مشيت تابعاتو حتى دخل للمكتب، غير دخلت موراه و هو يسد لباب حتى كان غيطيرو و كلاني مع لحيط..
فهد : (مغزز) واش من النهاار اللول ديالك فهاد الشركة بديتي بالتسلكيط هاا .. واش لدين موووك ما بغااش تحشمي ..
كوثر : (خنزرت فيه ) : واش نتااا مريييض ، بعد مني ماااشي سوقك فياااا ، وا ما درت تا حاجة فرقنييي عليك ، عطيني تيسااع ...
فهد : (شدني من فكي ) لا مادرتي حتى حاجة غير جالسة تجمعي مع ز*** و ضحككوم واااصل لفين ...
كوثر : ماشي شغلك فيا و هذاك وقت لغدا ندير فيه اللي بغيت و نضحك معا من ما بغيت أنا حرة ...
فهد : ماعندناش لبناااات اللي يتسلكطو ، ما تنسايش راك كتحملي كنية الشافعي ...
كوثر : بزاف عليك الحماااار الا أنااا نتسلكط ، طلق مني طلققق
فهد : (زاد زير عليا ) أشنو ماسمعتش مزيااان ، عاودي اش قلتي ألبرهووشة ...
كوثر : (بكثرة الأعصاب ما بقيتش عارفة راسي اش كنقول ) طللقققق منيييي ألحماااار طلق ، تعرف تقاوى غير على لبنااات ..
فين كملت هدرتي هو يعطيني بواحد السقلة لوجهي حتى تلفني على دارنا فين جاية ، شديت فحنكي مصدومة ، و قبل ما ينزلو دموعي دفلت عليه ..
كوثر : بزاف علييك الرجلة ألشماتة ...
و مشيت غادية كنجري حابسة دموعي يهبطو ، خرجت من الشركة و مشيت للقصر ، غير دخلت حميتها غوااات، و مشيت عند جدي كنبكي حيث هو لوحيد اللي غيفكني منو ...
بلسان الكاتبة
مشات كوثر و خلات موراها كومة غضب مشتعلة ، مشا خرج تابعهاا منين ملقاهاش ركب فطوموبيلتو و طار للقصر ، غادي صايگ و يسب فيها ..
فهد : برهوشة ديال لخلا تدفل عليا أنا و تقولي ماشي راجل (ضرب يدو مع الڤولون ) انااا غنورييييك ، اااااااعع ..
وصل للقصر دخل للفيلا لكبيرة ديال لجد لقاها مقلوبة بلغوات، كانت هاديك كوثر گالسة حدا الجد و حامياها بكا و ماماها كتحاول تسكت فيها و هي والو تقولي ركبوليها لپريز ، مشا غادي طاير لعندها غير وصلها تحنى لعندها جبدها من شعرها ، ما دار الإعتبار لا لجدو لا لماماهاا ..
فهد : أ دوي ألكلبة أنا ماشييي راااجل ، أنا يقولو عليا قراينك ماشي راجل هااا ..
الجد (ناض مفزوع من هول الصدمة ) : طلق منهااا أ فهد ااااش هاااد قلت الإحترااام ، ما بقيتو كتحتاارمو حد ..
فهد : (كيزعزع فيها من شعرها ) علاااش هي خلات فيها شي احترااااام ...
كوثر : طلق منيييي ، و لوكان ما كونتيش شماتة گاع ماتحطش يدك عليا .. (زاد زير عليها ) ااااااييي هئ ..
ماماين كوثر (خديجة ) : طلق منها أ فهد ، عفااا أولدي و نعلوو الشيطاان..
لجد ماقدش يصبر لهادشي و هو يشد قلبو و طاح على سداري خديجة مشات تجري تجيبلو دواه ديال لقلب ، فهد غير شاف جدو فديك لحالة و هو يدفع كوثر بالجهد حتى جات جبهتها على الطبلة د الزاج و تهرست ، طاحت سخفانة الأرض و دموياتها كيشرشرو ، جات ماماين كوثر عطات للجد الدوا شربو و توگض شوية غير حل عينيه و هو يشرعهم بصدمة فكوثر اللي طايحة ، دارت خديجة تشوف فاش كيشوف و هي تشهق من هول الصدمة و مشات كتجري تحنات عندها و حطتلها راسها على فخادها ...
خديجة : أويلييييي على بنتي اويليييي ، هئ هئ بنتي شنو وقعليهااا ، اجي هزها ناخدوها للسبيطار ، دغيااااا ...
دار فهد و مشا هزها حطها اللور و طلعت ماماها حداها ، عاد طلع هو و مشا طاير لأقرب مستشفى ..
الجد : ببنتي كوثر كح كح
وقف بصعوبة و خرج كيتمشى بشوية مشا عند الشيفور..
الجد : وصلني لأقرببب مستشفى ..
أنت تقرأ
القرار العائلي
Romanceقصة بالدارجة المغربية ، كتحكي على قرار خداه جد لعائلة ، قرار عائلي لا رجعة فيه غيفرض على البطلين يتزوجو زواج تقليدي ، اللي غايتبزز عليهوم بزوج حيث كانو مكيحملوش بعضياتهم ، و هذا اللي غيولد موجة ديال الكره و الحقد بيناتهم و لكن مع تزامن الأحداث و م...