدعها 😭😭منظر جدعتها ممكن يخلي زول يموت من الخوف كان بطنها فاتحه وشبه الدم بكب بغذارة شويه كدا وجا علينا عشان يشيل فريستو التانيه وهو جاي ادا البت القبل شويه شلوت وقال... شيلو الوسخ دا من هنا ولفوهو في شوال ولا اي مصيبه زمان وامشو جيبو لي سكين سنينه شويه دي ما بتقطع 😨يعني عدم الانسانيه الانا شفتها فيهو دي ما حاشوفها في انسان ياخ الخروف ما بعملو فيهو كدا حسيت انو الكلام دا فوق طاقتي وفجأه اغمي علي وتاني ما وعيت الا وانا راقده في حاجه وفوقي نور وسامعه اصوات كدا بعيده قررته اصحصح عشان شنو ما عارفه ماعنو عارفه الموت مكتوب لي كنته حاسه اني خلاص مودعه الدنيا لكن ما اتخيلته اني في يوم اموت بطريقه بشعه زي دي حتى حق الدفن الهو ابسط حقوقي ما حاحصل عليهو فتحته عيونو لمحتو لمحته عزام بقيت ما مستغربه خلاص اثبت لي انو دا هو لكن ليه ليه كدا عزام.. وين وين صحت الزوله دي ما اتكلمته معاهو عاينته لقيت كل البنات المعاي مرميات بنفس الطريقه 😨😨والحته ريحتها ماشه تبقا اكعب ... دا شنو حرام عليك يا عزام انت حيوان ولا انسان عزام... يا بت هوي اسكتي ما عاوز كلام والا حسي بعمل ليك العمليه من غير مخدر عشان تحسي بي وانا بشيل كلاويك 😹😹😹... عزام عاين لي انا منو انا نورو نوره البتحبها وبتموت فيها عزام.. انت صدقتي يا بت انا اسمك ما متزكرو وتصدقي انا بالجد قلبي كبير وكل البنات الشايفاهمفي الغرفه ديل برضو بحبهم وبموت فيهم 😹😹هنا انا استوعبته قصدو وقبل ما ارد كان ادوني مخدر وبدا يمشي في جسمي عزام.. لكن يا حلوه انا حاثبت ليك انو انت اكتر وحده حبيتها فحاعمل ليك عمليه قانونيه وحاستأصل كليه واحده منك قصرته معاك 😹وكمان بعد انتهي حاخيط ليك بطنك يعني ما حارميك ساي كدا اها تاني عندك شي يلا يا بيبي نومي عشان تسهلي لي العمليه وعشان ما اغير رايي واجدعك زيهم بقيت ما قادرة ارد والمخدر بقا ماشي فيني وبديت اغمض حبه حبه شويه ونمته 😴😴... الوقت الحاضر مركز الجرائم الجنائيه النقيب مروان الملقب بالجوكر كان جالس على مكتبو شويه وبدا يقرا في الملف اتكل على كرسيهو ولفا جهه الشباك اخد نفس عميق بعدها قام على حيلو ومشا طوالي غرفه الاجتماعات استقبلوهو كميه من الضباط بالتحيه بعدها دخل القاعه كان فيها نخبه من الضباط العسكريين والجنائين والاطباء الشرعيين قعد في كرسيهو وبدأ يتكلم مروان.... ٢٥شهر واحد ٢٥شهر اتنين ٢٥شهر تلاته ٢٥شهر اربعه واخر جريمه كانت في الحدود بين مصر والسودان في ٢٥شهر خمسه عدد الضحايا في كل عمليه ١٥بت اعمار البنات ديل دايما بين ال١٧وال٢٥يعني هو مستهدف الاعمار الممكن يستفيد منها كان في حاله صمت عجيب بعدها واصل كلامو مروان... في حاجه غريبه انو في اخر عمليه في بنت واحده بس النجت وكان مسروق منها كليه واحده عاوز بكل ما اوتيتم من قوى معلومات عن البت وعاوز البنت دي بكرة تكون عندي وعاوز كشف باسماء البنات في كل عمليه وعاوز الاطباء الموجودين هنا تكشفو لي على الجثث الاخيره وحاولو شوفو عامل مشترك بينهم وخلو بالكم البت دي لازم تجينا ولازم تكون في قبضتنا والعصابه ما تعرف انها حيه لانو لو عرفت حتقتلها وحينتهي اخر دليل ضدهم مفهوم الكل.. مفهوم سادتك بعدها اتحرك الكل وخلوهو مشغول في الورق حسا راسو حيطرشق غمض عيونو عشان يسترخي لكن صحا بتلفون .... الو ... ان شاء الله بحاول يا امي لالا ما تقلقي انا كويس انتو كيف تمام حسي مشغول برجع ليك بكرة 😴في امان الله..... ........... فلاش باااك صحيت. وووونتلاقى لو لقيت المتابعه حلوه والتفاعل كبير بنزل كل يوم... ان شاء الله تعجبكم حيث لا تدري حيث انت الان في راحه وتنعم بالامن والامان هناك ارواح تسلب هناك جريمه تجري في هذه اللحظات التي تمسك فيها هاتفك 🤷♀فهل سيفوت الاوان... ✨✨
يتبع......
