"_أدم فضل مصدوم جدًا ومش مصدق اللِ هو سمعه وقرر أنه هيروح لـ زياد ويتكلم معاه في الموضوع ده"
_______________________
_أدم وهو يدخل مكتبه ويقوم بـ الاتصال ع زياد:
"أيوة يـ زياد تعاليلي المكتب حالًا"
_زياد بستغراب:
"حاضر فيه حاجه ولا أي"؟!
_أدم:
" تعال يـ زياد خلص"
_زياد:
"حاضر"
_"وبعد دقايق كان زياد قاعد مع أدم في مكتبه وأدم بدأ يقوله ع المكالمه وبدأ اما خلص زياد قاله":
"عمار كنت حاسس أنه بيعمل حاجه مش تمام بس مكنتش قادر أمسك عليه حاجه"
_أدم:
"طب وأي علاقة عمار بموت محمود"!
_زياد بتفكير:
" صح وهو ليه القاتل قال أن عمار ليه علاقة بموت محمود وأنه هيوصلك لـ نص الحقيقه "؟!
_أدم بتفكير:
" مش عارف بس لازم أحط مراقبه ع عمار وساعتها هعرف كل حاجه "
_زياد:
"تمام، هروح مكتبي أنا بقا ولو عاوزني ابقي ابعتلي"
_أدم وهو يهز راسه بمعني نعم:
"ماشي"
"_بعد خروج زياد من مكتب أدم فضل أدم يفكر ويرتب الاحداث مع بعض بس لاقي أن فيه خيوط ناقصه كتير ولحد دلوقتي لسه مش عارف يوصلها وده مضايقه جدًا لانه لـ أول مرة من ساعت ما أشتغل يحس أنه مش قادر يحل القضيه أوي يعرف هو مين الشخص اللِ بيكلمه ده وفي عز تفكيره تلفونه رن برقم الشاب اللِ هو طلب منه أنه يراقب شادي"
_أدم:
"ها فيه جديد"
_الطرف الاخر بأحترام:
"أيوة يـ باشا عرفت لحضرتك شادي هيقضي الليله عند مين في صحابه"
_أدم بهدوء:
"مين"؟!
_الشخص الاخر:
" واحد صاحبه هو ومحمود الله يرحمه اسمه أحمد "
_أدم:
"عندك معلومات عنه"؟!
_الشخص الاخر:
" أيوة يـ باشا، أحمد شاب طايش وكله حياته مقضيها فسح وخروج وبيشرب وكمان عنده علاقات "
_أدم:
"تمام أبعت العنوان"
_الشخص الاخر:
"تمام يباشا مع السلامه"
_أدم قفل مع الشخص ده وبعدها لاقي رساله جاتله بـ عنوان أحمد وقرر أنه هيروح ليهم هناك"
_________________________
"عند عمار في المكتب كان بيتكلم مع شخص في الهاتف وبيقوله":
" تمام يباشا متقلقش أنا مخبي ملف القضيه كويس ومحدش هيقدر يوصله.
_الطرف التاني:
"خالي بالك من أدم كويس مش لازم يعرف أي حاجة عن الملف ده"
_عمار:
"متقلقش يباشا، أدم مين اللِ هيعرف حاجه عن الملف ده متقلقش مش هيعرف حاجه"
_الطرف التاني:
"ماشي لما أشوف وفلوسك محفوظه تقدر تيجي تخدها"
_عمار بطمع:
"متحرمش منك يباشا"
