أصبحنا وأصبح الملك لله :
حلات عينيها من نوم عميييق على صوت لفرملية ... استاقمت فلگلسة كتحك فشعرها بتكااسل ...
كوثر :(شافت فيها بتساؤل ) صباح الخير ..
لفرملية : صباح النور ألالة ، كيبقيتي مزيانة ؟ راسك معطاكش الصداع منين فقتي ؟
كوثر: لا هاد النهار الحمد لله گاع موجعنيش ..
لفرملية : موهيم راه السي فهد اللي قالي نفيقك و نعطيك هاد الصاك ..، قالك لبسيهوم حيث ليوم غتخرجي ..
عطاتها الصاك
كوثر : اوكي شكرا ..
لفرملية: تبغي نعاونك فشي حاجة ..
كوثر : لا ما كاين لاش تقدري تمشي ..
ناضت كوثر بثتاقل حيث شدها الدوخة من البارح ما كلات من غير دوك الصيرومات اللي كانو يعطيوها و زيد عليها فقدت دم كثير ، دخلت لتواليت و دخلت الصاك معاها غسلت وجهها ، حلت الصاك جبدت الحوايج و هي تبلق عينيها ..
كوثر : أويلي واش فهد اللي جايبلي هادشي ، يضل غوت على كسوتي و دابا جايبلي لمقزب..
لبست صاية فالصفر موطارد باارد محلولة من واحد الجنب حتى لفوق و قمجة بيضة محلولة من جيهة الصدر كتبين لكرش ، لبست سبردينا بيضة و جبدت دونتيفريس حكت سنانها عاد رشت بارفانها ، و جبدت مشطة سرحت شعرها و خلاتو مطلوق خافت تقسح الجرحة..
أنت تقرأ
القرار العائلي
Romanceقصة بالدارجة المغربية ، كتحكي على قرار خداه جد لعائلة ، قرار عائلي لا رجعة فيه غيفرض على البطلين يتزوجو زواج تقليدي ، اللي غايتبزز عليهوم بزوج حيث كانو مكيحملوش بعضياتهم ، و هذا اللي غيولد موجة ديال الكره و الحقد بيناتهم و لكن مع تزامن الأحداث و م...