_أدم بغموض:
"علشان أكشف حقيقتك"
_نور بتوتر:
"حقيقه أي يـ أدم"؟!
_أدم بصوت عالِ:
" نورررر الهبل ده مش عليا مفهوم "
_نور بخوف:
"أدم مالك فيه أي؟! أنا مش فاهمة حاجة"؟!
سمعت صوت أخيها زياد وهو يأتي في اتجاهها هو وشهد قائلًا بجمود:
" حقيقتك أنتِ وشهد هانم"
_شهد بتوتر:
"أنا مش فاهمة أنتوا بتقولوا أي"؟!
_نور بتوتر هي الاخري:
" أيوة أنا كمان مش فاهمة فيه أي"؟!
_أدم بهدوء:
"أقولكم أنا نور هانم القاتله المجهوله والمحترفه وازاي قدرت تخبي عن كُل الناس والشرطه انها هي اللِ بتقتل"
_نور بصدمة:
"أنت.. أنت عرفت إزاي"؟!
_أدم بهدوء:
" أنتِ كنتي مفكره أن أنا مش هعرف لا تبقي هبله ومتعرفيش مين هو أدم، فاكرة يوم لما وقعتي عليا العصير وخدتي الجاكت تغسليه وبعدها رجعتي ليا الفون الحكاية بقا بدأت من هنا، الفون عرفت أنه متراقب أي فكرتي أني مش هعرف، حاجة هبله زي دي ومش هعرفها ده يبقا عيب والله ساعتها قولت لزياد وقولتله ميقولش لحد وليعرفك حتي وأنا قلبت الموضوع عليكِ بقيت مراقب تلفونك وزياد مراقب تلفون شهد ومن هنا عرفنا أنكم هما اللِ قتلتوا محمود وكمان رجل الأعمال"
_زياد بعصبيه:
"أنتِ يـ نور تعملي كده إزاي؟! وصلت لـ القتل القتل يـ نور، لو كنتي عرفتيني كنت قدرت اتصرف أنا وأدم بس للأسف أنتِ معملتيش كده اتصرفتي من دماغك وهتودي نفسك في داهيه"
_نور بزعيق وغضب:
"كنت عاوزني أجي أقولك أي، زياد الحقني ابن اللواء سيف اغتصب صاحبتي وبعدها رمها في الشارع وماتت ها رد عليا كنت هتعمل أي؟! كنت هتقف قصاد اللواء؟! طب ما أحنا عملنا كده وتعرف قال أي؟! هددنا بالقتل لو اتكلمنا ع اللِ الباشا أبنه عمله، مكنش قدمنا حل غير أني اقتله وهو يستاهل القتل وأنا مش ندمانه نهائي سامع مش ندمانه ولو الزمن رجع تاني كنت هقتله ابشع موته كنت هعذبه ومش هندم أبدًا، أما بقا رجل الأعمال ده كان شغله شمال كله وأعمال مشبوهه وكان لازم يقتل"
_أدم بهدوء:
"واللواء سيف"؟!
_نور:
" اللواء سيف كنت اتمني اقتله بس نصيبه أن المافيا هي اللِ قتلته، الغبي كان بيسجل كل حاجه كانت بتحصل معاهم وبيشتغل وراهم وأنا اللِ عرفتهم كُل ده وأهو اتقتل "
_زياد بهدوء:
"ليه عملتِ كده"
_نور بحزن:
"صاحبتي ماتت كان لازم اجيب حقها والقانون مكنش هيجيب حقها أبدًا يـ زياد أبدًا وخوفت عليك أنت وأدم لو كنت عرفتكم كان اللواء سيف مكنش هيخليكم عايشين كان لازم أبعدكم عن كُل ده"
_أدم بهدوء وفخر:
"أنا فخور بيكِ يـ نور علشان جبتي حق صاحبتك، بس اللِ مش موافق عليه التصرف بتاع القتل كان هيكون فيه أي حاجة تانيه غير القتل كنا ممكن نفكر مع بعض لو عرفتينا بس خلاص مفيش داعي لـ الكلام ده"
