.... القصه وما فيها انو دي بت خالي جات من البلد وجايه جديده عشان كدا جبتها املا ليها كرشتها واطيرها الداخليه .... اها والبضمن شنو انو انت ما بتكضب اتنحنح حبه قبل ما يرفع حاجبو ويقرب بطريقه مغريه ويهمس بصوت محشرج.... البثبت ليك عيوني عايني في عيوني بتعرفي لو كذبته 😎😎اتنحنحت بعد ما حست جسمها برد من الموقف بعدت سنتمترات قبل ما تشيل نفسها عشان تعاين ليهو هنا هو اداها نظرة كدا وووب دمار بس 😃😃*شفتو عشان كدا بقولو ليكم اقرب طريق للنار لسانك وعينك لو حفظتهم سلمته 😃😃الله يهدينا جميعا *نظرتو وكميه الكلام الفي عيونو خلاها ما قادرة تتكلم حاولت ما تنكسر ولملمت باقي شجاعتها لحدي ما بقت طبيعيه .... عايني لي شوفي عيوني لو بكذبو .... اها 🙄عاينته .... اااخخخ من العيون العسليه الكساره قطعت كلامو بضحكه مدويه 😃😃من النوع داع الببدا ب ها وينتهي بههههيي المهم اتخيلوها غلبتني 😹😹.... ايوا كدا يا معلم فك التكشيرة وارح عشان سايقك محل رهيب ... وين يا عزومي 🙈.... احي كدي قولي تاني .. اقول شنو 🙈... قولي اسمي 🤤🤤... ابيت اول وريني ماشين وين .... مفاجأه ... اوك طيب حاضرب لصحبتي عشان اكلمهم اني ماشه معاك .... لالالالا 🤯🤯... مالك😟.... لالا ماف شي 😅بس يعني عاوز ناخد راحتنا وزاتو عشان ما يحسدوك ويخربو مفاجأتنا ... اي صاح طيب بكلمهم بعدين وزاتو حيشوفوها في الاستوري ما ضروري ارح يا بيبي انا متشوقه 😘😘... انا كمان متشوق 😎فعلا ركبو العربيه ووو ........ بدايه يوم جديد كالعاده بسمه لبست واتجهزت ومشت مدرستها كانت اول حصه مع استاذ ماهر كان بدرس في حصتو وتركيزو كلو مع بسمه يلي كانت من شده زعلها ما قادرة تتابع معاهو وما قادرة تفهم""زي لمن امك زمان تدقك وتقريك بالغصب ما بتفهم ولا شي 😹بتكون بتسمع وبتبكي وتجري تكبو في المخده وتمشي الامتحان ساي 😹😹""كانت بس بتعاين ليدينها جاهو حبه احساس بالذنب بس تاني قال اصلا انا استاذ ومفروض اعمل كدا المهم بعد انتهت الحصه جمع منهم الكراسات عشان يصححهم اتفاجأ بكراس بت ما كاتبه ولا شي غير الفي السبوره وكاتبه التمرين بس ما حالاهو في حين انو الفصل كلو حلاهو لانو ساهل استغرب جاتو في بالو البت ديك ماعارف ليه بس حسا انو دا بالجد كراسها اخد نفس عميق وبدا يصحح في بقيه الكراسات الحصه البعديها برضو كانت معاهو بدا يوزع في الكراسات لحدي ما انتهى ... الما جاهو كراسو يقوم على حيلو بسمه بالرغم من انو عارفه انو دا كراسها وعارفه السبب بس برضو ما قامت عاين ليها نظرة ذات معنى بس هي عملت رايحه وبقت تعاين في الارض 💔... مش كدا اي زول يخت كراسو قدامو وكل البنات ختو كراساتهم بقا يمر عليهم لحدي ما وصل بسمه ... انت قومي على حيلك 😡انا كنته بنبح ؟؟؟مش قلته الما جاهو كراسو يقيف ليه ما وقفتي ردي 😡... ماعاوزه اقيف وما عاوزه اكتب وانا بكرهك وبكره مادتك وانت زول كعب انت زول كعب انت زول كعب ماهر دا اتخلع لمن رجع لورا.. من طريقه كلامها ومن صراحتها البتعتبر في حاله زي دي وقاحه لزول ما عارف حالتها .... يا بت يا قليله الادب اهلك ما ربوك انا الجابني لبنات عرب زوط زيكم شنو بكل وقاحه جايه تعلميني انت اكون كعب ولا كويس شال الكراس وجدعو في الارض وشاتو بكراعو .... اسمعيني هنا شفتي مقاله الليله دي تمشي تكتبيها ميه مره وتاني جمع الكراسات عليك وبس حاولي تاني اجمعي الكراس فاضي عشان اوريك الوش الما بتعرفيهو وانتو يا سجم 😡تكونو عارفين دا اليوم التاني لي معاكم لكن بأسلوبكم دا نحنا ما حنمشي حلوين نهائي 😡البنات كلهم ما عجبهم الموضوع ونظرو لماهر نظرة كدا تشع بالانتقام ""قلتا ليكم بنات بلد والاجر على الله 😹😹💔""شال طوالي حاجاتو ومرق وهو معصب امنه... واي يا بسمه بالغتي عيب كدا هو اي كعب واي شي لكن انت بت مربيه ما تخليهو يختك في راسو ... يعني انا انا انا انا قليللله ادب انا انا والله ما كدا لكن امنه... عارفاك يا بسمه ما قصدك لكن عشان خاطري الاستاذ بس اكسبيهو عشان ما نطفش كلنا واصلك ما دايره بيهو شي لا ماشين نناسبو لا نعرسو فشنو استرخي واتعاملي معاهو كجماد او اله افهمي وانسي اي شي وخليك في مستقبلك واحلامك ... اااا اااي صاح كلا مك صاح خلاص تاني ما بعمل كدا وحاعتذر ليهو امنه... اي تمام بجهه تانيه بنات الفصل كانو بتشمشرو ويخططو في خطط يكرهو بيها الاستاذ دا عيشتو ""بنات بلد والاجر على الله 😹""ما علينا... مرا اليوم عادي على بسومه وكان كل شي ظابط لحدي ما وصلت البيت ولقت ابوها جا من السفر عبد الصمد... اخيرا جيتي 😡قرايه شنو وكلام فارغ شنو البخليك تجي بالعصر مهره.. يا راجل خلاص مشيها عندهم دروس عصر عبد الصمد... لالا خليك من الكلام الفارغ دا انا سافرته وجيت وجبته ليك معاي عريس عشان تعرفي انا قدر شنو بحبك 😀💔مهره... يا راجل الموضوع دا قفلناهو زمان عبد الصمد... انت مالك ما تدخلي ياتو يوم بنشاور النسوان نحنا المرا في البيت زيها زي كراع الكرسي واحد تعمل العليها وتسمع الكلام والا حنكسر ليها راسها قبل على بسمه ... اها قلتي شنو بسمه كانت خايفه من ابوها وردها معروف ... اناانا انا ماعاوزه اعرس عاوزه اقرا عبد الصمد... قر ينفخك انت وامك انا حسي ما فاضي ليكم والله خلوني ماشي الترعه وجاي بكسر ليكم راسكم لو في وحده قالت لا وشال شالو وطلع هنا بسمه مشاكل اليوم كلها جاتها دفعه واحده بقت تبكي وتبكي قامت حاجه مهره حضنتها وبقت تهدي فيها وادتها الغداء وبعدو الدواء وخلتها تنوم نامت شويه صحت بقت تزاكر ... يا بتي القرايه ماشه معاك كيف .. الحمد لله يا امي لكن صحي ابوي ما حيخليني اقرا😟... لالا ما تخافي انا حاتصرف وزاتو نحنا يوم الخميس مسافرين الخرطوم نجي راجعين السبت عشان مقابلتك بتاعت الدكتورة ومنها نشوف حسام ورايو شنو .... خلاص تمام الله كريم قربت منها وباستها في جبينها ... اي الله كريم انت بس اقري واجتهدي والله بوسعها علينا برزقو ما تخافي يلا امشي ما اشغلك وفعلا مشت منها بسمه شويه سرحت في ماهر ومشاكل المدرسه لكن اتزكرت فجأه امها المنتظراها واتزكرت احلامها وقررت انها تجتهد وتاني ما تحتكا بزول ساهرت ل٢صباحا بسبب العقاب الادوها ليهو مرا يومها عادي وجا اليوم البعدو لحدي ما دخلت الفصل وسمعت بنات بقولو ............... اتخلعت ونططت عيونها شالت الورق المفروض تسلمو واتجهت نحو مكتبو لحدي ما دقت الباب وخشت ووووو.... ........ .... انت موديني وين وبعدين دي شنو الحته المضلمه دي انا خفته يا عزام زح لي .... لالا امشي امش لجوه المفاجأه .. انت مش عارف اني بخاف من الضلام ثم ثانيا مالك ماسك يدي كدا🙄اي اي فك يدي عزام انا ما بعظر معاك فك يدي يا متوحش عاوز تعمل شنو انا ما بتاعت كلام زي دا ... كلام شنو يا بيبي 😎اها فكيناك .... اف ياخ شوف يدي حمرت كيف وانت اوع تاني تقول لي مفاجاه ولا زفت جايبني حته كلها لواري دا شنو دا وثم ثانيا اوع ... تصبحي على خير 😎... كيف يع..قبل ما تتم كان قرب منها وغطا ليها نخرتها بمخدر شويه ونزلت في يدو بكل انسيابيه ابتسم بنصر يلا يا بت يا ما نافعه الليله بوريك الليل وسواد الليل انا برضو اليتقال لي كدا الليله يومي حتموتي يا عفنه يا معفنه 💔😀وحاسرق كلاويك واجدعك زي الكلب شويه وجو عليهو اتنين من اتباعو دخلو البت في كيس ورفعوها مع الحديد الموجود في اللواري وركبو اللوري وبقو سايقين لحدي حلفا وصلو هناك جدعو كل البنات الكانو في اللوري والكانو ملفوفات كحال بتنا القبل شويه ومن هنا بدت جريمتنا وقصتنا الكان اتعرضنا ليها في بدايه قصتنا 💔😹........... كالعاده قاعد في مكتبو خالف رجلو قدامو في عصير منقه بارد مندي ببرة ""اااححح ❤""وطفايه سجاره خلص سجارتو وطفاها بعدها شرب العصير شويه ودق بابو مهاب.... صباح الخير مروان.. صباح شنو يا زول الساعه ١٢ونص وين انت مهاب.. والله بس تقول شنو مشغوليات مروان... 🙄مهاب. ما تعاين لي كدا عارف الشغل شغل وبتاع لكن غصب عني المهم خليك زي ما قلته لي اجرته ليك شقه تلاته يوم زي ما قلته لي للحجه مروان.. اي تمام بس ما تكون صغيره مهاب... ليه جاي منو تاني 🤤مروان.. مهاب رد لي على حسب السؤال 🙄ما تمعطني مهاب.. 😀كبيره وشكرا لانو جبهتي طارت مروان.... براها ولا معاها الجلحات 😹😹مهاب... ههه ظريف انت بس غيران عشان انا وجيه ومكسر الجكس مروان... اي اي خلاص تمام المهم خليك من جلحاتك حسي خلينا في المهم مهاب... 🙂ويلي هو مروان.. الضيفه مهاب.. طلبته ليك دوريه مروان.. لالا ما عاوز بس بعربيتي بمشي واديني وصف الشقه وخلاص مهاب.. تمام مروان.. ولو في اي جديد اوفيني مهاب.. تمام ....... مروان مشا قابل ضيفتو وبعد ساعتين رجع مكتبو بقو مراقبين كلو وسائل السفر مرا اليوم الكان مفترض تحدث فيهو الجريمه عادي مهاب.. يا مروان ماف اي اثر لزول سافر او دخل غريب مروان.. اي غريبه مفروض بكرة جريمتهم ومفروض انو يكونو وصلو مهاب... انت عارف انا خايف انو مهاب ومروان في نفس الوقت .... يكون جا وانتهى 🤯🤯في هذه اللحظه التي تمسك هاتفك فيها أمجد يرتع ويمرح في اراضي السودان الواسعه يخطط لنيل فريسته القادمه المعضله الكبرى ليست في وجوده فقط.. المعضله فيأين هو... ما الهدف القادم.... ما الخطه وغيرها من الاسئله التي تدور في فكرك مثلما تدور في فكر مروان الان فهل سيمنعون جريمه من الحدوث ام انها حدثت وانتهت... 💔💔🙂
يتبع.....
