သျှမ်း ရီဝေဝေအသိတို့နဲ့ ကျိမ်းစက်နေတဲ့မျက်လုံးတွေကိုဖွင့်ပြီး မိမိရောက်နေတဲ့ပတ်ဝန်းကျင်ကိုအကဲခတ်လိုက်သည်..
အခန်းသည် နံရံကပ်ညမီးဆီမှ အလင်းရောင်အချို့သာထွန်းလင်းနေပြီး အပြင်လောက၏အမှောင်ကြောင့်ဘာကိုမှမသဲကွဲ...
သူမြင်သလောက်ကတော့ ခရမ်းနုရောင်ဆေးသုတ်ထားတဲ့မျက်နှာကျက်ရယ် အခုသူရောက်နေတဲ့ ၂ ယောက်အိပ်ကုတင်ကျယ်ကြီးရယ်...
ပြီးတော့ဘေးနားက ပူနွေးနွေးအထိအတွေ့နှင့် လက်မောင်းနားမှာခွေအိပ်နေတဲ့ ခပ်ဝဝကြောင်ကြီးတစ်ကောင်။
မူးနောက်နေတဲ့ခေါင်းကိုဖိပြီး ကုတင်ပေါ်ကဆင်းသည်။
ခန္ဓာကိုယ်ပေါ်မှာရှိနေတဲ့အဝတ်အစားတွေကလဲ သူ့အဝတ်အစားတွေမဟုတ်။
သေချာတာကတော့ ဒါသူ့အခန်းလဲမဟုတ်ဘူး။
နှာခေါင်းထဲတိုးဝင်လာတဲ့ စိမ်းရွှေရွှေအနံ့ရဲ့လားရာကိုကြည့်လိုက်တော့ ကုတင်နဲ့ကပ်လျက်က စားပွဲပေါ်မှာတင်ထားတဲ့ အနီရောင်နှင်းဆီပန်းအိုး....
မုန်းလိုက်တာ ပန်းတွေကို ။ အထူးသဖြင့် ဒီလိုနှင်းဆီပန်းမျိုးတွေ ။ အမြင်သာလှပြီး သူတို့ကိုသေချာမပြုစု၊မစောင့်ကြည့်နိုင်ရင် ခဏလေးနဲ့နွမ်းသွား၊သေသွားတတ်တဲ့ ဆူးခြံရံပြီးအားနည်းချက်ကိုဖုံးကွယ်ထားတဲ့ပန်းမျိုး.....။
သူတို့နဲ့စာရင် လမ်းဘေးမှာပေါက်တဲ့ ခွေးသေးပန်းကမှသာဦးမယ်။
စိတ်ထဲသဘောမကျရင် မျက်စိရှေ့မှာလဲကြာကြာမထားချင် ။ စားပွဲခုံဘက်တိုးသွားပြီး ပန်းအိုးကိုလက်နဲ့လွှဲရိုက်ချလိုက်တယ်...
'ခွမ်း
ပန်းအိုးကျကွဲသံနဲ့အတူ ပန်းတွေဟာလဲပလဲပြီး ကြမ်းပြင်ပေါ်မှာ ရဲရဲနီသွားတယ်...
ကောင်းတယ် အဲ့ဒါငါ့မျက်စိရှေ့ရောက်လာမိတဲ့ နင်တို့ရဲ့အမှားပဲ။