ဒီနေ့ကတော့ stock နဲ့ပက်သက်ပြီး software တစ်ခုရေးနေတာနဲ့ တစ်နေကုန်အခန်းအောင်းပြီး ဗိုက်ကတကျုတ်ကျုတ်မြည်သံပေးလာတာကြောင့် သျှမ်း အောက်ထပ်ကိုဆင်းလာလိုက်သည်။
ညနေစာစားချိန်တော့ကျော်နေပြီပေမဲ့ စားစရာတစ်ခုခုတော့ရှိလောက်မှာပါလေ.....
သျှမ်းက အလုပ်လုပ်နေချိန်ဆို သူ့အလုပ်ခန်းထဲမှာ computer တွေနဲ့ပဲ နစ်မြုပ်နေတတ်ပြီး software ရေးနေတဲ့အချိန်မှာ အခန်းထဲမှာ အမြဲရှိနေတတ်သည်။
အရမ်းကိုအသေးစိတ်ပြီး အရေးကြီးလှသည့် software များကို တစ်ခုခုကြောင့် ပျက်သွားလျှင် ကြိုးစားထားသမျှရေစုံမျောမှာစိုး၍...။
သားကိုတော့ သူအလုပ်လုပ်နေတဲ့တောက်လျောက် ဂုဏ်ကပဲထိန်းပြီး မနက်ကတည်းက သူ့အလုပ်ကိုခေါ်သွားလေပြီ။
ဂုဏ်က ကလေးကိုသူများတွေလို ကလေးထိန်းတွေ၊နာနီတွေ ထားရတာမျိုးကိုမကြိုက်။
သူ့သားကို လူတကာလက်ထဲမထည့်ချေ။
ဒီနေ့လဲ သျှမ်းအလုပ်လုပ်နေတာကြောင့်သာခေါ်သွားတာ ဖောင်းဖောင်းလေးကမလိုက်ချင်၍ သားအဖနှစ်ယောက် ဆူညံပွက်လောရိုက်နေပြီးမှ သွားခါနီး ဘယ်လိုငြိမ်းချမ်းရေးရသွားသည်မသိ။
သားက ကြည်ကြည်သာသာပင် ဂုဏ်နဲ့လိုက်သွားသည်။
ကြောင်လိမ်လှေကားကွေ့အတိုင်း ဆင်းလာရင်း ဧည့်ခန်းဘက်ဆီခြေချမိတော့ အိမ်အကူအဒေါ်ကြီးတစ်ယောက်ကိုတွေ့သည်။
သူဒီအိမ်ရောက်တာ ကြာပြီဖြစ်ပေမဲ့ အလုပ်သမားတွေနဲ့ကတော့ တစ်ချို့တစ်လေကို မျက်မှန်းတန်းမိရုံလောက်သာသိသည်။
မိဘအိမ်မှာနေကတည်းက အရိုသေတန်မည်စိုး၍ မေမေကိုယ်တိုင်က အလုပ်သမားများနှင့်ရင်းရင်းနှီးနှီးမနေခိုင်း။
အဆင့်အတန်းခွဲတာတော့မဟုတ်ပေမဲ့ ကိုယ်ကိုယ်တိုင်ကလဲ ဒီအိမ်ရောက်ကတည်းက စိတ်အခြေအနေမကောင်းခဲ့တော့ အိမ်ကြီးနှင့်ပက်သက်၍ မလေ့လာဖြစ်ခဲ့တာလဲပါသည်။
![](https://img.wattpad.com/cover/223803627-288-k784961.jpg)