_نور قبل اما تتكلم سمعت صوت زياد وهو بينادي ع أدم.
_نور:
"زياد بنادي عليك"
_أدم وهو بيخرج من الاوضة:
"ماشي، بس برضو مقولتش صاحبتك مامت إزاي بس أنا هستني أنتِ اللِ تجي تقوليلي"
_قال ليها الكلام ده وبعدها خرج لـ زياد.
_نور أتنهدت براحة بعد خروجه لأنها مكنتش عارفة ترد عليه وتقول أي"؟!
_______________________
"عند زياد وأدم"
_أدم بهمس لـ زياد:
"متنساش تقول لـ نور ع موضعنا"
_زياد بنفس الهمس:
"حاضر فاكر"
_أدم:
"تمام أنا همشي أنا بقا"
_زياد:
"يعم ما تقعد شوية وهو أنت لحقت تقعد"
_أدم:
"كفاية كده بقا مرة تانيه"
_زياد:
"ماشي، أشوفك بكرة بقا"
_أدم:
"ان شاء الله، سلام"
_زياد:
"مع السلامه"
_أدم مشي وبعدها نور خرجت من الاوضة وبتسأل زياد عن أدم.
_نور بتسأول:
"الله أومال أدم راح فين"؟!
_زياد:
" روح "
_نور:
"امم ماشي، هدخل أوضتي"
_زياد:
"ماشي"
_______________________
"في أوضة نور"
_مسكت نور الفون بتاعها وأتصلت بـ أدم وطبعًا هي مغيرة الصوت ومخليه صوت رجل علشان أدم ميعرفش أنها بنت وكمان يعرف أنها نور. "
"في الناحية التانيه عند أدم كان خلاص وصل بيته وغير هدومه وخلاص داخل ينام لاقي تلفونه رن برقم غريب عن كل مرة فـ رد وقال:
" الو"
_القاتل(نور):
"إزيك يباشا"
_أدم بهدوء:
"كنت مستني مكالمه منك"
_القاتل (نور):
"بجد طب كويس والله أنك بقيت تستني"
_أدم:
"ها المرادي هتقول أي"؟!
_القاتل (نور):
" عمار هيحرق الملف علشان أنت متقدرش توصله "
_أدم بغضب:
"أبن الل استغفر الله العظيم"
_القاتل (نور):
"هو قرر يشغل دماغه وهيعمل نسخه تانيه منه لازم تأخد النسخه دي منه، هتلاقي الملف في شقته اللِ في الزمالك هو لسه مرحش هناك يبقا أكيد لسه محرقش الملف، روح أنت بسرعة وخد الملف واعمله نسخه قبله"
_أدم بتعجب:
"أنت بتساعدني وأنت عارف أن أنت لو اتمسكت هتتعدم"!
_القاتل(نور) بحزن بس حولت تخفيه:
" لازم أحقق هدفي الاول وبعدين أبقي أشوف حكاية الاعدام دي"
_أدم:
"طب وأي هو هدفك"؟!
_القاتل(نور):
" هتعرف بعدين، لازم تروح تجيب الملف وأنت هتفهم، سلام يباشا"
_قفل أدم مع القاتل وفضل يفكر في القاتل ده وأي ممكن يكون هدفه بس قرر أنه يروح شقه عمار اللِ في الزمالك ويجيب الملف وساعتها يفهم كل حاجه..
#يتبع..
#الحلقه(11)
#رأيكم؟!
#القاتل_المجهول
#مـروة_مـحـمـد
