بدا العرق يتصبب من جبهتها كانت حاسه باحباط على شويه قهر شويه وسرحت لحدي ما سمعت صوت المحقق بقول ليها .... توابش ولا اقول تماضر حسن أحمد طالبه طب جامعه الخرطوم زاد قلقها خصوصا بعد نطق بأسمها .... هههه يعني قايلانا نايمين نحنا مامعناها اتسجلتي في دفتر الوفيات دا شي يخليك ما تتعرفي الاحسن يا توابش تعترفي باي حاجه لانو قواتنا حسي حتكون في اللحظه دي القت القبض على عزمي وامجد شويه ويتقبض 😴ابتسمت والدموع في عيونها لحدي ما رجعت لورا بكل كبرياء ... هههه يعني حسي انت مقتنع انو انا حاحكي ليك .... ايوا .... والبضمنك شنو .... انو حتمشي حبل المشنقه براك لو ما اعترفتي 😂💔... هههه طيب ما انا كدا كدا ميته ليه اعترف ... اسمعي يا بت الناس انا والله لابقدر اوعدك اخفف عنك ولا بقدر اسوي شي لانو انا وانت عارفين انتو كنتو بتعملو شنو خلي اخر ذرة انسانيه عندك تحكي لينا شويه وفتح تلفونو وبقا يفتح في صور البنات ... شوفي شوفي دي عسجد مريم مهاد وعد مثاني منتهى وغيرهم من البنات الانتو قتلتوهم بكل وحشيه عارفين حسي اهلهم حاصل عليهم شنو عارفين انو اسرة كامله بسببكم بتنهار عارفين انكم حرمتو ولد من خطيبتو وام من بتها وسندها وابو من بتو نور عيونو 💔عايني عايني لكن ما اظن عندك قلب زاتو عشان تعايني ولا تحسي .... 😣.... ما حتتكلمي .... شوفي انا استخدمته معاك اسلوب اللين ما تخليني اغلط انت بت برضو ولا شنو 😡.... 😟طيب امجد وين ... امجد حسي بجي لكن انت احكي .... طيب لكن اوعدني انو امجد يمرق منها سكت مسافه لحدي ما اتنهد وقال ليها... انت عارفه انو دا مستحيل 🙄بس بوعدك لو اتكلمتي بسمح ليكم توظفو محامين ودا بس الممكن اعملو لانو دا قتل ما لعب وبكدا بكون اخليت ذمتي 😑... طيب حاحكي... ١٩٩٩كنته يا دوب برلومه طب جامعه الخرطوم كنته نوعا ما زوله متزنه واصلا بابا كان استاذ في جامعه الخرطوم وكان بدرس علوم سياسيه لحدي ما في يوم من الايام بابا طرد من الجامعه وكان السبب بت نشرت اشاعه انو بابا بتحرش بيها وكدا فادارة الجامعه صدقتها بحكم انها بت هايات وكدا في الايامات ديك كانت ماما حامل وكنته فرحانه شديد انو حيكون عندي اخ بعد طول غياب بس ما اتهنينا واداره الجامعه وابو البت رفعو قضيه ضد بابا ونحنا في الفترة ديك كنا في امس الحاجه ليهو 💔😭شويه وزادت في البكا وبصوت محشرج قالت... بسببها ايوا بسببها نحنا اتبهدلنا اول حاجه اتذلينا ليها هي وابوها ولادارة الجامعه برضو عشان ما يتحبس ابوي... اداره الجامعه وافقت بس هي رفضت والمشكله انو هي كانت كذابه... وانا متاكده انو ابوي مستحيل يعمل كدا 😭😭في يوم ١٢/٦في التوقيت دا بالذات بالليل كنا ساكنين في اطراف الخرطوم وكانت المطره شديده في نص المطره ديك جو عساكر اعتقلو ابوي من نص بيتنا وخلونا انا وامي نبكي 😭😭😭بعد ساعه وشويه حسيت بامي ما طبيعيه وبكاها معاي دا ما بكا طبيعي شويه واكتشفت انها بتولد 💔💔بقيت ماعارفه اقول يا منو ولا اقول شنو 😭😭😭وشبكه ماف اضرب لزول يساعدنا وابوي الوحيد الكان ممكن يتصرف قبضوهو ومشو ما لقيت نفسي الا متكله امي وماشه بيها في عز المطرة بقيت بأشر للعربات على امل انها تقيف بس ماف 😭😭😭ماف زول وقف لينا شويه وحسيت بامي زي البدا يغمى عليها من الالم وصوتها راح من الصريخ بقيت بتجارى زي المجنونه اشوف زول يساعدنا شويه ولمحته ليك عربيه جايه بقيت بأشر ليها لحدي ما وقفت ابتسمت 🙈والدموع في عيونها نزل منها شاب عشريني كدا الشكل ما كان غريب علي بس الحاله الحرجه الكانت فيها امي ما كنته قادرة اشوف دا منو ما عدت ساعه الا ونحن جوا المستشفى وانا بس قاعده في الارض وببكي والشاب الجا وصلنا حسيت بيهو اتوتر من البكا البكيتو 💔بقا هو زاتو متوتر.. شويه والدكتور طلع وكانت دي اول مرة اسمع الكلمه دي في حياتي .... الدوام لله ايوا نعم الموت حق بس في فتره المراهقه ديك كان صعب علي اصدق انو امي واختي ولا اخوي الجاي في السكه مات 😭😭😭ماقادرة اصدق انو تاني ما حاشوفهم 😭😭بقيت ببكي بهستريا شديده خلاص بقيت وحيده امي مشت خلتني وابوي محبوس شويه وجات يد بارده من فوق كتفي ربتت عليهو ... ربنا يصبرك قومي يا بت الناس عشان نستلم الجنازه بقيت ببكي وما مستوعبه شي وصراحه الايام جرت وانا ما فاهمه شي.. الشاب الكان ودانا المستشفى هو الاستلم الجثث وعمل اجراءات الوفا ودا كلو وانا ما واعيه بعد الدفن رجعني بيتنا البقت ريحتو غريبه من غير اهلي اول يوم ما قدرته انوم 😭كنته كل دقيقتين بقوم من النوم مخلوعه عدا اسبوع كامل وانا لابمشي جامعه لا بعمل اي شي بعد اسبوع جاني نفس الشاب الساعدني وجاب لي معاهو اكل ووراني انو معارف ابوي وانو وصاهو علي وانو اسمو عزمي.. وطلع ظريف وكان دايما بجي وبفرفش علي من الالم الانا فيهو ...... لحدي ما اقنعني انزل الجامعه وفعلا نزلته وشويه وجعي خفا بوقفتو معاي حتى بتزكر كان نقل لي محاضراتي وبشرح لي يعني ما بقدر اوصف ليك شويه واكشفته انو هو في رابعه طب وانو كان مع بابا في الحزب بتاعو زي ما انت عارف احزاب جامعه الخرطوم وكدا في الفتره ديك كنته بمشي بشوف بابا وعلى عكس ما كنته متوقعه لقيتو غضبان ومنفعل وما طايق زول بس قلته عشان الحبس بس ما كنته مفتكره انو الكره الفي قلبو دا في يوم حيتحول لاداه للقتل 💔مرت الايام وبعد جهد جهيد قدرنا نطلع بابا بس ما مرا شهر وابوالبت رفع عليهو قضيه تانيه بانو سرق من خزنه الجامعه مبلغ كبير جدا وقضيتو اتقبلت انا وعزمي بقينا جارين يمين شمال بس في النهايه حكمت المحكمه انو يا يسدد القروش او يشيلو منو قرنيه عينو او كليتو يبيعوها يرجعو بيها القروش😭💔هنا حسيت الدنيا قفلت علي من كل الجهات 💔وفعلا ما قدرنا سددنا الرسوم وشالو من بابا كليه 💔💔كان يوم عمليتو اسوء يوم في حياتي بس الحمد لله اتعودنا رغم انو حياتنا ادمرت... بس بقيت مبسوطه انو رجع لي وبقينا عايشين سوا بس كنته بحس دايما انو ما طبيعي سرحان مهموم ودايما بتكلم في التلفون بصوت واطي بس ما اعرت الموضوع انتباه لحدي ما جات ٢٠٠٢ظهر امجد في حياتي زي النسمه البارده كان زول حناك وعجبني اسلوبو في الكلام باختصار عجبني كلو بالرغم من تحزيرات عزمي وكدا بس برضو كنته بحبو 💔القلب وما يهوى المهم كنته بجي الجامعه مخصوص عشان احجز البنش ليهو جنبي ووبعمل ليهو اي شي للمحاضرات دي بنقلها ليهو 💔💔اما هو كان وييين كان بعيد مني المفاجأه الكبرى لمن لقيتو مربط مع نفس البت الكانت سبب في الحصل لي كلو هنا انا كرهته اليوم الحبيت فيهو امجد وبقا عندي غل شديد ناحيتو 💔💔وطبعا دا كلو عزمي عارفو بس ما كان برد بشي بس بسمعني وخلاص.... +انو كان بجي لابوي كتير وبقعدو في الصالون بالساعات المهم ٢٠٠٢يوم الخميس نهايه الدوام كنته ماشه على الاستراحه لحدي ما شفت امجد ويلي ما تتسمى واقفه معاهو واخر ضحك وونسه شويه وجيت ماره فيهم في اللحظه دي سبت لابوي وبقت تتلفظ بالفاظ عمري ما حانساها ما لقيت نفسي الا وشلت حديده كانت متكوله جنب الحيطه وتاني ما استوعبت الا والدم ماليها ومالي امجد الكان مخلوع بقيت برجف من فوق لتحت وداك بس اتكل على الحيطه وهو بعاين للبت والدم كابي منها 💔😭شلت التلفون بعد تعب وضربت لعزمي وجاني جاري كنته متوقعاهو انو يهلع ولا يتخلع بس فاجأني بانو قال... القصه دي لازم تتدفن في محلها شويه وبعد صعوبه نقلنا البت لمستوصف صغير وامكانياتو محدوده.... دخل عزمي ولابس لابكوت ومعاهو انا وامجد اصلو ما فتح خشمو ... ... عزمي انقذها ...انقذتها بس لازم تموت ... كيف يعني قبل ما استوعب شي ما القا الا وعزمي فتح بطن البت وطلع كليتينها وحفظهم في محلول وانا كطالبه طب مفروض يكون الكلام دا ما غريب علي بس ما قدرت استحمل +كنته ما فاهمه ليه عمل كدا اما امجد دا بكا بدموعو 😭😂اتوقفت ثواني قبل ما تقش دموعها ... عزمي ليه ليه .... اسمعي دا تار ابوك منها زي ما دمرت حياتك لازم تدمر حياتها ... لكن ... ولا لكن ولا زفت لو مرقت حيه نحن التلاته حنمشي حبل المشنقه امجد... هوي هوي انا مالي انا قلتو لي تعال نسعفها مالي ومالكم ... هههه يا حبيبنا انت معانا في الجريمه غصبا عنك ولو راجل امشي بلغ شفته ما ابقا انا راجل لو ما جريتك معانا حبل المشنقهويمكن تهف لي حسي الحقك عصفورتك دي😂امجد بلع ريقو بصعوبه بعدها قال ... لالا تلحقني شنو معاكم معاكم انا ودي كانت اول جريمه لي 💔كنته قايله بابا حيزعل مني بس اتفاجأته بيهو مبسوط شديد خصوصا بالكليتين شويه ومع الزمن لقيت نفسي واقعه في دوامه تجاره اعضاء الفكره جات لابوي بعد ما شالو منو كليتو واكتشف انو دي لو اتباعت بره بتجيب قروش ممكن تعيشنا ملوك ما عارفه ليه بس رغم الطريق الغلط الكنا ماشين فيهو بس كنته حاسه بالعداله والانتصار انو زي ما اذونا اذيناهم شويه وعدا اسبوع وانتشر خبر فقدان طالبه في الجامعه وكانت دي فرصتنا بعد بعنا الكليتين طوالي دقينا جوازاتنا وسحبنا اسماءنا بمعارف قدام من سجلات الدوله كانو ما كنا هنا.... وغيرنا اسامينا وجنسياتنا ونشرنا اشاعه انو في افعى من افاعي جامعه الخرطوم قتلت شابه ويلي اسمها تماضر وطبعا بحكم انو انا مته بافعى انتشر خبر انو يكون بت السفير ديك برضو ماتت بالافعى وما انتظرنا النتيجه وطوالي سافرنا المكسيك بقعه الجريمه الكبرى في العالم وبعدفتره سمعنا انو قضيه البت اتقفلت وانا طبعا متوفيه اصلا فشنو امورنا ظبطت هناك عشنا احلى عيشه بس زي ما بقولو البضوق الحرام ما بشبع منو 💔وفعلا جربنا كل شي هناك السرقه النهب الخطف وغيرو واهم شي ترويض المخدرات .... مرت فتره لينا هناك لحدي ما اكتشفت بالصدفه انو امجد ببقا لي ولد عمتي بت خاله ابوي يعني باللفه كدا وهنا كنته في قمه السعاده انو دا سبب لانو يعرسني وفعلا ابوي فتح معاهو الموضوع ووافق طبعا عزام اوريدي مفصول من الجامعه بسبب التكتل السياسي الخطير اما امجد بسبب الاخطاء الطبيه وكمان الرسوب الكتير .... مرت السنين وفي يوم قررنا انو نوسع شغلنا وانو نجازف وننزل السودان وفعلا نزلنا انا وعزمي ونفذنا خطط صغيرة مثلا ننصب على مدير شركه او نخطف بت وحده وكدا يعني على الخفيف وطبعا في الفتره ديك كان شغلنا بحتاج المنظر الخارجي شديد فاهتميت بنفسي عسى ولعل امجد يعبرني بس كان الواقع العبرني عزمي بس صديتو كتير 😂المهم بقينا كل مرة بنجي بالتناوب وبقينا نستهدف بنات الجامعات خاصه الكانو نفس استايل بت السفير كنته بكره اي بت زيها متعجرفه وشايفه نفسها وما بحس بنفسي وانا بسلب الروح من زول بس كنته كل مرة بشوف صورة البت الزمان فيها وبقتلها بكل وحشيه لحدي مايدي سلكت على الموضوع ..... احم احم ماعنو قصتك طويله بس كل الالم الاتعرضتي ليهو وحتى لو مظلومه ما بحق ليك تقتلي النفس التي حرم الله الا بالحق .... عارفه 😭😭😭😭حسبي الله ونعم الوكيل انا ما انسانه انا بستاهل اكتر من الموت ..... طيب ممكن تجاوبي على اخر اسئله ..... عزام وامجد مشتركين في الجرايم ؟؟... ايوا .... كم نفر معاكم تاني ... ١٥٠٥٠في المكسيك مع ابوي والباقي ياهو القبضتو عليهو بس في ٢٠ماتو واحد كتلو امجد في السجن لمن كان عاوز يعترف علينا وال١٩ماتو في عمليات متفرقه ..... طيب انا حامشي بعد كدا وحاخلي زول تاني يجي يكمل التحقيق عاوزك تمليهو اي احداث نسيتيها واماكن رمي الجثث والجرايم وكلو ...... حاضر ....... شويه وطلع برا وهو بمسح وشو لحدي ما ناداهو العسكري انو في تلفون ليهو .... الو ايوا يا مروان ايوا حققته معاها انتو وين خلاص جيب امجد معاك ونحنا عزمي قبضناهو وحسي في السجن ...... فلاش بااااك شاف ضل زول من الممر شويه وجات الداده سكتت لحدي ما اتحولت ملامحه المحنيه لصارمها عدلت من ضهرها المعوج اتخذت وضعيه الهجوم ورب رفعت البندقيه في وشو امجد.. في شنو في شنو قبل ما يستوعب كان كل طاقم العمل البواب الخدم السفرجي وكلهم محاوطنو لحدي ما جات هي بكامل اناقتها ابتسمت وهي بتشوفو مزعور .... معاك العقيد شرطه نوره الحسين ... شنو شنو مقدم لحدي ما ظهر عمار من وراها وهو بقول ... معاك نائب قائد المخابرات ورئيس شرطه الجنايات والاستخبارات مروان عبد الصمد امجد.. نوره ولا نور في شنو مروان.... اعتقلوهو وارمو الكلب دا في العربيه وامشو بيهو القسم لحدي ما الحقكم بالبوس نوره... جبتو كيف مروان.. معارف في الانتربول 💔نورة.... ههههه قويه منك طيب الحقنا سرعه عشان عاوزه اشوف رده فعل عزمي وهو بشوفني 😂... حاضر فعلا بعد ساعه كان البوس وصل وتم اعتقال كل رجالو من غير فرز والتحقيق معهمكان امجدوعزمي والبوس قاعدين في السجن لحدي ما سمعو خطوات بت واثقه من نفسها طويله جميله جمال ما طبيعي زاد جمالها بابتسامتها شويه ورفعو راسهم هنا عزمي راسو شطب اتزكر قبل كم سنه .... نورة الحسين طالبه اشعه جامعه الرباط الوطني كانت من الضحايا النجو من يد عزام او عزمي اتخلع لمن رجع لورا خصوصا انو في ميه سؤال في راسو ... نورة امجد.. بتعرفها ..... ايوا نورة يا عزام ولا تحب اقول ليك عزمياتلفت على امجد وهو بضحك عزمي.... دي البت الكنته حترتبط بيها شويه وبقا يضحك بهستريا 😂😂😂😂الله الله ذكيه يا بت اللذينه انعل ابو اليوم الخليتك فيهو عايشه .. ماهنته عليك .. النصيحه كنتي اسمح بت ... هههه شفته اترجيتك كيف انا وحاولته امنعك وعمري وحياتي ما حانسى الاذى الجسدي والنفسي السببتو لي بعد ما عملته فيني كدا سافرته بورتسودان وبقيت بتعالج نفسيا وامي وابوي حاولو يرجعوني للقرايه بس كنته بشعر بخوف اول ما اتذكر الجامعه مرت شهور وانا مكتأبه لحدي ما في يوم قررته انزل جامعه بس كانت المفاجأه اني غيرته مجالي نهائيا ودا كلو عشان ادافع عن حقي وعن حقوق بنات زيي اتظلمو وماتو وهم في عز شبابهم واني اقبض الزيك كدا وفعلا كملته تعليمي وجاتني الفرصه لحدي رجليني لمن رسلو لي من الخرطوم انو اجي اشهد واساعدهم في حل القضيه ونشرو خبر وفاتي يا بلده عشان انتو ما توصلو لي تفوو عليكم يا عديمين الضمير والمشاعر حسبي الله ونعم الوكيل فيكم لحظه صمت شويه ومرقت خلت اي واحد فيهم ما قادر يعبر من الخلعه ومن المصير ومن شبابهم الحينتهي بالمشنقه وبتأنيب الضمير الهم حاسين بيهو هل الدنيا ارحم ولا ارحم يموتو هم نفسهم ما كانو عارفين الخوف من لقاء الرب كان اكتر شي مسيطر عليهم وقضو يومهم من غير كلام 💔💔اكتمل التحقيق وفتحت قضيه كامله في حق العصابه دي اتكلمت عنها الصحف والسوشيال ميديا..... اما يوم المحاكمه دا كان يوم غير حضرو فيهو جميع اهالي البنات المقتولات وحكم بالاعدام لكل من امجد عزمي والبوس وعقوبات تتراوح بين الاعدام والسجن المؤبد لبقيه الطاقم اما توابش فحولت لمستشفى الامراض العقليه وقيل انو انتحرت بالليل ولقوها الصباح ميته... مرا ٦شهور على الحادثه دي وماف حدث كبير غيرها هزا مكتب المخابرات 💔كان متكئ بكل اريحيه وهو بدخن لحدي ما دخل عليهو مهاب ... يا معلم الليله نتيجه اختك ما تقوم تشوف حصل شنو ... الله والله زكرتني 😹صحي ما وريتك ضربو لي قبل شويه وقالو انها جابت ٨٩... مبروك ياخ ليها .. الله يبارك فيك .... نقول ليك مبروك يا حسام ولا يا عمار ولا يا مروان 😂😂... بطل ثقاله ... هههه لكن اسم عمار جاي معاك .... بالله. خليك من دا نوره اخبارها شنو ... ووالله بطلب منها نقلناها بورتسودان وتقريبا قالو اتزوجت وطلعت مع زوجها برا ... اها ربنا يسعدها ✨....اها وانت خبر زولتك شنو ... والله ياهو دا زاتو موضوعي الكنته عاوز افاتحك فيهو ... انا 🙄... بصراحه ياحسام انا عاوز اختك بسمه على سنه الله ورسوله ... الله الله 😂دا كلام شنو .... يعني 😰... يا زول ما تكشر اديتك انا بس نشوف رايها شنو ونشاور الاهل وبعداك الله كريم .... جا واقع فيهو وحضنو ياخ انا بحبك ياخ ... يا زول خلاص حسي بغيير رايي ... لالا تغير شنو 😰انت ما مضمون يا زول اديهم خبر الليله وردو لي وانا جاهز الحمد لله ... هههه خير ان شاء الله لكن ما اتعرفنا 😹.. كيف يا زول بقيت زول جادي ومسؤول ... دوم ياخ ... الا صحيح عاوز اسألك .... اها .. جاتك خطه تستخدم بت توقع بيها العصابه من وين ... ههههه والله منك انت شفت اولاد الزمن دا بتخرفنو شديد في الشكليات قلته نجرب فجبتها واتعمدت انها تلاقي امجد وحفظنا اماكن وجودو وفعلا الخطه كانت ماشه تنجح وكلو كان مخطط ومدبر.. طيب ما خفته تنكشف ويكتلوها .. صراحه كتير بس كنته ماخد احتياط وناشر رجالي حولينا في المطعم واي حته . حتى يوم عربيتها نفست دي تبع الخطه عشان نوهم امجد ويصدق انها بت هايات ويعشم زياده وحتى يوم وصلها امجد قلبي كان في يدي ورسلته رجالي وراها واتعمدته ازرع رجالي في شكل شرطه مرور توقفها وتصادر العربيه واي شي حصل كان تبع الخطه لحدي ما جاتها تعليمات تلهيهو عشان ترسل لينا الرسايل 💔😂وفعلا رسلتو لبندول ووصلتنا الرسايل ... خليك من دا انا حاجز العربيه السمحه ديك نتزفا بيها انا ونسمه 😹😹.....يازول غووور ما لقا الا والكرسي طاير في الهوا وهو جاري برا المكتب بعد ٣سنين وصل العرسان الى الصاله كانو لايقين على بعض شديد اشتغلت الغنيه ودخلو دخله حلوه كان واقف بعيدوهو بشوف اختو الوحيده عروس وكمان من صحبو واخوهو وعشرة عمرو وبكدا بقا مطمن عليها ابتسم شويه مشا على العرسان وبقا يشاغلهم بس مشاغلتو ما كانت ولا شي من مشاغله امجد لبسمه كل شويه يخجلها قرر ينسحب شويه يخليهم براحتهم ""كرفسو مشاعرو 😂العفنين""امجد... اها الحفله كيف عايني ابوك برقص كيف مع امك بسمه.. هههه وعاين امك بترقص مع امي 😂😂... خليك من دا ومسك يدها وبقا يتأمل في الحنه ... مالك ... عايني عايني ايوا هندا لقيتو ... شنو 🙈... دا راعي الغنم وديل نعاجو وكانت رايحه ليهو نعجه وهندا لقيتها ... ثقيل وبايخ دا بدل تقول لي حنتك حلوه .. هههه والله ماف زول حلو هنا غيركالموههم ما علينا 😹💔ماف داعي لكرفسه المشاعر انتهت الحفله بسلام وطبعا العرسان لبيتهم وحاجه مهره وعبد الصمدبقو عايشين مع حسام في الخرطوم وباعو بيتهم الهناك واستقرو هنا وعبدالصمد بقا ما زي اول يمكن حسا انو الجفا مع اولادو ممكن يخلد ذكرى سيئه بعد يموت ويمكن هداهو الكبر الله اعمل وهو البصلح الناس وهو الاعلم بما في القلوب ❤الصباح الساعه ٨ونص كان قاعد في كت كات لحدي ما شاف مسكول منها ... ازيك يا فراشتي .. خلصتي محاضرات خلاص جايك ما عدت ثواني والا وهو قاطع الزلطين ومتوجه نحو كليه الصيدله جامعه الرباط كان بكامل اناقتو 😂💔وهناك قابل فراشتو 💔وللقصه بقيه ولكل قصه في الدنيا دي بقيه لكن ما ضروري اي حاجه الزول يعرفها الناس تشوف المفيد بالنسبه لفراشه حسام او مروان او عمار حسب ما تحبو دي حاجه شخصيه وماف داعي للكلام البجيب الهوا... 🙈💔العبره من القصه بسيطه جدا ما تخلي الحقد يوصلك لشخص تاني وما تخش في الحرام لانو ما بسهوله بتمرق منو 💔ولو كنته ولد ولا بت اتجنب صحبه السوء لانو هم البودوك فوق او تحت 😹💔ان شاء الله تكون عجبتكم الروايه انتظروني في روايه اخرى اموله ✨✨صلو على الحبيب المصطفى....https://www.facebook.com/Amel-Tarig-107081690923228/حسابي على فيس بوكما تنسو تصويت وتعليقاتكم
