جا داخل وهو منطرب وبغني ويصفر لقاها في وشو توابش... قلتي لي نص ساعه 🙂امجد.. والله توابش... خلاص ما عاوزه مبررات انا زوله واثقه من نفسي عشان كدا ما تحاول تبرر لي وكدا وعارفه نفسي بعمل في شنو المهم ما علينا وصلتنا رساله من البوس امجد... امشي جيبي الظرف شال الظرف منها وقرا الرساله ابتسم ودخل الرساله في جيبو توابش.. نفسي اعرف البوس ليه برسل رسايل زي دي ما ممكن عادي باي برنامج يرسل واتس فيس ماسنجر امجد... ههههه عشان انت تسألي خليك من دا امشي اظبطي لي شاي من تحت يدينك السمحات ديل😉توابش... ههههه طيب من عيوني امجد... عيونك تسلم لي ............. بسمه رجعت البيت لقت ابوها بقا كويس خاصه انو حاجه مهرة خلطت ليهو الدوا في الاكل عشان ما يرفضو والحمد لله طلع كمان.... طوالي بدو يجهزو حاجاتهم للسفر بس على حظهم السئ المطرة صبت بغزاره وما قدرو يتحركو فخلوهو لليوم البعدو ......... عدى اليوم دا برضو ببطء بسبب الامطار الغزيرة الضربت البلاد ... في مكتب مروان ... مهاب.. اها رايك شنو مروان... والله ماعارف لكن بظن انو حيستقلو الخريف دا وعندي احساس انو حيستهدفو منطقه فيها فيضانات مهاب... اي خصوصا انو السنه الفاتت زي الوقت دا كانو عملو جريمتهم في كسلا مروان... اي عشان كدا لازم نكون حذرين ونبدأ نستخدم الكرتين العندنا مهاب... صاح كلامك ..... مرا اليوم من غير جديد يذكر الصباح... بسمه ومهره كانو اتحركو وجايين على الخرطوم وكالعاده هناك استقبلهم صاحب حسام ... مهره... الله يخليك يا ولدي صاحب حسام... ويخليك يا خاله اتفضلو اتفضلو جيبي الشنط عنك بسمه لاحظت لنظرات صاحب اخوها ليها بس ما اعارت الموضوع انتباه 😉.... اها كيف الخرطوم معاك بسمه... والله حلوه .... بتقري في كم ... في تالته .... اووو منتحره 😹😹.... هههه ممكن تقول كدا ... شدي حيلك فضل ليكم اقل من شهر ... اي والله ان شاء الله طبعا حاجه مهرة تتبسم ساي بعدها حلفت عليهو الا يشرب معاهم شاي طوالي ما صدق قعد شرب الشاي واتونس معاهم شويه وضرب ليهو زول ... الو اي اي جاي يلا يا جماعه بسمه.. ليه ماشي ماكان تقعد مهره.. اي يا ولدي .... مرة تانيه بجي بمزاج وزاتو انتو جايين من سفر خليكم ترتاحو وزاتو ولدك الفقر دا يا حاجه جنني 😹😹مهره.. 😹😹يصبر لي بعدين معقوله الشاي ما يخليك تكملو ... ما تزعلي اها كملتو من يد ما نعدمها يلا معاكم سلامه ... الله يسلمك يا ولدي وطوالي مشا بسمه لمت العده دخلتها وشالت الشنط وبقت ترتب في حاجاتها وكتبها عشان تقرا جاتها امها وهي بتتبسم ... مالك يا امي 🙄.... ماشاء الله صاحب حسام ظريف ... اي ... اها وانت بتقولي شنو .. يا امي بالله الحركات دي خليها عاوزه اقرا انا حسي ... 😹😹😹انا حسي قلته حاجه انت براك القلتي خلاص مارقه ليك اقري اقري شويه مرقت وخلت بسمه تتبسم مع الكتاب 🤤🤤وتتزكر فيهو وفي ظرافتو انتهت مزاكرتها كلها بعدها رقدت نامت ...... مروان.. مالك مبسوط كدا قال مهاب.. ههه ماف شي بالمناسبه شويه كدا وعميلنا حيجيب لينا حاجه مروان... ان شاء الله ياخ مهاب... قول خير ....... أتأنقت باسكيرت اسود مع بلوزه دانتيل باللون الكوبي مع نص كم وتفصيل حلو زادت اطلالته جمال بالاكسسوارات البسيطه والشنطه مع اخر لمسه زمام في حاجبها ادا منظرها شكل تاني خالص دخلت اوزون كعادتها شويه وقعدت ما عدت ربع ساعه الا وهو معاها ابتسمت بحب بعد ما قالت ليهو اتفضل قعد وبقا يعاين ليها ... بصراحه يا امجد انا ناديتك عشان موضوع مهم ... الا وهو .... عاوزه تقول لي بصراحه انت ناوي تتقدم لي ولا حتلعب بي زي الوهم اللعبته بيهم 😇... اي حاتقدم ليك لكن ... لكن شنو ... صراحه انا ما حاقدر اتزوجك في العلن ... شنو شنو شنو 😡كيف يعني عاوزني امشي معاك الحرام ... لالالا انت فهمتيني غلط ... اها اتفضل .... انا حاعرسك على سنه الله ورسولو وحاجي اتقدم ليك واقابل اخوك عمار كمان لكن بس ماعاوز الزواج يكون معلن يعني على الضيق وبالسكيتي 😎... وليه ان شاء الله ... صراحه عندي بت خالي واقفه لي في حلقي وخالي برضو واقف في حلقي اعرسها وانا ما عايزها .... اها مدبر ..... بسسس يلا عشان كدا حنخفيهو عشان هي ما تعرف وما تعمل شي ... لا يا بيبي فشرت تعمل لي شنو ما شغاله بيها .. انت ما فاهماني هي زوله خطيرة ... وانا اخطر منها ... نور 🙂اسمعي الكلام ما تعاندي ياحبي ومسك يدها ... انا خايف عليك ياخ وغير كدا انا ما حاعمل حاجه غلط حاخدك من اخوك واهلك وحتكوني حلالي وما حاخلي زول تاني يتكلم فيك طالع ونازل دنقرت وخجلت ... ميجو ياخ قلته ليك الكلامات دي ما وقتها اتنحنح بعد ما فك يدها رجع لورا وبدا يتكلم... اها قلتي شنو ... ماعارفه حافكر لكن ... اخدي راحتك في التفكير ... اوك بعدا لازم امشي عشان عمار ما يشاكلني ... طيب ارح انا زاتي مارق مرقو برا ... واي دا منو الحيوان دا ... في شنو 😁... في زول منفس لي لساتك عربيتي 😃.. مامشكله تعالي اوصلك ... والعربيه 🙂... برسل زول يجيبها ليك اطمني .... اوك ركبت معاهو العربيه ودورو.... ......... نور.. امجد.. امجد.. عيونو نور.. معليش لو توقف لي في اي صيدليه وتجيب لي بندول ... انا عندي بندول ... لالا دا ما بنفع معاي جيب لي اكسترا ولو ما معاك قروش ... افا عندي ماف شي يغلى عليك 😇... تسلم لي وطوالي نزل يجيبها جاب البندول ورجع .. هاك ... شكرا ... ابلعيهو 🙂... لالا احسن اصل البيت اكل حاجه حتى ابلعو ... اوك بالعافيه وبقو يتونسو ونسه عاديه لحدي ما وصلو البيت وصلها وطوالي رجع ...... مهاب... جات رساله جات رساله مروان... افتحها .... دي الرسايل المرسلها البوس للعصابه ودي اخر رساله مروان.. افتحها مهاب... مصورهم اصبر يحملو نشوف مروان.. اها مهاب... فتحو مروان... اها اقراهم سكت مسافه مروان.. مالك جيب جيب اقرا مسك اول رساله عشان يقراها كان محتواها ..... 🥳🥳🥳🥳🥳ودي وشوقي اليك صبري وعمري لك لترحمي العاشق الولهان يا انتي تمختري وتبختري ولكن برفق ا رحمي قلبي الولهان يا انتي لترقصي وتتمايلي ولكن برفق طريق قلبي مفتوح للمعاصي لتأخذي ما شئت مني بيتي سيارتي او حتى قلبي يداوم قلبي على ذكراك هديه من ربي ام ابلاء اجيبي ولا تتدللي ساوفيك الجديد والقديم رفقا فليس هناك فرق علي تخالط القديم والجديدفاقبلي وتقربي واشفي ناري يامن بحبها قد تغنيت اسرت فؤادي بين يديك لتهلكي ويهلك كل من ابويك بشاره من ربي انك مغرورة انيقه ولكن عقربه مسروره قلبت صفحاتي وقلت ويحاتي يذوب الفؤاد ولكن كرامتي فوق كل شئ 🥳🥳🥳🥳🥳مروان... دا شنو حسي مهاب ... ههه الله اعلم دي رساله غزليه معقوله البوس يرسل رساله زي دي شكلو عميلنا غلط مروان... كدي افتح الرساله التانيه ..... 🥰🥰🥰🥰حلم حلمنا نحبو موتنلاحقو ونصبر رعسى ولعل ما يفوت سمل يسمم بدنا ليه للحق طريق واحد ريهام شالت البطاريه جهان اكلت الطعميه اوس شال البطانيه لمره استخدم عقلك نع عاين وشوف وركز اهوواحد اتنين تلاته اطلع وانزل 🥰🥰🥰مهاب... هههه اخير حقت الغزل مروان.. بالجد دا شنو الكلام الخارم بارم دا 😀حروف ملتقه وحاجات ما بتتقري افتح افتح اخر رساله اها بتقول.... .......... في مطار الخرطوم الدولي كان لابس لبس زي فناين الراب ومعاهو حرسو شويه ومرق من المطار جاهو تلفون ردا وبعدها ركب العربيه ودور 🥺...........في كافتريا في السوق العربي كانو قاعدين الجو شويه مكهرب بينهم
يتبع.......
