بسمه مشت دقت الباب بتاع مكتب استاذ ماهر كان قاعد في الكرسي وراجع بالكرسي لورا وخاتي رجلينو في التربيزه كان شكلو حلو وهو بخلل شعرو بيدو بطريقه فوضويه وشايل تلفونو وبتصفح في الانترنت شويه وسمع طرق في الباب عدل قعدتو ورجع ماهر الصارم مرة اخرى بسمه... السلام عليكم ماهر.. وعليكم السلام بسمه.. اتفضل دا الواجب وانا انا انا اسفه وانا والله كنته عاوزه ارد ليك بببببباسمي لكن لساني خزلني ودايما بخزلني اااااا نا اسفه ماهر عقد حاجبيهو وراسو كلو اسئله.. هل بالجد هو ظلمها والبت دي طبيعتها كدا ماهر... تمام مقبول اعتذارك وابتسم ليها هنا بسمه اطلقت العنان لابتسامتها الكانت كافيه تظهر جمالها الساحر بعدها مشت شويه كدا وبعدها رجعت.. بسمه.... استاذ معليش بس عاوزه اقول ليك تاخد بالك لانو هنا ما زي الخرطوم وبنات هنا عقليتهم ما زي بنات الخرطوم ماهر... 🙄اصلا عارف المعلومه دي... بعد كدا الحصه حتفوتك امشي على فصلك احترقت من جوه شديد خاصه انو هي جايه توريهو وهو ما عبرها اتأفأفت ولامت نفسها انها حزرتو اصلا وبعدها طوالي اتجهت نحو فصلها ....... في بريك الفطور استاذ ماهر نادى صحبتها امنه للمكتب وهناك امنه حكت ليهو حاله بسمه كلها.. اتخلع في البدايه ولام نفسو لكن بعدها قرر انو تاني يديها شويه معامله خاصه لانها ما زي الباقين ""غلط دي غلطه مجتمعنا السوداني العيان لازم تحسسو انو عيان ودا غلط مفروض تعاملو عادي وحتى لو عاوز تخفف عليهو في اداء حاجه معينه عممها على الناس المعاهو عشان ما يحس بالنقص ""انتهى يوم بسمه عادي ورجعت البيت وبرضو البيت كان هادي وعبد الصمد ما معروف اراضيهو وين بسمه دخلت نامت وبعدها قامت اتغدت وعملت حاجاتها اليوميه بالليل مشت قدام المرايه فكت شعرها وبقت تسلك فيهو 🙂وتتبسم 🤤🤤وتتذكر ماهر وكيف كان شكلو في المكتب على غير الحصه سرحت ليها زي ربع ساعه ما صحت الا برزعه بابهم. عرفت انو ابوها جا جرت طوالي شالت باطانيتها واتغطت.. عشان ما عاوزه تخش معاهو في نقاشات عقيمه اخر الليل وفعلا شويه ونامت عبد الصمد... يا وليه يوم الاحد ناس جاد الله ديل جايننا مهره.. لشنو 😕عبد الصمد... شنو الشنو لبسمه جاين يعقدو مهره.. نحنا اتكلمنا في الموضوع دا يا عبد الصمد وانتهينا وحسام عبد الصمد... يا مرة هوي بلا حسام بلا زفت ولدك الما نافع دا لينا كم سنه ما شفناهو ولو جا يجي يومين بتك دي اخير ليك اعقدي ليها ساي عشان بعدين ما تتنفسن من الضره مهره... 😀قصدك شنو عبد الصمد... قصدي واضح عاوز اعرس مهره.. بعد العمر دا كلو والعشرة دي كلها يا عبد الصمد طيب عرفناك انت عاوز تعرس بتي ذنبها شنو عبد الصمد... يا مرا ياخ ما توجعي لي راسي بالليل امشي جيبي شي نطفحو وننوم انت بس تنفذي ما عندك شغله بكلام الرجال مهره.. اسمعني يا عبد الصمد حسي الدنيا ليل حاسايسك لكن بكرة عندنا كلام تاني ماشه اجيب الاكل ومشت المطبخ جابت ليهو الاكل اكل ورقد نام طوالي 😴😴😴.................... ............... مروان.... الليله يوم الجريمه يا مهاب وماف اثر مهاب... الله يستر ما تكون حسي حاصله المشكله الكبرى انو نحنا ماعارفين نراقب شنو زاتو مروان.. طيب راقبو المخارج خاصه مخرج حلفا البودي حلايب مهاب... تمام كانت في حاله من التوتر والترقب للجريمه الجايه والجنائيه مقلوبه معدوله وقاعدين على اعصابهم 🙂......... في جانب تاني بنت ١.. ياهو دا المحل بنت٢.. اي قالو الليله الافتتاح مجاني واي شي مجاني بنت ١... الليله ما حاخلي ولا شي حاعمل استشوار ومكوه وبوديكير ومنكير وساونا واي شي حاطلع عروس عديل 😂😌عشان أأدب ليك حوته ويعرف تاني يقول لي علاقتنا لازم تنتهي بنت ٢.... . على قولك والله طيب ارح خشي قبل ما الناس يعرفو انو مجاني وتضيع علينا الفرصه خشو لقو اربعه بنات جوا وحده بحننو فيها ووحده بنضفو ليها في وشها ووحده بتعمل ميج ووحده بتعمل استشوار جاتهم بت حليونه كدا .... اتفضلو بنت ١... مش الليله في عرض ميكب ارست... ايوا اتفضلو عشان نبدا ليكم بغسيل الشعر لكن اول اتفضلو برا الرسبشن وبعدين خشو جوا نخلص من ديل ونناديكم بنت ١... اوك منتظرين قعدو انتظرو زي ساعه نططو عيونهم من راجل جا مارق من جوا ومعاهو كم عامل وشايلين شنطه بتاعت بتان كبيره نقلو زي ٣شنط بتان اتخلعو شديد خاصه انو الرجال ديل الدخلهم جوا شنو والشنط دي جات من وين بنت١... يا بت ديل جو من وين بنت٢... بري يختي انا خفته وارحكاكي بنت١... يا بت اثبتي ماف شي كان راجعه ارجعي انا ما راجعه بنت ٢... لالا خلاص كلو يهون في سبيل الجيهه شويه وجاتهم البت القبل شويه اتونست معاهم ودا الخلا الخوف يزح منهم شويه وقالت ليهم اتفضلو الميكي ارست... انتو عارفين انو انتو محظوظات لانو انتو اخر اتنين في العرض المجاني بنت١.. اي والله حظنا كنا بشده محتاجين ليهو ميكب ارست... طيب قومو اقعدو لي في الحوض داك نبدا بغسيل الشعر 😇فعلا مشو قعدو بنت ٢.. واي جاني تلفون من ابوي لازم ارجع البيت ميكب ارست... ترجعي شنو 😡اقعدي حست بحركتها ... قصدي العرض حيفوتك بنت ١... اي لكن ما مشكله بيتهم قريب من هنا خليها تمشي وتجي الميكب ارست صرت وشها مشت اجرت تلفون وجات راجعه لبت ١بنت ٢شالت شنطتها وطلعت دنقرت عشان تخت تلفون في شنطتها شويه وحست بريحه غريبه خلتها ما قادرة تقيف 😔وبقت تتلولح لحدي ما لقت نفسها مغمى عليها 😞😞😞😞 في جانب تاني بنت ١بدت الميكب ارست تكب ليها مويه في شعرها حست بنعاس شديد حاولت تفتح عيونها ما قدرت 😕مرقت من شنطتها حلاوه نعناع حاره وشويه صحصحت بعد غسيل الشعر عملت ليها استشوار وهي قاعده في مكنه الاستشوار فجاه حست روحها عاوزه تنوم غلبها النوم صحت لقت روحه مربطه في مكنتها وفي رجال حولينها بنقلو في الحاجات ويودوهم برا شويه وجاها شاب عاين ليها كان شاب وجيه ذو لون برونزي وملامح ساحره .... احمدي ربك انك شينه والا كان عندنا كلام تاني قبل ما اسرق اعضاءك واجدعك بنت ١... 😭😭😭انا وين وانت منو وعاوز مني شنو عليكم الله فكوني انا ما بعرفكم ليه بتعملو كدا انا عمري ما اذيت زول .... تصبحي على خير شويه ولقت قطعه في انفها وفمها دقيقه وحده وكانت اغمي عليها شالها رفعها فتح وحده من شنط البتان ودخلها فيها اشر لرجالو يجو يشيلوها جاتو البت القبل شويه ..... بيبي لقيتني كيف وكيف شطورة وبسمع الكلام ... اي يلا سرعه عشان نشطب ونفضي المكان قبل ما يجي زول يسالنا ليه قفلتو .... حبيبي وماف عزومه مكافأه لي انا برضو ساعدتك ... ساعدتيني مجاني ما كلو بحقو وحسابك مع البوس ما معاي يلا زحي خليني اشتغل اتأفأفت بغضب شويه وسرحت فيهو وهو بتكلم مع الرجال بعدها ... ناويه تنتظري الشرطه تجي ... اا جايه جايه وطوالي دورو دفارهم ومشو وجهتهم .................. مروان... اتفضل مهاب.. الحق جاتنا اخباريه انو ١٠بنات خطفو اليوم مروان... لا حول ولا قوه الا بالله مهاب... اتفضل معانا لغرفه الاجتماعات عشان تعرف اكتر مروان... قدامي طيب دخلو غرفه الاجتماعات وهم في قمه قلقهم على حال كل الضباط الموجودين 😟ظابط ١.... وردتنا حسي اختفاء بنات في حته في المورده ضابط٢.. واهالي البنات حققنا معاهم معظمهم ما عارفين بناتهم مشو وين عشان ينخطفو مهاب... فضل بس اهل بت واحده ان شاء الله يكونو عارفين بتهم مشت وين مروان... ياخ كان ما ساي في بت بتطلع ما بتتزفت توري اهلها طايرة وين ولا الاهل زاتهم ما بسألو بناتهم ماشين وين دي شنو عدم المسؤليه الهم فيها مهاب.. اعصابك يا مروان دا ما بهمنا المهم نعرف البنات مشو وين عسى ولعل نلحقهم قبل يسافر امجد مروان.. ما حيسافر 😏متأكد انا ما حيسافر مهاب.. الخاليك متأكد شنو كدا مروان.. لازم يتمهم ١٥حتى يسافر الخطه حسي انو نعرف اتجهو وين عشان يتم جريمتو دي شويه وسمعو صوت راجل ومرا بره بكوركو مروان.. في شنو .... ديل اهل وحده من البنات شويه ودخل راجل كبير ومعاهو زوجتو ومعاهم بتهم عشرينيه كدا مروان.. اتفضلو اسم بتكم منو الراجل.. اسمها هنده اختفت هي وصحبتها قالو ماشين افتتاح بتاع صالون تجميل ولا شنو مجاني وليهم ١٢ساعات ماف اثر ليهم مروان.. والله ما اكذب عليك يا حاج لكن بتك دي اتخطفت من قبل عصابه اعضاءوللاسف حتطلع مني وحاقول ليك لو ربنا كاتب ليها عمر بتجيك راجعه غير كدا البركه فيكم دوت صرخات امها واختها شويه وجا الضابط هداهم واداهم مويه ووعدهم حيبزلو جهدهم عشان يلقوهممرقو وكلهم مالياهم خيبه الامل والخوف والاحباط من المجهول احساس كعب تفقد زول في يوم وتكون منتظر خبر موتو لانو ماف خيار غيرو تسمعو 💔💔💔................ مرا اليوم داك وضباط الشرطه منتشرين في المورده وبفتشو في كل العربات الداخله والمارقه وللاسف ما لقو شي في جانب تاني .... ..... اها اخبار أمجد شنو عازم... والله تمام قال نفذ ١٠فضلو خمسه خيخلي البلد تروق حبه وينفذ ويرجع .. تمام بالله تابع معاهو لانو اهطل ساي عزام... تمام تأمر لكن ما تخاف توابش معاهو ... انا اصلا مصبرني عليهو البت الاسمها توابش دي كان ماهي كان زمان فضحنا عزام... 😂😂اي صاح يلا استاذن ماشي البار أنا ... اذنك معاك في شارع الهوا جات عربيه كبيره حقت نقل وقف فيها راجلين ملثمين كانو بشيلو ويجدعو في حاجات ملفوفه على طول الشارع ملو الخور كلو بالجثث الهامده دي 💔💔💔وبعدها واصلو طريقهم لقو تفتيش في الصينينه خلوهم يفتشوهم ومشوهم وطلعو منها زي الشعره من العجين نقيف هنا صلو على محمد عليه أفضل الصلاه واتم التسليم ❤❤سبحان الله وبحمده سبحان الله العظيم هنده... مريم... سلمى... نور.. ايمان... وغيرهم من البنات الكانو ضحايا لجرائم زي دي قاتلي البشر بيعيشو براحه وسعاده وعايشين حياتهم فهل سيستمر هذا المنوال ام للعداله كلمه... شيلو الصبر
يتبع......
