بدايه يوم جديد كانت فيهو بسمه في قمه نشاطها عشان تمشي المدرسه وتقابل حبيب الروح 😹مشت على غير العاده مظبطه واي حاجه داسها للعيد لبستها ما خلت طوكه ما خلت ساعه ما خلت خاتم خاب املها لمن درس حصتو وما اعارها انتباه حتى وطلع طوالي 💔اتغاظت شديد اتولدت حاجه جواها كدا هي نفسها ما عارفاها شنو شفتو احساس تحب الزول وتكرهو تناقض كدا ... بس دا الاحساس الكان حاسه بيهو انو بالرغم من حبها ليهو الا انو بتكره تجاهلو وبرودو 😃عدا يومها عادي ورجعت البيت اتفاجأت بنسوان في الديوان واخر ونسه اول ما دخلت .... اهلين عروستنا السمحه ... تعالي يا عروس اقعدي حداي مهره... دقيقه خلوها تغير وتجيكم وحده من النسوان لوت خشمها ... اي ما قلنا شي خليها تغير وتجي فعلا بسمه غيرت وكانت زهجانه شديد خصوصا انو هي ما قادرة تتخيل نفسها عروس في وقت زي دا لكن قررت تتماشى مع الموقف لحدي ما يفرجها الكريم... ........... في شقه في الخرطوم اتنين كان واقف بكل اناقتو ريحه عطرو فايحه شويه وسمع صوت الباب بتفتح مااعارو انتباه ... جيتي ... هههه اي كيف ما اجي الليله عيد ميلاد حبيب قلبي ... امممم ... يلا يا بيبي ماشاء الله متشيك بس فضل لمسه اخيرة وتبقا ١٠٠٪وجيت مخصوص عشانك عشان اسوقك بعربيتي محضره ليك سبرايز .... أحسن نركز في مهماتنا وووقطع كلامو لمن قربت منو خطوتين صلحت ليهو الكرفته ادتو نظرة مليانه حب 🙈🤤.... يا بيبي مالو عارفه الشغل مهم لكن بس الليله يوم مميز لي ما تخربو وبوعدك تاني ما عاوزه شي ... اممم طيب ارح ما صدقت قال ليها ارح الا وهي ماسكه يدو لحدي ما ركبو العربيه قررت تديهو مفتاح العربيه يسوق هو*طبيعه الراجل 😹بغير من المرأه لمن تأخد محلو 😹😹*شال المفتاح وصفت ليهو المحل سكتو شويه لحدي ما ... بالمناسبه يا بيبي انت ليه ما اتخلعته لمن فتحته باب الشقه .... لاني اصلا عندي خبر انك نسختي المفتاح 😒... واو عرفته كيف .... عرفته وخلاص لكن ما القاك قدامي تاني ... والله افكر على حسب احتمال الشوق يغلب 🤤لكن فورقيت في اليوم دا اي شي يعكر دمنا يا بيبي وخلي حبيبتك توابش توريك اللعب العلى اوصولو 🤤❤... نشوف 😹😹مرت نص ساعه وصلو حديقه كدا كلها مزينه كان تصميمها حلو بمعنى الكلمه حتى الارض مليانه ورود وانوار وغيرو من الكلام العمركم ماف زول حيسويهو ليكم 💔😹دخل بكل برود وقف جنب التربيزه المزينه بطريقه خرافيه 💞كان فيها تورته واصناف كتيره من الحلويات 💖💖اشرت ليهو عشان يجي جنبها وبدت تغني هابي بيرز زي تو يو امجد..... والاغنيه المعاطه دي 💕💕بعدها طفا الشمعه مسكت يدو بكل حنان ... انا توابش يا أمجد ما زول تاني انا أكتر زول بفهمك من غير ما تتكلم عارفه انو انت ما بتحبني ولا يمكن تحبني لكن انت زول عملي 🙂اتغيرت نظره الضعف العندها بنظرة كلها خبث مع ابتسامه جانبيه ضغطت على يدو زياده بعدها قالت.... انا وانت عارفين نحن منو ونحنا شنو فيا ريت الزول يقبل بقدرو لانو غيري ماف بت حتقبل بيك 😌يعني لو كنته شينه ما بلومك لكن بت بجمالي دا تتساب عادي كدا 😴انت بس قول عاوز اعمل ليك شنو وبعمل ليك عاوز اغير شنو فيني بغيرو بس بالله ما تتجاهلني لانو انا بوقف السودان دا كلو على رجل وحده 😴ما تتبارد لانو عارفني وعارف اني ما بستسلم لكن البحب ما بيأذي لكن في عالمنا البحب بقتل 😴فكت يدو بكل انسيابيه ابتسم بكل برود اتقدم شويه ..... يعني دا عيد ميلاد بطعم التهديد ... مين قال يا بيبي اتفضل ناكل الكيك .... طيب اها قعدنا بقو بياكلو واي زول بيعاين للتاني نظرة وعيد ..... توابش يا حبي لمعت عيونها بعدها انتبهت معاهو بكل حواسها .... اول حاجه عاوز اقولها ليك وحافضل اقوله ليك قصه التزم لي ببت واحده دي تنسيها وانت قلتي عارفاني ومن شب على شئ شاب عليه يعني ماف فرقه فبالله اطلعي منها وتاني حاجه تاني ما تفكري تخشي مملكتي الخاصه ولا حتى تمري جنبها 🙂ولو سمحتي ايدك على المفتاح وبالله تاني ما تنسخيهو والا حاشربكك مع البوس اقول ليهو في ناس ما مركزه في الهدف الاساسي قام على حيلو شويه كدا اداها ابتسامه بعد ما شال نسخه المفتاح ومشا بكل كبرياء نحو الشارع وقفتو وهي بتقول ليهو ....اتزكر انو في حاجه اسمها من الحب ما قتل وكل سنه وانت طيب اتلفت وهو بيبتسم بخبث 😌🤤.... وأنت طيبه والسودان كلو طيب ايه الوطنيه دي 😹بعدها راقبتو لحدي ما اختفا من نظرها اتأفأفت بعدها شالت مفتاح عربيتها واتحركت عليها ومنها لشقتها ........ نرجع لقريتنا بسمه انتهت ومرقت ضيفت النسوان وما كان في اي نوع كلام بينهم وكان الجو مشحون 💔... تعالي يا عروس جنبي .... انت مليانه كدا بشنو ... بري بتي نفيسه قدرك كدا لكن لحمه واحده عندها ماف صوت طويل كدا وبس مهرة.. تبارك الرحمن .... يا دي ما بنسحر بس كنا عاوزين نقول خشم خشمين مع مره اخونا مهره... برضو يا رضيه الصلاه على النبي واجبه الكل... عليه الصلاه والسلام .... انت يا بسمه لونك دا كريمات ولا اللون دا شايلاهو من منو ماف زول عندكم حلبي مهره.. من امي الله يرحمها ... ااا ماشاء الله قشطه عديل .... كدي ورينا شعرك بسمه اضايقت شديد منهم مهره.. شنو يا ساجده ... مالك اجي جينا نشوف مرا اخونا احتمال صلعه الولد يتمقلب وانت عارفه يا هنايه عاداتنا واخوي محافظ ماشاء الله نسوانو التلاته جتتتت ما شافهم الا يوم العرس 😀بسمه دي لمن اضانها صنت مهره.. لا ما قلته شي لكن انتو ماهدا شايفنها وبتكم مالكم فجأه نكرتو شعرها ولونها ... ماقلنا شي بس نشوفو بسمه زهجت منهم وفكتو ليهم شويه كدا النسوان بدو يزيدو في طلباتهم ويتمادو في الكلام والطعين لحدي ما مرقو هنا حاجه مهره قررت انو ما حتخلي عبد الصمد يعمل الفي بالو لو جا الجيش 😔بسمه زهجت شديد ودخلت اوضتها وكان اصلا متفقه مع امونه انها حتمشي ليها لفحت عبايتها وجري على بيت ناس امونه امونه بت طيبه وحيده امها وابوها وامها وابوها ناس طيبين وبريدو بسمه زي بتهم ودايما بجوهم بعد دخلت وضيفتها قعدو يراجعو دروسهم.... امونه حست ببسمه مهمومه والعبره خانقاها ما لحثت سألتها الا ودموعها بقو عشرة عشرة امونه... مالك بسم الله احكي احكي بسمه.. والله يا امونه قلبي واجعني عديل تفتح من حته تقفل من حته تانيه 😭😭القصه انو..... ..... كان قاعد في مكتبو جاتو كميه من ملفات السرقه والاختلاس وغيرو لكن ما كان شاغل تفكيرو الا ملف قضيه البنات دق الباب .... يا مجننا مالك يا زول سرحان وشايل الهم الله كريم يا ميرو 😹.. والله مهموم يا مهاب بقصه البنات عامل شنو ... والله مراقبين ليك امجد دا تمام لو دخل الحمام نحنا وراهو 😹😹😹😹... انت يا زول ما بتخلي جنك دا 😹.... يا زول فكك الله كريم ونحنا حنعمل العلينا والمرة دي ما حنسمح ليهم يتمادو .... اي انا عرفته نقطه ضعفهم هو الحب النامي بينو وبين البت الاسمها توابش دي لانو البت دي زي ما هي مساعدتو وزي ما هي يدو اليمين ممكن نستغل حبها وجنونها دا ضدو 😴💖.... اي فكره والله وما تقلق كل شي ماشي في السليم للان اول ما نحس بحاجه غريبه حنصدهم.... تمام ... ايوا فكك ما تقوم الشعيرات الفضلو ليك في راسك ديل يشيبو كمان 😹😹رجع كرسيهو لورا بعد ما خلل شعرو الخيلي بكل انسيابيه .... عشان ما لاقيهو يا حاقد 😹😹مهاب فكا الضحكه ... يا زول جاي تغيظني.. اصلا انا عشان قلته اغير المود حلقته صلعه اصبر خليهو يقوم مع الدقن حاكون القيامه الرابطه 😹😹😹💞... نشوف انتهى يومهم المهني من دون جديد يذكر .............. بسمه... والله يا امونه تعبانه اول شي موضوع ماهر وموضوع عريس ابوي دا ... امونه.. غايتو ماهر دا بنصحك تنسيهو يا بت لكن ابوك دا الله يهديهو يعرس ليك ناس جاد الله الجنهم اكل وشكل ونقنقه لا كمان ولدهم دا بالذات معرس تلاته غايتو نصيحتي تجري لحسام يحلها ليك وباقي اليوم دا توريهو ... حاولته رقمو مغلق .. اها . والله ما شفتيهم اخواتو وامو شكلهن عقارب وحسسوني انهم جايين يشترو غنمايه ورينا شعرك وافتحي خشمك نشوف سنونك ويشيلن ويعصرن فيني زيتي طلع ما صدقته بقيت كويسه حبه وانو ممكن اعيش زيي زي خلق الله الا وجا ابوي سودها في وشي 😔... الله كريم الله كريم ما تيأسي من حكمه ربنا وانا حادعي ليك ربنا يصرفو منك ... امين امين يلا ماشه انا بعد دا ابوي بعمل لي قصص ... تمام مع السلامه ومشت طوالي حاولت تتصل على حسام بس تلفونو كان لسه مغلق مشت صلت ونامت طوالي ....... المسا في ديوان الرجال عبد الصمد... اها الجماعه جوكم مهره... اي 😒عبدالصمد... وقتلو شنو عجبتهم البت مهره... يا سلام لاقينها وين ثم ثانيا يا عبد الصمد انا ما موافقه وبتي ما موافقه عبد الصمد... ما عندي كلام معاك لا مع بتك انا اديت كلمتي ... لحدي هنا وكفايه يا انا يا انت وانا عمري رغم العذاب ما قلته ليك حاجه لكن يا عبد الصمد لو عندته بشيل بتي وبنطفش بنخلي ليك البلد كلها ... يا مرا الدنيا ليل ما تخليني الفها معاك اخر الليل اجيب ليك عاهات مستديمه ماف مرا بتتقاوى على راجل .... ياخ الله يهديك حسي بتك دي حمل عرس ولا زواج ولا اصلا الراجل بستاهلها ياخ دا في واطه الله دي يا الله بمشي ما تضيع شباب بتك وقرايتها لو خايف على الرزق الرزق على الله .... انا عارف بعمل في شنو وبالله اطلعي وسدي باب الديوان معاك واقنعي نفسك وبتك قبل ما اقنعكم انا بمعرفتي 😒أتأفأفت بعدها مرقت خلتو يشخر مشت ادت بتها نظره عقدت عيونها بكل اصرار وضربت لحسام ضرب كم مرة ما رد بعد نص ساعه من المحاوله حتى رد عليها .... الو ... اهلين يا ولدي مالك ما بترد والله قافل شحن خير شايفك انت وبسمه داقين كتير ... والله يا ولدي ابوك جننا وعاوز يعرس للبت دي والمرة دي جادي وجاب العريس واداهو كلمتو وبكره جايين يخطبوها ... دا كلام شنو لالا ما بخليهو بكرة انا جايكم الضهر بكون عندكم مهره.. اي يا ولدي الله يرضى عليك انتهت مكالمتهم بعدها رقدت نامت براحه ............. كان واقف على بعد ٤امتار من فريستو القادمه فهل سيفوت الاوان ام كتب لها عمر جديد الى ذلك الحين
يتبع.....
