امجد... اي والله المشكله رجالنا بقو ١٩توابش.. بس وريني انت كيف عرفته انو الشرطه مراقبه الحته امجد... والله ما كنته عارف لكن فجأه وانا سايق حسيت بعربيه كدا كانت وراي عشان أتأكد انو هي وراي لفيت الدكان اشتريت سجاير وفعلا شكوكي طلعت صاح طوالي سيدها وقف وبقا يكشف من بعيد قلته ما استعجل وامشي لقدام شويه وفعلا مشيت لاقيت هدى ولمن طلعته سجارتي لاحظته لانعكاس زول بوراي في الولاعه وعشان ما اتهور عملته فيها شغال بالتلفون وما كان عندي نيه الغي العمليه بس لمن مشيت بعيد عنهم وشلته التلفون لاحظته انو في كم واحد في اتجاهات مختلفه طوالي ضربته ليك وجيت مشيت البت سرعه ومرقنا منها زي الشعره من العجين توابش... 😹😹😹طول عمرك جينيس ❤❤قربت منو ومسكت لياقه قميصو عيونها كانت كلها خباثه 😹اها وطيب يا حبي ممكن توري حبيبتك توته مشيت وين لمن نحنا مرقنا امجد... هههههه 😹طيب زحي القميص أبيض بتوسخ توابش.. عشاني أمجد... والله صراحه مشيت ورا الراجل الرسلناهو وكنته متأكد انو حيفتشو شققنا عشان كدا تبعتو لحدي ما لقيتهم اعتقلوهم طوالي اكدته عليكم انكم مراقبين ولازم نتوهوهم 😹 ولمن اتأكدته انكم عرفتو المحل الحنتلاقى فيهو كسرته الشريحه وجدعتها ورميت التلفون وطلعته تلفون جديد وبعدها مشيت السجن والباقي عارفاهو 😴توابش... غايتو يا أمجد انا طول عمري بقول عزام ذكي لكن الليله اثبته لي انك ما هين أمجد... ماعنو في إهانه تحت تحت لكن شكرا على الاطراء لكن في حاجه محيراني شديد 😑توابش... شنو يمكن اساعدك أمجد... لالا انسي خليك من دا طالعه حلوه الليله توابش... شامه ريحه سواقه لكن ما مشكله شكرا على الاطراء 😹❤أمجد... طيب ارح نخش جوه تشوفي المحل فعلا دخلو كان عباره عن مبنى مهجور وسقفو واقع من المطرة فيهو غرفتين وصاله كبيرة بس كانت الحاله مزريه جدا عدت ليلتهم ديك بالعافيه ما بين تذمر توابش من المحل وحيره أمجد من ظهور نور وقلق عزام عليهم وغضب البوس منهم ..... في جهه تانيه كان مهاب رجع بعد يوم شاق اخد دوش ورقد في السرير وعاد لنفس موالو وبقا يفكر مرة في الجريمه ومرا انو جعان ومرا في زولتو 😭😂😭😂وحبه بندولتو في الاخير نام 😴....... في جانب تاني مروان كان قاعد في شقتو وبيأكل فجأه خته الملعقه من يدو وسرح... ابتسم ابتسامه ذات معنى وطوالي خلا الاكل ومشا لبس وطلع طوالي 🏃🏼🏃🏼....... كان في هدوء من قبل العصابه دا الشي الكان مخوف مركز المخابرات مر يوم يومين اسبوع اسبوعين لحدي ما مر شهر ونص وماف خبر كان كل يوم في خوف من قبل الطرفين من الحيحصل ومن المستقبل في الفتره دي كان البوس كبرت اهدافو وزادت قوتو لكن تفتكرو هل حتكون الحرب الجايه داميه هل حنضطر نضحي بشي عشان شي تاني 😭😭هل حتكون حرب عادله في القوه والعتاد ولا في جهه حتستخدم العقل أكتر نشوف.... ........ بعد مرور شهر ونص بالتقريب مطعم اوزون الساعه 1:15ظهرا كانت قاعده كالعاده أتأنقت باسكيرت بيجي مع بلوزه مورده بالبيج والكحلي 💖الشبط اداها انوثه فائقه... كانت بتلولو في خصلات من شعرها الصبغت جزء منو بالكحلي الفاتح وبعض خصلاتو بالرمادي مع لمسات من خصلات الشعر الاسود كان النيو لوك جاي مع تفاصيل وشها خصوصا مع الزمام الكان قاطع حته منها 😂😂شويه والكوفي الطلبتها وصلت بقت تشرب شويه وتتصفح النت شويه لحدي ما سرحت جا خاشي بكل اناقه ببنطلونو الكحلي مع قميصو الابيض 😴الميج الابيض مع شعرو البني ولا ترتيب الدقن بقا قيامه رااااابطه😭💃🏼💃🏼كان متأكد انو حيشوفها ما عارف ليه جا داخل بكل ثقه جدع مفتاح العربيه في التربيزه اتخلعت لانها كانت منتبهه مع تلفونها رفعت عينها واذا بها ترى هذا الجمال فتزلزلت باكاتها وانبرشت الاخت الكريمه بلعت ريقها بعدها قالت ... انت اهلين اتفضل ... ما عاوز عزومه انا يا ترى نسيتي اسمي ولا متزكراهو ... هههه وبهمك في شنو .. اكيد بهمني .... انسى 😴... عارفك عاوزه توصلي لشنو لكن احب اقول ليك انا وهدى انفصلنا .... وانا اعمل شنو 😌يا بيبي انت مالك مركز شديد كدا منو زاتو السألك من حياتك الشخصيه .... 😹😹يا زوله طيب يا نور انا ما حاكضب عليك انا والله اي زول جكس وبنات وزوقي عالي وبلعب بالبنات ودي اول مرة اعترف لعلمك يعني لكن صحبتك هدى انا فهمتها انو نحنا ما لايقين لبعض فشنو ما تتردي وخلينا ... دقيقه دقيقه انت حاسي بشنو انت قايلني عاوزه ارتبط بيك وبعدين انا ما بهمني لو خليتها وارتبطو حريقه فيك سكت شويه بعد ما ابتسم وهو بعاين ليها وعلامات الغيرة ظاهره في وشها وتعابير جسمها 😴مسك يدها مسافه بعدها قال... اشتقته ليك يا نور ويعلم الله انو انا ما بكذب وانا بالجد محيت هدى من حياتي وكمان هي ما زعلت وحسي الحمد لله متزوجه انت مالك مكبراها زحت يدها وهاجت .. اول شي انت مالك ومالي اكبرها ولا غيرو وياريت تاني ما اشوفك هنا ومساحتي الخاصه ما تتعدى عليها ومش اوزون دا خليتو ليك اشبع بيهو شالت شنطته وتلفونها وكانت ماشه بس مسك يدها بحقاره ... تعالي 😌انا بتكلم معاك وبعدين لو ما حابه نتكلم عن الموضوع بنقفلو 💔🙂بس ما تمشي لينا زمن ما اتلاقينا خلينا نقعد شويه .. يا الاخو شكلك عشته الدور نحنا يادوب لينا كم لمن عاوز تتونس وتبرر لي ... طيب ممكن تصلي على النبي وتقعدي .... اللهم طولك يا روح عليه الصلاه والسلام 😴اها قعدته امجد.... هههه ايوا كدا افردي وشك بالمناسبه طالعه حلوه واللوك الجديد خايل فيك نور... احم اها خلص 😊أمجد... طيب يا نور احكي لي عنك نور.. ماف شي بس انو انا وحيده عند امي وابوي كنته بقرا في الجامعه بس بسبب واحد حيوان غشاني خليت الجامعه وسافرته وبعدها رجعته عشان هدف معين أمجد... قصدك شوكشك نور... ما حابه اتكلم عن الموضوع لانو ذكرى سيئه بس المهم بسببو بقيت بكره العلاقات والاولاد وبقيت جافه امجد... اها شكلو دخل عليك بالساحق والماحق غريبه لكن تتغشي وانت ذكيه كدا ... ممكن اكون ذكيه لكن الحب عماني .... هههههه طيب انسي ما مككن تدي نفسك فرصه جديده وتشوفي حياتك انت برضو صغيرة .... ههههه اي لكن حسي ما مفكرة يمكن لقدام .... اها طيب ممكن رقمك نتواصل ... مش اديتك ... اي بس تلفوني اتسرق وكدا .. اها طيب اكتب عندك ٠٩٨٧..... .... اوك تمام شكرا .... يلا يا امجد بعد كدا انا ماشه عشان وراي جيم وان شاء الله نتلاقى .... ان شاء الله بتجي هنا متين تاني .... ليه عازمني 😇... هههه ممكن تقولي كدا .... بجي كل تلات وخميس .... تمام نتلاقى طيب بعد بكرة ان شاء الله ومنها نتم ما انقطع من الحديث .... هههه اي لانو عيونك بتقول انو وراك كتير ورا لبسك الحلو دا حاجات مخفيه وكلو لوقتو حلو يلا سلام ... سلام وطوالي طلعت بقا يراقب فيها لحدي ما طلعت 😍بعدها شاف اتصال من توابش ..... الو ... حبيبي انت وين ... اممم عاوزه شنو ... كنته عاوزه اقول ليك رجالنا الرسلهم البوس وصلو وبقينا ٤٠والاسلحه وصلت ... تمام جاي انا .......... في قريتنا انتهت الامتحانات التجريبيه وبدت مرحله المزاكرة والزرة بسمه كانت مهتمه بقرايتها شديد بس بسبب الامتحانات ما كانت جات المقابله ضربو لحسام ونسقو معاهو يجو يتابعو فعلا جهز ليهم الشقه وكلم صحبو يمشي يجيبهم ............... مرت الايام من غير اي جديد كان الخريف جا والدنيا مطر كلها العربات يا الله تمشي أمجدجاهد كل المسافات عشان يمشي ويقابلها بس لمن وصل خاب املو لمن ما لقاها ضرب على جوالها بس ما ردت اتأفأف ورجع محل ما جا حيث كانت توابش منتظراهو بأخر ضربه ومنها ويسافرو ........ اتعدل مزاج كل من مهاب ومروان ولكل منهم اسبابو وحنعرفها لقدام.... بس كان. ماخدين حزرهم وانو في خطه بتتحاك جديده وعلى كدا ما نامو... ..... بالليل كانت المطره شديده كان بعاين بالشباك وبتزكر في كلامها خاصه جمله ورا هدومك النضيفه دي في حاجات مخفيه سرحتو فكت بيد في كتفو اتلفت وباغتها ومسك يدها .... حبيبي بتفكر في منو ... فيك اكيد ... معقوله انا معاك وبتفكر فيني ... هههه عندك مانع.... لا جيت اديك تلفونك من قبيل بضرب مكتوب N... جيبيهو ... قطع مالك مخلوع كدا ... لا ماف شي بس جيبي التلفون ... هاك شال التلفون وما اهتم للمطره وطوالي طلع برا بقا يحاول يرجع بس ماف تغطيه 💔💔كانت توابش بتعاين ليهو وطوالي دخل الشك في قلبها قلب المرا بحس للخيانه نقيف هنا استعدو واحزمو امتعتكم لرحله جديده ولكن احزرو فهذه الرحله ليس لها خيارات ...إنما خياران لا مفر منهما إما الفوز والعيش أو الخسارة والموت
يتبع......
