....السلام عليكم اتلفتت عليهو ببرود ...وعليكم السلام ايوا نعم ....شكلك ما اتزكرتيني😃...ااا والله ما ....هههه ياهو ما اتزكرتيني في المطعم ...ااااا بتاع المفتاح ...بس ياهو كيف عامله ...صدفه نتلاقى تاني ...الحمد لله معليش مستعجله شالت اكياسها وطوالي مرقت راقبها لحدي ما ركبت عربيتها واتحركت بقا متسمر في محلو 😃ابتسم بعد ما شال تلفونو البضرب ما اداهو انتباه شال سجارة شربها "" مدمن الزول دا 😹😹جيبوهو لي ياخ انا نفسي اعرس مجرم 😹💔""بعدها قعد في كرسي من الكراسي و البت لسه معلقه في راسو شويه وحكا راسو اتذكر هو هنا ليه اصلا "" صحا النوم 😹""عاين لمكالمات كتيرة.. فتح المكالمه الجاريه ....الو امجد وينك يا زول زولتك دي اتخارجت شوفه عيني ...كيف الكلام دا ....يا زول انت مشيت وين شكلها حست بيك اتاخرته 🤨....ياخ اقفلي اقفلي ميتينك على ميتينها "" استغفرك يا مالك روحي 😭""....ما تقشها فيني دا كلو منك كان كنته خليت العباطه حسي من قبيل تشيل وتتهابل تمسك في يدينها ومعديها انصرافيات تاني ما تقيف قدامي وتقول لي انا انصرافيه زهج من كلامها قفل الخط في وشها 😹💔😹........مرق من المركز التجاري ودمو بغلي غلي 😡😡ركب عربيتو وساق باقصى قوه عندو هناك توابش لملمت ناسهاوسحبت قواتها كلهم ومرقو من المركز التجاري ركبو عرباتهم المظلله 🙂واتحركو طوالي .............يوم جديد لبسمه صحت كالعاده وعملت روتينها اليومي ومشت مدرستها سمعت البنات بتوشوشو مرة تانيه عن نفس الموضوع ...ماهر ما اهتمت لكن اخدت بالها لمن سمعتهم بقولو ........ما شفتوهو طلع معرس احي يا فشفاشي ...اي اسكتي ما تمغسيني ومرتو قالو بت خالتو شينه ولا سمحه سنونها كلهم فوق بعض وقالو تلاته صوفات ما عندها غيرهم ...انا زاتي سمعته كدا وقالو زاتو كان مجبور عليها ...ماشفتو بتو بتشبهو عديل كدا مابتشبهها هي الشينه الما بتشبه البنات ...خليكم من انو معرس ولا زفت انا عاوزه اخد حقي منو كيف ينهرني ويحرجني قدام حبيبي ...ووب احرجك متين ....امس لمن اتلاقينا ورا المدرسه 🙂تخيلو المعفن قال لي صعلوقه وما عندك البربوك وادا حبيبي كف ...واي ياهنايه دا داير ادبه نوريهو الطفا النور منو ...اها الحينفذ معاي منو ....بري انا ما معاكم ...ولا انا ...انا زاتي بخاف يا مهجه مهجه ...اصلا انتو خوافات بنفذ براي ....انا معاك برضو بنفذ ..😡عشان تاني يعرف كيف يشرط لي كراسي ويقول لي عيديهو نوريهو الاعاده العلى اوصولها مهجه ...تمام انا وبراءه شهد حنفذ ولا شنو يا شهد شهد ...دا كلامك والله نوريهو ليهو اصبري بس اها الخطه شنو مهجه ...شفتو بعدين وقت الصلاه مش ..........يلا وبس كدا ونمرق طوالي عادي وقت البيوت عشان ماف زول يشك فينا وعلى قول امي لا عين رأت لا اذن سمعت 😹😹وكلهم بقو يضحكو 😹😹😹😹😹بسمه كانت سرحانه لكن سمعت كل شي صحت بضرب امونه ليها يابت يا بت وينك الجرس دقا قومي الصلاه ...ها اي الصلاه تعالي سرعه ...في شنو 🙂...دقيقه بحكي ليك في الطريق ....طيب براحه مالك جاراني كدا ...ارح 🏃🏼♀🏃🏼♀................كان ماشي باقصى سرعه عندو كان في اتجاه الصينيه شويه والاستوب قفل ضرب ليها ......الو ...الو يا ميجو ....دي شنو الحركات دي انا اقول ليك جاي اجي القاك ماف انت بتستعبطي ولا شنو 😡يا زوله لو من البدايه ماعاوزه المفاجاه مالك ..اصبر يا ميجو اوريك ...ياخ انعل ابو معرفتك برا ميجو برا زفت معاك تاني لو ضربتي هنا بطلع ليك بكسر رقبتك ..لو شفتك بالغلط ساي حتشوفي شعاع وطق قفل التلفون وجدعو في الكرسي الورا فتح الاستوب جا طاير طيران وقفو بتاع المرور اتأفأف بعدها وقف العربيه وبقو يكتبو ليهو في مخالفات كتيرة هناك تلفونو كان بضرب كتير بس ما كان سامعو طلع وبقا يتناقش مع العسكري بعدها انتهى من موضوعو دفع غرامه شويه وشاف عربيتها الحمرا 🥰وقفها بتاع المرور بسبب الرخصه ...يا زول انت عارفني منو العسكري ..يا زوله انا مالي ما شايله رخصه تنزلي لي ...ياخ ما تكرهني احسن تلم الموضوع لانو لو لميتو بنفسي بتندم 😌العسكري ..شفتي عشان قله ادبك تنزلي حسي نزلت بعد اتأفأفت 😣العسكري بقا يردح فيها هناك هو كان مراقب الموقف شديد بقت تردح معاهو لحدي ما صادرو عربيتها ..كيف يعني انا امشي ليك بشنو ...يا بت ما تقلي ادبك والا والله اسجنك امشي جيبي الرخصه واستلمي عربتك في الحوش دا لو ما اسرعتي حتجي تلقيها من غير لساتك واسبيرات فشنو اكسبي زمنك 🤨...اف ياخ الله يقطع اليوم الجيت فيهو السودان بقت تأشر لتكسي شويه وركب عربيتو واتحرك عليها ...وقف قدامها مباشرة ....على وين يا جميل ..انت 😒انت حاسي بشنو كل دقيقه تطلع لي شفته شغل الاولاد الما تمام دا ما بخارج معاي ...كدي قولي بسم الله واركبي بوصلك بس بيتك نجيب الرخصه وتجي ....😡قصدك شنو واو يا بيبي يعني عشان شكلي كدا معناها انا بت مطلوقه ...بالله شوف شغله اقضاها ....يا ديني وايماني انت مالك عنيده كدا وكورك لعسكري من عساكر المرور ياحبيبنا ...اتفضل ..الزوله دي انا حاوصلها بيتهم لانو مضطرة لرخصتها وماعاوزه تمشي انا ود عمتها شكلها خايفه اخطفها فشنو يا حبيب اكتب عندك نمرة العربيه واتفضل رقمي اكتبو واكتب رقمها اقول ليك شي هاك رخصتي زاتو 🙂ولو خلال ساعه ما رجته بيها هنا عشان نفك العربيه طوالي اضرب ٩٩٩تمام العسكري ٢..هههه ظابط ....هوي ان شاء الله قايلني حاوافق ...ليه ما توافقي يا نفيسه ...شنو ااا قاطع كلامها ...يلا يا بت خالي العني الشيطان وارح سكتت بعد شافت الحاحو ركبت بهدوء وجواها خايفه شديد وكان عليها حسي تنزل دور العربيه ابتسم ليها ورفع يدو للعسكري واتحرك ........في مكتب المخابرات ...مروان ..الحمد لله مهاب ...شويه وكانت البت راحت الله كتب ليها عمر 😄مروان ...اي والله الله ستر مهاب ..لكن يا مروان انا ما فاهمك ليه ما القيت القبض عليهم بعد مرق امجد كان فرصه كويسه وكمان كان ممكن نجبرهميعترفو ومنها زاتو نقبضهم جمله مروان ...ههه لا ما حنقدر يا فاهم لانو ماف ادله لازم بالدليل يعني بعدين المحكمه حنقول ليها شنو هم مجرمين عشان نحنا شايفين كدا 🧐وغير كدا لازم نعرف السبب الخلا امجد متماطل في التنفيذ ولازم نعرف وجهتهم الجديده ونشوف رد فعل البوس وانا هدفي عزام يجي البلد لانو لو جا كدا حنضرب عصفورين بحجر 😌وبالدليل القاطع مهاب ...اها وطيب مروان ....عارفك داير تسأل عن شنو كل شي بوقتو حلو حسي بس خليكم مراقبينهم كلهم عينكم ما ترف نهائي .. تمام اي أوامر ....لالا انصرف .........فلاش باااك انت منو عاوز شنو اسكتي اسكتي اهربي امشي سرعه اتخارجي باي حجه ....في شنو ...الزول الانت معاهو دا كتال كتله ومجرم دولي وسارق اعضاء ولو ما مرقتي اترحمي على نفسك ...واي واي سجمي سجمي ...لالا لازم تهدي وتتصرفي عادي لانو حيجي ولو حسا بيك اكتشفتي حينفذ فشنو ...انا اعمل شنو طيب واي 😭😭...اول شي لمن يجي اتصرفي عادي وبعدها لمن يجي رسليهو لاي شي وطوالي اتخارجي ولاقيني في المكان .....دا وبعدها انا حافهمك تعملي شنو بس اهم شي تكسري شريحتك بعد لكن ما يتصل عليك طوالي ...اها حاضر لكن انا خايفه 😭😭😢..لا اوع اتصرفي عادي يلا في امان الله 🧐........في قريتنا كان وقت بريك الصلاه في مدرسه بسمه
احيانا نتصرف بكل عفويه ولكن يفهم تصرفنا بطريقه خاطئه لعله سوء التفكير او فطرة طبعت في بني البشر لكي يسيئو الظن ✨او ربما حال المكان او الزمان 🏃🏼♀فهل سنحسن الظن ام للقدر كلمه اخرى
يتبع.......
