طبعا معظمكم نسى حصل شنو... فحنعمل شويه تذكير بالاحداث الفاتت عشان الناس شويه ما تدوش... قصتنا بتتحدث عن تجار الاعضاء... الكانو بستهدفو بنات الجامعات بحجه الحنك معاهم... البوس الكبير حيتكشف عنو لقدام.. عندنا امجد يد البوس الكان رسلها في اخر عمليه... عندنا عزام او عزمي حسب ما تحبو.. ودا يد البوس الثقه وطبعا ما بننسى توابش يد امجد ومرتو المستقبليه 😂في جانب جهاز الامن والمخابرات عندنا الجوكر مروان... والراسطه وصحن الباسطه مهاب مساعد مروان... بالاضافه لطاقم العمل في قريتنا عندنا بسمه وامها مهره وابوها عبد الصمد اخر ما وقفنا فيهو لمن حاجه مهرة وبتها جو الخرطوم لمقابلتهم واستقبلهم صاحب حسام اما في جهاز الامن والمخابرات فكان في ٣رسايل وصلت وكانت رسايل رسلها العميل السري لمروان ومهاب اخر ما اتوقفنا فيهو وصول ضيفنا الجديد بهدومو المعتوهه الزي فنانين الراب وتوجهو نحو السوق العربي نبدا من هنا..... سكت شويه لحدي ما جرا نفس من سجارتو وطلعو بكل اريحيه 🙂بعدها شرب حبه من مويه الصحه القدامو عاين للزول القدامو الكان ظاهر في وشو عدم رغبتو في مقابلتو ابتسم لحدي ما قال .... يعني انت حسي مالك مبوذ .... بتسأل كمان ... اي .... يعني البوس ما لقا الا انت يرسلو وبعدين خالي دا مالو معاي لا بثق فيني لا شي .... لالا ياخ ما كدا لكن انت طولته يا امجدوالموضوع بقا خطر وممكن تتراقب فعشان كدا لازم تختفي .. اختفي 😰.. اي لكم يوم كدا ... لالا ما ينفع لانو ... لانو شنو ... لانو انا بكرة ماشي اتقدم لبت 😔اتعالت صوت ضحكاتو المستهترة ... لالا عيد عيد شنو شنو بت وتتقدم 😹😹دا كلام شنو .... انا جادي ... يا زول اكسر الحنك اتقدم ليها بعد كم يوم ... لالا لازم بكرة عشان ما تقول شريتها ... لا دقيقه انت من متين بتهتمى بمشاعر الناس وانا المفتكر انو دي بت تبع الخطه لكن شكلو الموضوع كبير نفخ دخلن سجارتو بغزارة لحدي ما جا في وش امجد .... كدي احكي لي انا حاسي بإنه في موضوع البت دا ... طيب بحكي ليك لكن توعدني تقيف معاي ... اوك ... القصه انو........ .... شنو!!!! دا كلام شنو يا امجد يعني حسي عشان بت داير تخلي الشغل .... انا ما كدا يا عزام اصبر افهمك ... والله كلامك واضح ما عاوز شرح زول عاوز يعرس بت ما عارف زاتو لقطتها من وين وكمان حلاه جادي وعاوز تسافر بيها هههه لا وكمان قنعان من نفسك والله البوس لو عرف بقطع رقبتك انت كنته بتفكر في شنو لا وتوابش وين في القصه دي ... ياخ انساها توابش دي انا ما بحبها واصلا ما حاحبها .... ياخ اقول ليك شي اعمل البريحك واتقدم ليها لكن بس خليهو بعد بكرة وانا بساعدك بس اسمع كلامي ... اي اي بسمعو خلاص بكلمها وبعتذر ليها واوعدك انو اسمع كلامك ياخ ما عارف اشكرك كيف يا عزام .... تشكرني بانو تنفذ البقولو ... تمام ........ انتهى يوم تاني وبدا يوم جديد بدوهو حاجه مهره وبتها بونسه مع اخوهم حسام الكان منتبه في جوالو اكتر من الونسه وبعدها وداهم الدكتور وهو لسه مركز في التلفون انتظرهم لحدي مامرقو اداهم مصاريفهم وودعهم عشان اضطرو يسافرو بدري رجع شقتو رقد شويه وشال الجرايد ما كان في خبر لفت نظرو لحدي ما وقعت عينو على الكلمات المتقاطعه نطا بسرعه فتح جوالو اخر رسايل كانت اخر رساله محتواها ✨✨✨✨عليك عيون تهز الكونزهره في العالم المجنون اريدك واعشق رموش عينيك ملامحك يا السمحه ياام عيون عسليهجمالك وقف بري ام در والعباسيه يا نور الحي اطلي علينا نورك زاد جمالك حاد زوالو محال ✨✨✨ضرب تلفون كان محتواهو ... اسمعني يا مهاب تعال لي ضروري ضروري .......... بالليل الساعه ٩مساء الو ميجو ازيك ... تمام الحمد لله .. اها كنته عاوز تقول لي شنو ... والله ما عارف اعتذر ليك كيف لكن والله حصلت لي ظروف وحاضطره انو ما اجي بكرة لكن بوعدك بجي بعدبكرة واعتزري لي من عمار بالله ... اااا اوك ... ما تكوني زعلتي والله غصب عني لكن اخوي دا جا من السفر وزاتو قلته بالمرة يجي معاي لمن اتقدم ليك ... اها حمد الله على سلامتو ما مشكله بوصل اعتزارك لعمار وان شاء الله بعد بكرة بنتظرك ... تصبحي على خير ... وانت من اهلو ......... في جانب تاني عزام... يا توابش انا حاسي بشي ما طبيعي البت دي لازم نعرف قصتها شنو ومالو امجد جاني عليها كدا .... اي لازم لانو كدا حنضيع والبوس حيورينا ليهو 😰عزام.... انتي اتصرفي عادي والخطوه الجايه كالاتي انا حاتصرف عادي وامشي معاهو لخطوبه البت دي وانت بعد نص ساعه من وصولنا تعالي برجالنا واسلحتنا وخلينا ننهي الموضوع دا في محلو وندفنو .... وامجد ... امجد لو اختار يواصل معانا خلاص لو ... لو شنو 😰اوع اوع يا عزام انا لو كنته سايستك في خطتك دي بس عشان بحب امجد لكن اوع تفكر تأذيهو 😔انا بموت من بعدو بس حنقتل العقربه الوصلتنا للحته دي ... طيب تمام نشوف المهم كوني على اتصال معاي اول باول ... اوك ...... في شقه في الخرطوم اتنين ... مهاب... يا الله منك حليتها كيف مروان... بس شكلو بعملها عشوائي لانو رسايلو دي مرات بتتقري افقي مرات راسي مرات حرف واحد ومرات تلات صفوف فلو قريت الرساله الاولى حتلقى محتواها ... *وصلت الطلبيه اسرع في الباقي *وطبعا دا لمن تشيل الحرف الاول من الكلمه الاولى كل مرة وتلصقهم مع بعض مهاب... 🙄اسلوب مبالغ فيهو منو الكان بفكر انو ممكن يكون وراها شي لكن الرساله التانيه دي كلماتها غريبه مروان... ايوا فعلا لكن لو ركزته في حل لشفرتها مهاب... ويلي هو مروان... لو قضيت بصر من الكلمات الما مفهومه حتلقى كاتبين عاين وشوف وركز واحد اتنين تلاته اطلع وانزل ودا معناها تشيل الحرف الاول من الكلمه الاولى في كل سطر وتواصل على كدا وتلصقهم وبعدها تنتقل للحرف التاني من الكلمه نفسها وهكذا لو ركزته وجمعتهم حتطلع الجمله مهاب.. حتطلع *حنرسل رجالنا للعمليه ومعهم اسلحه اسرعو *مروان... بالظبط كدا مهاب.. انا راسي حيطرشق ياخ كيف يعني في زول في الدنيا دي عندو مقدرة يعمل كدامروان.. 😹بالجد يحيرو اما اخر رساله هي اخطر رساله واهمها وفيها تصريح بعوده عزام للبلد وكانت بتقول *عزام جاي انجز *مهاب... والعمل مروان... رسلنا رجالنا بدو في تتبعو من الطياره وعرفنا مكان البوس بس فضل نعرف مكانو بالتحديد وين في المكسيك مهاب.... ودا حيحصل لمن نقدر نقبض على اعوانو مروان... بالظبط كدا عشان كدا ممنوع الخطأ نهائي مهاب.... ايوا تمام مروان... الخطه كالاتي ............ مهاب.... علم سعادتك 💔💔مروان.. الله يستر مهاب... امين .......... في قريتنا الجميله كانو بسمه وامها وصلو وطبعا بدو في الاستعدادات للامتحانات وجوها ونحنا حنخليهم شويه لحدي ما بسومه حبيبتنا تمتحن عشان ما نشغلها ونشوف ناس الخرطوم خبرهم شنو ...... صباح يوم الا حد الساعه ال٥عصراكانت هناك مكيده تحاك اتجهزت زيها زي اي بنت جايين يتقدمو ليها ختت كل ما خطر في بالها من مستحضرات كانت جميله شديد 💃🏼ادت نفسها نظرة بالمرايه اتنفست الصعداء كان علامات التوتر باينه عليها لحدي ما شافت صورتو في المرايه .... اها جاهزه ... ما عارفه يا عمار .... لازم تكوني قويه الليله اهم يوم في حياتك دا اليوم الانتظرناهو لينا زمن طويل دا اليوم الانتي كنتي منتظراهو... خايفه شديد يا عمار خايفه ... ما تخافي انا معاك ولا شنو .... 😰اوك شويه وضرب الجرس ... واي جو ... خليك محلك ما تتحركي واوع تمرقي لمن نتكلم رجال لرجال ... اوك .....كان متشيك وشكلو شكل عريس بمعنى الكلمه كان سارح في خيالو انو حيعرس زولتو وحيعيشو في وئام ما كان قادر يعبر من الفرحه حتى انو كان مطنش عزام وهو بتكلم معاهو اما عزام كان مبتسم ابتسامه نصر والسر فيها انو جا اليوم الممكن يقدر يتخلص فيهو من امجد للابد ويبقا الكل في الكل للبوس ولتوابش حبيبتو السريه 💃🏼ايوا نعم عزام بحب توابش بس توابش بتحب امجد ودا كان سبب كافي انو عزام يحاول يتخلص من امجد والفرصه جاتو لحدي رجلينها وكمان كان بحمد الله انو ظهرت البت دي بالذات في الوقت دا عشان تخرب علاقه امجد بتوابش وعارف انو توابش حتتهور لكن هل دا الحيحصل ؟؟ولا للقدر كلمه امجد وعزام انبهرو بالبيت الكبير خاصه من كميه الخدم الفيهو شي الاستقبلوهم في الباب وشي في الحديقه وشي الساقوهم للصالون غير الجنايني والداده الجات تشوف طلباتهم شنو لحدي ما اسياد البيت يجو .... قعدو في الجلوس مبهورين بالبهرجه دي قطع تفكيرهم صوت المرا الاربعينيه الكانت لابسه لبس رسمي نوعا ما ضهرها شبه منحني صوتها مبحوح واجش .... طلباتكم شنو لحدي ما العروس تجي و استاذ عمار يجي امجد... انا عاوز كوفي لو سمحتي ضيقت نظرتها وهي بتنظر لعزام بعدها قالت .... وانت .... انا ليمون لو سمحتي .... تمام اتفضلو لحدي ما انادي استاذ عمار في تلك اللحظات كانت توابش متحركه بقواتها نحو بيت ناس نور الا انو هاجمتها قوات وصادرت اسلحتها والقت بالقبض عليها وشالو وسائل تواصلها مع عزام ..... في الجهه التانيه كانت الداده جابت الضيافه ختتها ومشت كان في صمت عجيب ومخيف عزام قلبو اكلو على توابش شال تلفونو ومرق برا البيت كان واقف برا سور البيت لحدي ما لمح تلفون لاسلكي وبعض الملفات الكان واضح فيها ختم قوات الشرطه من داخل عربيه كانت مقرشه خارج البيت عاين كويس لو بيحلم ؟قبل ما يدي نفسو فرصه يستوعب كان اطلق العنان لرجلينو الكانت اكبر منقذ ليهو ودور عربيتو حاول يتصل على توابش ويحذرها من المنتظرها بس لقا تلفونها مقفول انتظر الصافره سجل ليها مقطع صوتي محتواهو توابش ارجعي ارجعي دا فخ فخ انا متحرك على المطار ارجعي امجد ود الكلب كان حيوقعنا معاهو ............. في جهه تانيه في البيت كان امجد بتململ بسبب غياب عزام المفاجئ وتأخر اهل البيت عليهو سرعان ما ظهر ضل زول جاي من الممر وووو
يتبع......
